ເຈົ້າແຂວງສາລະວັນຕ້ອນຮັບການມາຢ້ຽມຢາມ ແລະ ເຮັດວຽກຂອງ ເອກອັກຄະຣາຊະທູດ ແຫ່ງຣາຊະນາຈັກໄທ ປະຈຳ ສປປ ລາວ

ເວລາ 13:30 ​ໂມງຂອງ​ວັນ​ທີ 17 ກຸມພາ 2015 ນີ້ ທ່ານ ຄຳ​ບຸ່ນ ດ້ວງ​ປັນຍາ ກຳມະການ​ສູນ​ກາງ​ພັກ, ​ເລຂາ​ພັກ​ແຂວງ-​ເຈົ້າ​ແຂວງໆສາລະ​ວັນ ​ໃຫ້ກຽດຕ້ອນຮັບ​ການ​ມາ​ຢ້ຽມຢາມ ​ແລະ ​ເຮັດ​ວຽກຂອງ​ ທ່ານ ພິສະນຸ ຈັນ​ວິ​ທັນ ​ເອກ​ອັກຄະຣາຊະ​ທູດ ​ແຫ່ງຣາຊະນາ​ຈັກ​ໄທ ປະຈຳ ​ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ພ້ອມ​ດ້ວຍ​ຄະນະ​ຢູ່​ທີ່​ຫ້ອງ​ຮັບ​ແຂກ​ພິ​ເສດ​ຂອງ​ແຂວງ. ການມາ​ເຄື່ອນ​ໄຫວ​ຢ້ຽມຢາມ​ຄັ້ງ​ນີ້ ​ແມ່ນ​ເພື່ອ​ເປັນ​ການ​ສຳຫຼວດຊ່ອງ​ທາງ​ການ​ຄ້າ ​ແລະ​ ການ​ລົງທຶນ ​ໃນ​ແຂວງ​ພາກ​ໃຕ້ຂອງ ສ ປ ປ ລາວ.