ເລຂາພັກແຂວງ, ເຈົ້າແຂວງໆສາລະວັນ ຕ້ອນຮັບການມາຢ້ຽມຢາມ ແລະ ເຮັດວຽກຂອງ ທ່ານ ພັ.ອ ເລ່ ກວັກຮຸງ ຫົວໜ້າ ກອງບັນຊາການຕ່ຳຫຼວດແຂວງ ເທືອທ່ຽນເຫວ້

ຕອນເຊົ້າ ວັນທີ 15 ກັນຍາ 2015 ເວລາ 8:00 ໂມງ ທ່ານ ສີສຸວັນ ວົງຈອມສີ ເລຂາພັກແຂວງ, ເຈົ້າແຂວງໆ ສາລະວັນ ໄດ້ໃຫ້ກຽດຕ້ອນຮັບທ່ານ ພັ.ອ ເລ່ ກວັກຮຸງ ຫົວໜ້າກອງບັນຊາການຕຳຫຼວດແຂວງເທືອທ່ຽນເຫວ້ ສ.ສ ຫວຽດນາມ ພ້ອມດ້ວຍຄະນະ ຢູ່ທີ່ຫ້ອງ 207 ຂອງຫ້ອງວ່າການປົກຄອງແຂວງ ສາລະວັນ. ການມາພົບປະ ແລະ ຢ້ຽມຢາມຖາມຂ່າວ ຂອງທ່ານ ພັ.ອ ເລ່ ກວັກຮຸງ ພ້ອມດ້ວຍຄະນະໃນຄັ້ງນີ້ ເພື່ອເປັນການຮັດແໜ້ນຄວາມສາມັກຄີຮ່ວມມື ລະຫວ່າງ ສປປ ລາວ – ສສ ຫວຽດນາມ ໃຫ້ມີຄວາມແໜ້ນແຟ້ນຂຶ້ນເລື້ອຍໆ. ໂດຍສະເພາະທ່ານໄດ້ສະແດງຄວາມດີອົກດີໃຈມາຍັງ ທ່ານເລຂາພັກແຂວງ, ເຈົ້າແຂວງໆສາລະວັນ ທີ່ໄດ້ສະລະເວລາຂອງທ່ານ ໃຫ້ ການຕ້ອນຮັບຄັ້ງນີ້. ຈາກນັ້ນ ທ່ານ ສີສຸວັນ ວົງຈອມສີ ເລຂາພັກແຂວງ, ເຈົ້າແຂວງໆສາລະວັນ ກໍໄດ້ລາຍງານສະພາບພາຍໃນແຂວງສາລະວັນ ຕໍ່ຄະນະດັ່ງກ່າວ ແລະ ຍັງໄດ້ປືກສາຫາລືກ່ຽວກັບແຜນພັດທະນາເສດຖະກິດ – ສັງຄົມ ລະຫວ່າງສອງປະເທດ ( ສປປ ລາວ – ສສ ຫວຽດນາມ ) ເປັນຕົ້ນ ແມ່ນການສ້າງເສັ້ນທາງລະຫວ່າງແຂວງເທືອທ່ຽນເຫວ້ ກັບ ແຂວງ ສາລະວັນ ໃຫ້ບັນລຸຕາມແຜນ, ການພັດທະນາທາງດ້ານການສືກສາ, ວັດທະນະທຳຮິດຄອງປະເພນີອື່ນໆ ພາຍຫຼັງທີ່ໄດ້ປຶກສາຫາລື ແລະ ແລກປ່ຽນຄຳຄິດຄໍາເຫັນທີ່ເຕັມໄປດ້ວຍໄມຕີຈິດມິດຕະພາບລະຫວ່າງສອງຝ່າຍແລ້ວ.
ຕອນທ້າຍ ທ່ານ ສີສຸວັນ ວົງຈອມສີ ເລຂາພັກແຂວງ, ເຈົ້າແຂວງສາລະວັນ ແລະ ທ່ານ ພັ.ອ ເລ່ ກວັກຮຸງ ຫົວໜ້າ ກອງບັນຊາການຕໍ່ຳຫຼວດແຂວງເທືອທ່ຽນເຫວ້ ສ.ສ ຫວຽດນາມ ທັງສອງທ່ານ ກໍໄດ້ມອບຂອງຂັວນ ເພື່ອເປັນທີ່ລະນືກເຊິ່ງກັນ ແລະ ກັນ ຈາກນັ້ນ ທ່ານ ສີສຸວັນ ວົງຈອມສີ ເລຂາພັກແຂວງ, ເຈົ້າແຂວງໆ ສາລະວັນ ກໍຍັງສະແດງຄວາມຂອບໃຈມາຍັງ ທ່ານ ພັ.ອ ເລ່ ກວັກຮຸງ ທີ່ໄດ້ໃຫ້ການຊ່ວຍເຫຼືອແກ່ແຂວງສາລະວັນ, ມາຮອດເວລາ 9:00 ໂມງ ການພົບປະກໍຊີ້ນສຸດລົງ.