ເຈົ້າແຂວງໆ ສາລະວັນ ຕ້ອນຮັບ ການມາຢ້ຽມຢາມ ແລະ ເຮັດວຽກຂອງທ່ານ ນາງ ອ່ອນຈັນ ທຳມະວົງລັດຖະມົນຕີວ່າການກະຊວງແຮງງານສະຫວັດດີການ ແລະ ສັງຄົມ

ຕອນເຊົ້າຂອງ ວັນທີ 25 ສິງຫາ 2015 ເວລາ 11: 00 ໂມງ ທ່ານ ສີສຸວັນ ວົງຈອມສີ ເລຂາພັກແຂວງ, ເຈົ້າແຂວງໆ ສາລະວັນ ກໍໄດ້ໃຫ້ກຽດຕ້ອນຮັບ ທ່ານ ນາງ ອ່ອນຈັນ ທຳມະວົງ ລັດຖະມົນຕີວ່າການກະຊວງແຮງງານສະຫວັດດີການ ແລະ ສັງຄົມ ພ້ອມດ້ວຍຄະນະແລະ ແຂກເຂົ້າຮ່ວມຈຳ​ນວນ 10 ທ່ານ, ຍິງ 3 ທ່ານ, ທີ່ຫ້ອງ 207 ຂອງຫ້ອງວ່າການປົກຄອງແຂວງສາລະວັນ. ການພົບປະ ແລະ ຢ້ຽມຢາມຂອງທ່ານ ລັດຖະມົນຕີວ່າການກະຊວງແຮງງານສະຫວັດດີການ ແລະ ສັງຄົມ ພ້ອມດ້ວຍຄະນະ ໃນຄັ້ງນີ້ ມີຈຸດປະສົງ ເພື່ອຂຳນັບຮັບຕ້ອນຄະນະນຳຂັ້ນແຂວງ, ພະນັກງານບຳນາມ, ຕະຫຼອດຮອດພະນັກງານ – ລັດຖອນ, ນອກ ຈາກນັ້ນ ທ່ານ ເລຂາພັກແຂວງ, ເຈົ້າແຂວງໆ ສາລະວັນ ກໍຍັງໄດ້ລາຍງານສະພາບລວມຂອງແຂວງ ແລະ ແລກປ່ຽນຄໍາຄິດຄໍາເຫັນ ຢ່າງອົບອຸ່ນ.
ຕອນທ້າຍທ່ານ ສີສຸວັນ ວົງຈອມສີ ເລຂາພັກແຂວງ, ເຈົ້າແຂວງໆ ສາລະວັນ ກໍໄດ້ຂໍສະແດງຄວາມຂອບອົກຂອບໃຈມາຍັງ ທ່ານ ນາງ ອ່ອນຈັນ ທຳມະວົງ ລັດຖະມົນວ່າການກະຊວງແຮງງານສະຫວັດດີການ ແລະ ສັງຄົມ ພ້ອມດ້ວຍຄະນະ, ມາຮອດເວລາ 12:00ໂມງ ຂອງວັນດຽວການພົບປະກໍໄດ້ຊິ້ນສຸດ.