ໜ່ວຍແມ່ຍິງຫ້ອງວ່າການແຂວງ ສຳເລັດການປາຖະກະຖາປະຫວັດຄວາມເປັນມາຂອງວັນແມ່ຍິງສາກົນ ( 8 ມີນາ ) ຄົບຮອບ 108 ປີ

ໃນ​ຕອນ​ບ່າຍຂອງວັນທີ 9 ມີນາ 2018 ທີ່​ຜ່ານ​ມາ​ນີ້, ທີ່​ຫ້ອງປະຊຸມຊັ້ນ III ຂອງຫ້ອງວ່າການແຂວງ ຮາກຖານ​ສະຫະພັນ​ແມ່ຫ້ອງວ່າການແຂວງ ພ້ອມດ້ວຍໜ່ວຍສະຫະພັນແມ່ຍິງກຸ່ມພັກ – ພະນັກ ງານ ( ໜ່ວຍສຍ ຄະນະໂຄສະນາອົບຮົມແຂວງ; ໜ່ວຍ ສຍ ຄະນະຈັດຕັ້ງແຂວງ;  ໜ່ວຍ ສຍ ພະແນກພາຍໃນແຂວງ; ໜ່ວຍ ສຍ ຫ້ອງການປກຊ – ປກສ )ໄດ້​ຈັດ​ພິທີ​ປາຖະກະຖາ​ປະ​ຫັວດຄວາມ​ເປັນ​ມາ​ຂອງວັນແມ່ຍິງສາກົນ(8 ມີນາ 1910 – 8 ມີນາ 2018) ຄົບຮອບ 108 ປີ, ໂດຍ​ພາຍໃຕ້ການ​ເປັນ​ປະທານ​ ແລະ ໃຫ້ກຽດປາຖະກາຖາຂອງ​ທ່ານ ປ ອ ສະໄໝ ໂພທິສານ ກໍາມະການພັກແຂວງ ເລຂາຄະນະພັກຮາກຖານ ຫົວໜ້າຫ້ອງວ່າການແຂວງ. ທ່ານໄດ້ເລົ່າຄືນປະຫວັດຄວາມເປັນມາຂອງການສ້າງຕັ້ງວັນແມ່ຍິງສາກົນ ( ທີ 8 ມິນາ ) ເຊິ່ງທ່ານໄດ້ຍົກ​ໃຫ້ເຫັນການຕໍ່ສູ້ປົດປ່ອຍຕົນເອງຂອງກໍາມະກອນເພດຍິງທີ່ຖືກດູມິ່ນຢຽດຫຍາມຖືເປັນດອກໄມ້ ແລະ ຖືກກົດຂີ່ຂູດຮີດທາງເພດ, ຈິ່ງໄດ້ລຸກຂື້ນຕໍ່ສູທວງເອົາສິດຜົນປະໂຫຍດອັນເປັນທໍາ ແລະ ສິດສະ​ເໜີ​ພາບ​ລະຫວ່າງ​ ຍິງ – ຊາຍ ​ໃນ​ການອອກແຮງງານຂອງ​ກຳມະກອນ​​ໃນທົ່ວໂລກຈາກພວກນາຍທືນ,  ພ້ອມນັ້ນ ທ່ານກໍຍັງຍົກໃຫ້ເຫັນຄວາມແຕກຕ່າງຂອງແມ່ຍິງໃນປັດຈຸບັນທີ່ມີບົດບາດທຽບເທົາກັບເພດຊາຍໃນເວທີສາກົນ ແລະ ໃນຂອບເຂດທົ່ວປະເທດ ເວົ້າລວມ, ເວົ້າສະເພາະກໍແມ່ນຢູ່ໃນແຂວງ ສາລະວັນ ພວກເຮົາທີ່ແມ່ຍິງໄດ້ມີບົດບາດເປັນການນໍາ ແລະ ອື່ນໆ ໃນໂອກກາດນີ້, ທ່ານກໍຍັງໄດ້ຮຽກຮ້ອງໃຫ້ເອື້ອຍນ້ອງແມ່ຍິງໃຫ້ເອົາໃຈໃສ່ບຸກບືນ ຝືກຝົນຕົນເອງ, ເປັນເຈົ້າການໃນການປະຕິບັດໜ້າທີ່ວຽກງານຕາມການມອບໜາຍໃຫ້ສໍາເລັດ ແລະ ມີປະສິດທິຜົນສູງ, ພ້ອມກັນກ້າວໜ້າຂື້ນໄປເລື້ອຍໆ.