ແຂວງສາລະວັນ ປະຖະກະຖາວັນແພດລາວຄົບຮອບ 53 ປີ.

ໃນຕອນເຊົ້າວັນທີ 22 ມິຖຸນາ 2018 ຜ່ານມານີ້ ທີ່ຫໍປະຊຸມໃຫຍ່ຂອງແຂວງ ສາລະວັນ ໄດ້ຈັດພິທີປາຖະກະຖາ​ວັນແພດຄົບຮອບ 53 ປີ (18 ມິຖຸນາ 1965 – 18 ມິຖຸນາ 2018) ໂດຍພາຍໄຕ້ການເປັນປະທານຂອງທ່ານ ພູທົງ ຄໍາມະນີວົງ ຄະນະປະຈໍາພັກແຂວງ, ຮອງເຈົ້າແຂວງຜູ່ຊີ້ນໍາວຽກງານຂົງເຂດວັດທະນະທໍາ – ສັງຄົມ, ມີ​ຄະນະພະ​ແນ​ກການ – ອົງ​ທຽບ​ເທົ່າ ​ແລະ ພະນັກງານ​ຫຼັ​ກ​ແຫຼ່ງ ອ້ອມ​ຂ້າງ​ແຂວງ​ເຂົ້າຮ່ວມ​ເຂົ້າຮ່ວມຢ່າງພ້ອມພຽງ.

​​ໃນ​ພິທີ​​ ຜູ່​ແທນ​ໄດ້​ຮັບ​ຊົມ​ການສະ​ແດງ​ສີ​ລະ​ປະ​ຈາກ​ພາກສ່ວນ​ຕ່າງໆ ດ້ວຍບັນຍາກາດ​ຟົດ​ຟື້ນ​ມ່ວນ​ຊື່ນ ຈາກ​ນັ້ນ ທ່ານ ດຣ ບົວໄລ ແສນແກ້ວມີກໍ ກໍາມະການພັກແຂວງ ຫົວໜ້າພະແນກສາທາລະນະສຸກແຂວງ ສາລະວັນ ກໍໄດ້ ຜ່ານປະຫວັດຄວາມເປັນມາຂອງວັນແພດລາວ ​ເພື່ອ​ລະນຶກ​ເຖິງ​ຄຸນງາມຄວາມດີ​ຂອງ​ບັນດາ​​ແພດ​ໝໍ​ທີ່​ໄດ້​ເສຍສະຫຼະ, ​ເອົາ​ໃຈ​ໃສ່ ສຸມ​ເຫື່ອ​ແຮງ ສະຕິ​ປັນຍາ​ໃນ​ການ​ກອບ​ກູ້​ເອົາ​ຊີວິດ​ຂອງ​ພະນັກງານ ນັກຣົບ ​ແລະ ປະຊາ​ຊົນ​ບັນດາ​ເຜົ່າ,ຈິ່ງ​ໄດ້​ກຳນົດ​ເອົາ​ວັນ​ທີ 18 ມິຖຸນາ 1965 ​ເປັນ​ “ ວັນ​ແພດ​ລາວ ”.  ​ແລະ ໃນຕອນທ້າຍ ທ່ານ ພູທົງ ຄໍາມະ ນີວົງ ຄະນະປະຈໍາພັກແຂວງ, ຮອງເຈົ້າແຂວງ ຜູ່​ຊີ້​ນຳ​ວຽກ​ງານ​ວັດທະນະທຳ – ສັງຄົມ ກໍ​​ໄດ້​ມີ​ຄຳ​ເຫັນ ສະ​ແດງ​ຄວາມຍ້ອງຍໍຊົມເຊີຍຕໍ່ຜົນງານທີ່ຜ່ານມາ ຂອງບັນດາແພດໝໍ ແລະ ກໍາລັງປະຕິບັດໜ້າທີ່ຢູ່ຕາມໂຮງໝໍພາຍໃນແຂວງ – ພາຍໃນເມືອງ, ສຸກສະລາປະຈໍາແຕ່ເຂດ ແຕ່ລະທ້ອງຖິ່ນທີ່ໄດ້ເອົາໃຈ່ໃສເບິ່ງແຍງສຸຂະພາບ ພໍ່ແມ່ປະຊົນບັນດາເຜົ່າ​ໃນ​ທົ່ວ​ສັງຄົມ ທີ່​ໄດ້ຊ່ວຍຊິວິດ, ບັນເທົາຄວາມເຈັບປວດ ​ແລະ ປິ່ນປົວໃຫ້ຫາຍຈາກພະຍາດໂລຄາ ໄປພ້ອມໆກັບການພັດທະນາ​ເຕັກນິກວິ​ຍາ​ສາດຄວາມ​ຮູ້​ໃໝ່ ​ທີ່​ກ້າວໜ້າ​ເຂົ້າ​ໃນ​ການ​ຮັກສາສຸມ​ສະຕິ​ປັນຍາ​​ເອົາ​ໃຈ​ໃສ່​ຕໍ່​ການ​ປິ່ນປົວ, ຮັກ​ໃນ​ອາຊີບ ​ແລະ ຈັນ​ຍາ​ບັນ​ຂອງ​ແພດ​ໝໍ.