ຮອງເຈົ້າແຂວງໆ ສາລະວັນ ຕ້ອນຮັບກົງສູນໃຫຍ່ແຫ່ງ ສ.ສ ຫວຽດນາມ ປະຈຳແຂວງຈຳປາສັກ.

ຕອນເຊົ້າເວລາ 8.30 ຂອງວັນທີ 26 ພະຈິກ 2015 ຜ່ານມານີ້ ຢູ່ທີ່ຫ້ອງຮັບຮອງ 207 ຂອງຫ້ອງວ່າການປົກຄອງແຂວງ ສາລະວັນ ທ່ານ ພູທົງ ຄຳມະນີວົງ ຄະນະປະຈຳພັກແຂວງ, ຮອງເຈົ້າແຂວງໆ ສາລະວັນ ຜູ້ຊີ້ນຳວຽກວັດທະນະທຳ-ສັງຄົມ ໃຫ້ກຽດຕ້ອນຮັບທ່ານ ດ່າວ ວັນຫ໋ຽວ ຫົວໜ້າກົງສູນໃຫ່ຍ ສສ ຫວຽດນາມ ປະຈໍຳແຂວງ ຈຳປາສັກ ພ້ອມດ້ວຍຄະນະ ເຂົ້າມາອ່ວຍພອນການນຳຂັ້ນແຂວງ ສາລະວັນ ແລະ ໄດ້ໂອ້ລົມ ແລກປ່ຽນຄວາມຄິດຄວາມເຫັນ, ສະແດງຄວາມຮັກແພງ, ຄວາມສາມັກຄີ ແລະ ຄວາມຊ່ວຍເຫຼືອຊິ່ງກັນ ແລະ ກັນ ນອກຈາກນັ້ນ ຍັງໄດ້ມອບກະຕ່າດອກໄມ້ ເນື່ອງໃນໂອກາດວັນສະເຫລີມສະຫຼອງ ວັນຊາດທີ 2 ທັນວາ ຄົບຮອບ 40 ປີ ແລະ ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 95 ປີອີກດ້ວຍ