ເມືອງລະຄອນເພັງຕັ້ງເປົ້າ 3,3 ໂຕນຕໍ່ເຮັກຕາ

ອີງ​ຕາມ​ບົດ​ສະຫຼູບລາຍ​ງານ​ຂອງ​ຫ້ອງການ​ກະ​ສີ​ກຳ​ປ່າ​ໄມ້​ເມືອງ​ລະຄອນ​ເພັງ ​ແຂວງ​ສາລະ​ວັນ. ​​ໃຫ້​ຮູ​ວ່າ: ​ເນື້ອ​ທີ່​ປູ​ເຂົ້າ​ທັງໝົດ 10 ພັນ​ເຮັກຕາ​ໃນ 8 ກຸ່ມ​ຄາດ​ຜົນ​ຜະລິດ​ເຂົ້າ​ເຂົ້ານາ​ປີ​ນີ້​ໃຫ້​ໄດ້ 3,3 ​ໂຕນ​/​ເຮັກຕາ, ສ່ວນ​ການ​ປັກ​ດຳ​ແມ່ນ​ສຳ​ເລັດ 100%​. ​ໃນ​ໄລຍະປີຜ່ານ ມາສາມາດ​ເກັບ​ກູ້​ຜົນ​ຜະ​ລິດ​ໄດ້​ພຽງ​ແຕ່ 3,2 ​ໂຕນ/​ເຮັກຕາ ຈາກ​ນັ້ນ​ທາງ​ທາງ​ຫ້ອງການ​ກະ​ສີ​ກຳ​ປ່າ​ໄມ້, ເມືອງ​ລະຄອນ​ເພັງ ຍັງ​ໄດ້​ເນັ້ນ​ໜັ້ກກ່ຽວ​ເນື້ອ​ທີ່​ນາ​ຈຸດ​ສຸມ​ຕື່ມ​ອີ້​ກ​ໃນ​ຈຳນວນ 2 ພັນ​ຄອບ ຄົວ​ເຊີ່ງ​ມີ​ເນື້ອ​ທີ່​ທັງໝົດ 3,350 ​ເຮັກຕາ​ ເພື່ອ​ໃຫ້​ໄດ້​ສະ​ມັນ​ຕະພາບຜົນ​ຜະ​ລິດ​ໃຫ້​ໄດ້​​ສູງ, ສະ​ເພາະ​ເນື້ອ​ທີ່​ຈຸດ​ສຸມ​ນີ້​ແມ່ນ​ເຮັກ​ຕາໜຶ່ງ​ໃຫ້​ໄດ້ 5,5 ​ໂຕນ – 6,5 ​ໂຕນ/​ເຮັກຕາ.
ນອກ​ນີ້​ທາງ​ເມືອງ​ລະຄອນ​ເພັງ​ຍັງ​ໄດ້​ປູກ​ພຶດຜັກຕ່າງໆຕື່ມ​ອີກ​ເປັນ​ຕົ້ນສາລີ, ໜາກຖົ່ວ, ໜາກນັດ, ໜາກ​ແຕງ, ໜາກ​ເຂືອ, ໜາກຫຸ່ງ, ໜາກກ້ວຍ ​ໜາກ​ໂມ, ​ອ້ອຍ ​ແລະ​ອື່ນໆ. ​ໃນ​ນັ້ນ​ທາງ​ເມືອງ​ຍັງ​ໄດ້​ມີ​ການ​ປູກ​ມັນ​ຕົ້ນຕື່ມ​ອີ້​ກ, ທົ່ວ​ເມືອງ​ມີ​ເນື້ອ​ທີ່​ປູກ​ມັນ​ຕົ້ນ​ທັງໝົດ 1.800 ​ເຮັກຕາ, ສະ​ເລ່ຍ​ເຮັກຕາໜຶ່ງ​ໃຫ້​ໄດ້ 9 ​ໂຕນມັນ​ແຫງ/​ເຮັກຕາ. ​ເພື່ອ​ສົ່ງ​ຂາຍ​ໃຫ້​ບໍລິສັດ​ຕ່າງໆ​ທີ່​ເກັບ​ຊື້​ພາຍ​ໃນ​ເມືອງ​ໃນ​ລາຄາ​ 1.250 ກີບ/ກິ​ໂລ. ທັງ​ນີ້​ກໍ່​ເພື່ອ​ເປັນ​ການ​ແກ້​ໄຂ​ຊີວິດ​ການ​ເປັນ​ຢູ່​ຂອງ​ພໍ່​ແມ່​ປະຊາຊົນ​ໃຫ້​ດີ​ຂື້ນ​ໃນ​ການ​ພັດທະນາ​ຄອບຄົວ​ກໍ່ຄື​ການ​ພັດທະນາ​ເສດຖະກິດ​ຂອງ​ບ້ານ ​ແລະ​ເມືອງ​ຂອງ​ຕົນ​ເອງ​ໃຫ້​ກ້າວໜ້າ.