ເລຂາພັກແຂວງ,ເຈົ້າແຂວງໆສາລະວັນ ຕ້ອນຮັບ ການມາເຄື່ອນໄຫວເຮັດວຽກ ຂອງທ່ານ ລັດຖະມົນຕີວ່າການກະຊວງວິທະຍາສາດ ແລະ ເຕັກໂນໂລຊີ

ຕອນເຊົ້າເວລາ 8:30 ໂມງ ຂອງວັນທີ 16 ກັນຍາ 2015 ທ່ານ ສີສຸວັນ ວົງຈອມສີ ເລຂາພັກແຂວງ ເຈົ້າແຂວງໆສາລະວັນ ໄດ້ຕ້ອນຮັບການລົງມາ​ເຄື່ອນ​ໄຫວຢ້ຽມຢາມ ແລະ ເຮັດວຽກຂອງຄະນະນຳຂັ້ນສູງ ກະຊວງວິທະຍາສາດ ແລະ ເຕັກໂນໂລຊີ ​ເຊິ່ງນຳໂດຍທ່ານ ບັນດິດ ສ.ຈ ດຣ ບໍ່ວຽງຄໍາ ວົງດາລາລັດຖະມົນຕີວ່າການ ກະຊວງວິທະຍາ ສາດ ແລະ ເຕັກໂນໂລຊີ ພ້ອມດ້ວຍຄະນະ ຢູ່ທີ່ຫ້ອງ 207 ຂອງຫ້ອງວ່າການປົກຄອງແຂວງ. ຈຸດປະສົງຂອງການເດີນທາງມາເຄື່ອນໄຫວ​ເຮັດວຽກຄັ້ງນີ້, ​ແມ່ນເພື່ອຊຸກຍູ້, ຕິດຕາມ ​ແລະ ເກັບກຳສະພາບການຕົວຈິງກ່ຽວກັບການທີ່ຈະສ້າງແຜນທີ່ຂອງແຂວງ ສາລະວັນ ໃສ່ລະບົບດີຈີຕອນ ຈາກນັ້ນ ທ່ານ ສີສຸວັນ ວົົງຈອມສີ ເລຂາພັກແຂວງ, ເຈົ້າແຂວງໆສາລະວັນ ກໍຍັງໄດ້ລາຍງານສະພາບພາຍໃນແຂວງສາລະວັນ ຕໍ່ກະຊວງວິທະ ຍາສາດ ແລະ ເຕັກໂນໂລຊີຊາບວ່າ: ແຂວງສາລະວັນ ກຳລັງສຳເລັດການປັບປຸງ ເຈົ້າແຂວງ, ຮອງເຈົ້າແຂວງ ເພື່ອໃຫ້ວຽກງານເດີນແມ່ນແລ່ນສະດວກ.
ຕອນທ້າຍ ທ່ານ ສີສຸວັນ ວົງຈອມສີ ເລຂາພັກແຂວງ ເຈົ້າແຂວງໆສາລະວັນ ແລະ ທ່ານ ບັນດິດ ສ.ຈ ດຣ ບໍ່ວຽງຄໍາ ວົງດາລາລັດຖະມົນຕີວ່າການ ກະຊວງວິທະຍາ ສາດ ແລະ ເຕັກໂນໂລຊີ ກໍໄດ້ມອບກະຕ່າພ້ອມທັງອ່ວຍພອນ ທ່ານ ສີສຸວັນ ວົງຈອມສີ ເລຂາພັກແຂວງ, ເຈົ້າແຂວງໆ ສາລະວັນ, ນຳພາແຂວງສາລະວັນ ກ້າວຂື້ນຢ່າງບໍ່ຢຸດຢັ້ງ.