ແຂວງສາລະວັນ ຕ້ອນຮັບເລຂາທິການໃຫຍ່ຄະນະບໍລິຫານງານສູນກາງພັກ

ທ່ານ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ ປະທານປະເທດແຫ່ງ ສປປ ລາວ ເຄື່ອນໄຫວຢ້ຽມຢາມ ແລະເຮັກວຽກຢູ່ແຂວງສາລະວັນ ໃນວັນທີ 18 ຕຸລານີ້ ໂດຍການຕ້ອນຮັບຂອງ ທ່ານ ສີສຸວັນ ວົງຈອມສີ ກຳມະການສູນກາງພັກ ເລຂາພັກແຂວງ ເຈົ້າແຂວງໆສາລະວັນ ພ້ອມດ້ວຍຄະນະບັນດາຄະນະປະຈຳພັກແຂວງ, ກຳມະການພັກແຂວງ, ເຈົ້າເມືອງ 8 ຕົວເມືອງ, ຫົວຫນ້າພະແນກການອົງການທຽບເທົ່າອ້ອມຂ້າງແຂວງ ໃຫ້ການຕ້ອນຮັບຢ່າງອົບອຸ່ນ.
ການມາຢ້ຽມຢາມຄັ້ງນີ້ທ່ານກໍ່ໄດ້ລົງຊີ້ນຳວຽກງານການພັດທະນາພື້ນຖານໂຄງລ່າງເປັນຕົ້ນແມ່ນ: ໂຄງການກໍ່ສ້າງຂົວຂ້າມນ້ຳເຊໂດນ, ໂຮງງານຜະລິດສີມັງ ແລະຢ້ຽມຢາມໂຮງຮຽນຊົນເຜົ່າແຂວງສາລະວັນ ພ້ອມມອບທຶນຈຳນວນໜຶ່ງໃຫ້ໂຮງຮຽນອີກດ້ວຍ. ພ້ອມນີ້ໃນຕອນບ່າຍທ່ານກໍ່ຈະໄດ້ເຂົ້າໂອ້ລົມບັນດາພະນັກງານຫລັກແຫລ່ງທົ່ວແຂວງສາລະວັນ

ພາບ ແລະ ຂ່າວ: ໜັງສືພິມສາລະວັນ