ໜ່ວຍພັກຄົ້ນຄ້ວາ – ສັງລວມວຽກລັດ ເປີດກອງປະຊຸມສະຫຼູບການຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທີ I ໄລຍະ 4 ປີ

ຕອນເຊົ້າ ເວລາ 8:00 ໂມງ ຂອງວັນທີ 23 ມັງກອນ 2018 ນີ້, ທີ່ຫ້ອງປະຊຸມຊັ້ນ III ຂອງຫ້ອງວ່າການປົກຄອງແຂວງ, ໜ່ວຍພັກຄົ້ນຄວ້າ – ສັງລວມວຽກລັດ ທີ່ຂື້ນກັບຄະນະພັກຮາກຖານຫ້ອງວ່າການປົກຄອງແຂວງ ໄດ້ເປີດກອງປະຊຸມສະຫຼູບການຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທີ I ຂອງຕົນຂຶ້ນ, ພາຍໃຕ້ການເປັນປະທານຮ່ວມ ຂອງສະຫາຍ ເຄນຄໍາ ວໍລະຈິດ ຮອງເລຂາຄະນະພັກຮາກຖານຫ້ອງວ່າການປົກຄອງແຂວງ, ຫົວໜ້າຫ້ອງການ ປກຊ – ປກສ ​ແຂວງ ແລະ ທ່ານ ສົມຄິດ ວົງສາລີ ຮັກສາການເລຂາໜ່ວຍພັກຄົ້ນຄ້ວາ – ສັງລວມວຽກລັດ ມີບັນດາສະຫາຍເລຂາໜ່ວຍພັກທີ່ຂື້ນກັບຄະນະພັກຮາກຖານຫ້ອງວ່າການປົກຄອງແຂວງ ແລະ ຕ່າງໜ້າອົງການຈັດຕັ້ງກໍາມະບານ, ອົງການຈັດຕັ້ງຊ່າວໜຸ່ມ, ອົງຈັດຕັ້ງ​ແມ່ຍິງ ​ແລະ ສະມາຊິກພັກຂອງໜ່ວຍພັກຄົ້ນຄວ້າ – ສັງລວມວຽກລັດ ເຂົ້າຮ່ວມທັງໝົດ 16 ສະຫາຍ, ຍິງ 4 ສະຫາຍ.

ກອງປະຊຸມຄັ້ງນີ້, ໄດ້ຮັບຟັງການລາຍງານການຈັດຕັ້ງປະຕິບັດມະຕິກອງປະຊຸມໃຫ່ຍ ຂອງໜ່ວຍພັກຄົ້ນຄວ້າ – ສັງລວມ ວຽກລັດ ​ໃນໄລຍະ 4 ປີເພື່ອວາງທິດທາງແຜນການ 1 ປີ ຕໍ່ໜ້າ ແລະ ຜ່ານບົດສຳຫຼວດການນຳພາລວມຂອງຄະນະໜ່ວຍພັກ, ເຊິ່ງໄດ້ຕີລາຄາວ່າ:  ສະມາຊິກ​ພັກ, ພະນັກງານ – ລັດຖະກອນ ພາຍ​ໃຕ້​ການ​ຊີ້​ນຳ ນຳພາ​ຂອງ​ໜ່ວຍ​ພັກ ​ມີ​ຄວາມ​ສະຫງົບ ​ແລະ ອຸ່ນ​ອ່ຽງທຸ່ນ​ທ່ຽງ​ດີ, ພ້ອມ​ກັນປະຕິບັດ​ໜ້າ​ທີ່​ວິຊາ​ສະ​ເພາະ​ຕາມ​ການ​ມອບ​ໝາຍ​ມີ​ຜົນສຳ​ເລັດ​ເປັນ​ສ່ວນ​ໃຫ່ຍ, ໜ່ວຍ​ພັກ​ໄດ້​ເຕີບ​ໃຫ່ຍ, ມີ​ການ​ສ້າງ​ເງິນ​ກອງ​ທຶນ​ເພື່ອ​ຊ່ວຍ​ເຫຼືອ​ເຊິ່ງກັນ, ໜ່ວຍ​ພັກ​ກາຍ​ເປັນ​ໜ່ວຍ​ພັກ​ເຂັ້ມ​ແຂງ – ຮູ້​ນຳພາ​ຮອບດ້ານ.

ຕອນທ້າຍກອງປະຊຸມກໍໄດ້ຮັບຟັງການໂອ້ລົມ ຈາກສະຫາຍຮອງເລຂາຄະນະພັກຮາກຖານ, ຫ້ອງວ່າການ​ປົກຄອງ​ແຂວງ, ​ເຊິ່ງສະຫາຍໄດ້ສະ​ແດງ​ຄວາມຊົມເຊີຍ ຕໍ່ຜົນສຳເລັດ ​ແລະ ຕີລາຄາສູງຕໍ່ຜົນງານທີ່ໜ່ວຍ​ພັກ​ຄົ້ນຄວ້າ – ສັງ​ລວມວຽກ​ລັດຍາດມາໄດ້ໄລຍະຜ່ານມາ. ​ເພື່ອ​ເປັນ​ທິດ​ທາງ​ໃນ​ຕໍ່ໜ້າສະຫາຍຍັງໄດ້ເນັ້ນໜັກບາງ​ດ້ານ​ຄື: ຕ້ອງຖື​ສຳ​ຄັນ​ວຽກ​ງານ​ກົງຈັກ​ການຈັດຕັ້ງ, ກຳ​ແໜ້ນຄຸນນະພາບຂອງສະມາຊິກພັກ, ຖືເອົາການສືກສາອົບຮົມການເມືອງແນວຄິດ​ເປັນ​ກົກ, ເຊີດຊູບົດບາດການນໍາພາຂອງພັກ, ສ້າງພັກໃຫ້ປອດໃສ, ເຂັ້ມແຂງ. ສະມາຊິກພັກຕ້ອງ​ເປັນ​ບຸກຄົນ​ທີ່​ຫ້າວຫັນ ​ແລະ ເປັນແບບຢ່າງນໍາໜ້າໃນການປະຕິບັດໜ້າທີ່ວຽກງານ, ​ເພື່ອສ້າງຄວາມເຊື່ອໜັ້ນໃຫ້ແກ່ມະຫາຊົນ, ພ້ອມ​ກັນ​ອອ​ກ​ແຮງ​ແຂ່ງຂັນ, ​ເຜີຍ​ແຜ່​ເຊື່ອມ​ຊຶມ​ແນວທາງ​ນ​ະ​ໂຍບາຍ​ຂອງ​ພັກ ຕິດ​ພັນ​ກັບ​ວຽກ​ງານ​ວິຊາ​ສະ​ເພາະ, ຕິດ​ພັນ​ກັບ​ວຽກ​ງານ​ປ້ອງ​ກັນຊາ​ດ – ປ້ອງ​ກັນ​ຄວາມ​ສະຫງົບ ​​ເຮັດສຳ​ເລັດ​ໜ້າ​ທີ່​ໃນ​ການ​ເປັນ​ເສນທິ ການ​ໃຫ້​ແກ່​ການ​ນຳ ​ແລະ ບໍລິການ​ປະຊາຊົນ​ຢ່າງ​ແທ້ຈິງ.