ແຂວງສາລະວັນ ປະກາດການແຕ່ງຕັ້ງຄະນະກໍາມະການ ປ້ອງກັນຊາດ – ປ້ອງກັນຄວາມສະຫງົບ ຂັ້ນແຂວງ.

ໃນຕອນເຊົ້າຂອງວັນທີ 26 ມີຖູນາ 2018 ທີ່​ຜ່ານ​ມາ, ທີ່​ຫ້ອງ​ປະຊຸມ​ພິ​ເສດ ສະ​ໂມ​ສອນ​ໃຫ່ຍຂອງ​ ແຂວງສາລະວນ ​ໄດ້​ຈັດ​ພິທີ​ປະກາດການ​ແຕ່ງຕັ້ງຄະນະ​ກຳມະການ​ປ້ອງ​ກັນຊາ​ດ – ປ້ອງ​ກັນ​ຄວາມ​ສະຫງົບ​ຂັ້ນ​ແຂວງ​ຢ່າງ​ເປັນ​ທາງ​ການຂຶ້ນ ​ໂດຍ​ການ​ໃຫ້ກຽດ​ເປັນ​ປະທານ​ຂອງ​  ທ່ານ ພົທ ວິໄລ ຫຼ້າຄໍາຟອງ  ເລຂາທິ ການສູນກາງພັກ, ຄະນະກໍາມະການ ປກຊ – ປກສ ສູນກາງ, ຮອງລັດຖະມົນຕີກະຊວງປ້ອງກັັນປະເທດ, ຫົວໜ້າ​ກົມ​ໃຫ່ຍການ​ເມືອງ​ກອງທັບ.  ມີ​ບັນດາ​ທ່ານ ​ໃນ​ຄະນະ​ກຳມະການ ປກຊ – ປກສ ຂັ້ນ​ແຂວງ, ຄະນະ​ປະ ຈຳ​ພັກ​ແຂວງ, ກຳມະການ​ພັກ​ແຂວງ, ​ເລຂາ​ໜ່ວຍ​ພັກຮາກ​ຖານ, ຫົວໜ້າ​ພະ​ແນ​ກ – ອົງ ການ​ທຽບ​ເທົ່າ​ອ້ອມ​ຂ້າງ​ແຂວງ​ເຂົ້າຮ່ວມ​.

          ​​​ເຊິ່ງ​ຄະນະ​ກຳມະການ ປກຊ – ປກສ ຂັ້ນ​ແຂວງຂອງ​ແຂວງ​ສາລະ​ວັນຊຸດ​ໃໝ່​ທີ່​ປະກາດ​​ໃນ​ຄັ້ງນີ້​ປະ ກອບ​ດ້ວຍ:

  1. ສະຫາຍ ສຸວັນ ວົງ​ຈອມ​ສີ ກຳມະການ​ສູນ​ກາງ​ພັກ, ​ເລຂາ​ພັກ, ​ເຈົ້າ​ແຂວງ ​ເປັນ​ປະທານ;
  2. ສະຫາຍ ບົວທອງ ຄຸນ​ຍອດ​ປັນຍາ ຮອງ​ເລຂາ​ພັກ​ແຂວງ, ຮອງ​ເຈົ້າ​ແຂວງ ​ເປັນ​ຮອງ​ປະທານ;
  3. ສະຫາຍ ພົວ ພູ​ວຽງ ລ່ຽມ​ມະ​ວົງສາ ຄະນະ​ປະຈຳ​ພັກ​ແຂວງ, ຫົວໜ້າ​ກອງບັນຊາ​ການ​ທະຫານ​ແຂວງ ​ເປັນ​ຮອງ​ປະທານ (ທັງ​ເປັນ​ຜູ່​ປະຈຳການ);
  4. ສະຫາຍ ພັອ ພູ​ວັນ ນາ​ຊຽງ​ຄຳ ກຳ​ມະ​ການ​ພັກ​ແຂວງ, ຫົວໜ້າ​ກອງ​ບັນຊາ​ການ ປກສ ​ແຂວງ ​ເປັນກຳມະການ;
  5. ສະຫາຍ ​ເຄນ​ຄຳ ວໍລະ​ຈິດ ຫົວໜ້າ​ຫ້ອງການ ປກຊ – ປກສ​ແຂວງ ​ເປັນ​ກຳມະການ.

ໃນ​ຕອນ​ທ້າຍ ​ທ່ານ ທ່ານ ພົທ ວິໄລ ຫຼ້າຄໍາຟອງ ເລຂາທິການສູນກາງພັກ, ຄະນະກໍາມະການ ປກຊ – ປກສ ສູນກາງ, ຮອງລັດຖະມົນຕີກະຊວງປ້ອງກັັນປະເທດ. ຫົວໜ້າ​ກົມ​ໃຫ່ຍການ​ເມືອງ​ກອງທັບ ກໍ​ໄດ້​ໂອ້​ລົມ​ຕໍ່​ບັນດາ​ສະຫາຍ ຄະນະ​ກຳມະການ ປກຊ – ປກສ​ ທີ່​ໄດ້​ຮັບ​ການ​ແຕ່ງຕັ້ງຄັ້ງນີ້ ​ໂດຍ​ມີ​ເນື້ອ​ໃນ​ສຳຄັນຄື: ​ຕ້ອງ​ໄດ້ສືບຕໍ່ຕາມ 4 ໜ້າທີ່ 36 ແຜນງານ ຂອງວຽກງານປ້ອງກັນຊາດ – ປ້ອງກັນຄວາມສະຫງົບ ພ້ອມທັງເພີ່ມທະວີການສືກສາອົບຮົມການເມືອງ – ແນວຄິດ ໃຫ້ນາຍ ແລະ ພົນ ທະຫານ, ເອົາໃຈໃສ່ວຽກງານປ້ອງກັນຊາດປ້ອງກັນຄວາມສະຫງົບ ​ໂດຍຖືເປັນຍຸດທະສາດ ສ້າງທ່າສະໜາມ 3 ຂັ້ນ ວຽກງານປ້ອງກັນຊາດທີ່ດີ, ປັບປຸງກົງຈັກການຈັດຕັ້ງໃຫ້ມີລະບຽບວີ​ໄນ ທັງຄຸ້ມຄອງ, ທັງນໍາໃຊ້, ຮັບປະກັນທາງດ້ານພາລາທິການເປັນ ຕົ້ນ ການກິນຢູ່ພັກເຊົາ ແລະ ອື່ນໆ, ​ເອົາ​ໃຈ​ໃສ່ເຮັດວຽກງານພົວພັນຕ່າງປະເທດ ​ໂດຍ​ສະ​ເພາະບັນຫາຊາຍແດນໃຫ້ມີຄວາມສະຫງົບ.