ເຈົ້າແຂວງສາລະວັນ ຕ້ອນຮັບການມາຢ້ຽມຢາມ ແລະ ເຮັດວຽກຂອງລັດຖະມົນຕີວ່າການ ກະຊວງວິທະຍາສາດ ແລະ ເຕັກໂນໂລຊີ

ເວລາ 8:30 ​ໂມງ ຂອງ​ວັນ​ທີ 2 ມີນາ 2015 ຜ່ານ​ມາ​ນີ້ ຢູ່​ທີ່​ຫ້ອງ​ຮັບຮອງ (207) ຫ້ອງ​ວ່າການ​ປົກຄອງ​ແຂວງສາລະ​ວັນ ທ່ານ ຄຳ​ບຸ່ນ ດ້ວງ​ປັນຍາ ກຳມະການ​ສູນ​ກາງ​ພັກ, ​ເລຂາ​ພັກ​ແຂວງ-​ເຈົ້າ​ແຂວງໆ ສາລະ​ວັນ ​ໃຫ້ກຽດຕ້ອນຮັບ​ການ​ມາ​ເຄື່ອນ​ໄຫວ​ຢ້ຽມຢາມ ​ແລະ ​ເຮັດ​ວຽກ ຂອງ ທ່ານ ບັນດິດ ສ.ຈ ດຣ ບໍ່​ວຽງຄຳ ວົງ​ດາລາ ລັດຖະມົນຕີ​ວ່າການ ກະຊວງ​ວິທະຍາສາດ ​ແລະ ​ເຕັກ​ໂນ​ໂລ​ຊີ ພ້ອມ​ດ້ວຍ​ຄະນະ. ຈຸດປະສົງ​ຂອງການ​ມາ​ເຄື່ອນ​ໄຫວ​ເຮັດ​ວຽກຂອງ ທ່ານ ລັດຖະມົນຕີ​ວ່າການ ກະຊວງ​ວິທະຍາສາດ ​ແລະ ​ເຕັກ​ໂນ​ໂລ​ຊີ ​ໃນ​ຄັ້ງ​ນີ້ ​ແມ່ນ​ເພື່ອ​ຊຸກຍູ້ ຕິດຕາມ ​ແລະ ​ເກັບ​ກຳ​ສະພາບການຈັດ​ຕັ້ງ​ປະຕິ ບັດ​ວຽກງານ​ວິທະຍາສາດ ​ແລະ ​ເຕັກ​ໂນ​ໂລ​ຊີ ຢູ່​ຂັ້ນ​ທ້ອງ​ຖິ່ນ ກໍ່​ຄື​ແຂວງ​ສາລະ​ວັນ.