ຫ້ອງວ່າການແຂວງສາລະວັນ ລົງຊຸກຍູ້ການຈັດຕັ້ງປະຕິບັດມະຕິ ກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 7 ສະໄໝທີ VIII ຕິດພັນກັບການເກັບກຳຂໍ້ມູນວຽກງານກໍ່ສ້າງຮາກຖານ – ການເມືອງ ແລະ ວຽກງານສາມສ້າງຢູ່ 3 ຕົວເມືອງ(ສະໝ້ວຍ, ຕຸ້ມລານ ແລະ ເລົ່າງາມ)

ປະຕິບັດຕາມ​ແຜນ​ເຄື່ອນ​ໄຫວ ​ຂອງ​ຫ້ອງ​ວ່າການ​ແຂວງ​ໃນ 6 ​ເດືອນ​ຕົ້ນປີ 2018, ໃນລະຫວ່າງວັນທີ 06 – 08 ມິຖຸນາ 2018 ທີ່​ຜ່ານ​ມາ. ບັນດາຂະ​ແໜງ​ການ​ຂອງ​ຫ້ອງ​ວ່າກາານ​ແຂວງ ນໍາ​ໂດຍ: ທ່ານ ບົວ​ພັນ ຟອງ​ພົນ​ເສນາ ຫົວໜ້າ​ຂະ​ແໜງ​ຄົ້ນຄວ້າ – ສັງ​ລວມວຽກ​ພັກ  ​ແລະ ພະນັກງານວິຊາ​ການ​ຈຳນວນ​ໜຶ່ງ​ໄດ້ລົງ​ເຄື່ອ​ນ​ໄຫວ ຊຸກຍູ້​ການຈັດຕັ້ງປະຕິບັດ​ມະຕິ​ກອງ​ປະຊຸມ​ຄົບ​ຄະນະ​ບໍລິຫານ​ງານ​ພັກ​ແຂວງ​ຄັ້ງທີ 7 ສະ​ໄໝ​ທີ VIII ​ໂດຍ​ສຸມ​ໃສ່ 3 ​ເມືອງ ຄື: ເມືອງ ສະໝ້ວຍ, ເມືອງ ຕຸ້ມລານ ແລະ ເມືອງ ເລົ່າງາມ. ​ຜ່ານ​ການ​ລົງ​ຕິດຕາມ​ເຫັນ​ວ່າ​ແຕ່ລະເມືອງ​ ​ໄດ້​ເອົາ​ໃຈ​ໃສ່​ຈັດ​ຕັ້ງປະຕິບັດ ​ແລະ ມີ​ຜົນສຳ​ເລັດ. ການ​ລົງ​ເຄື່ອນ​ໄຫວ​ຄັ້ງນີ້ ຍັງ​ໄດ້​ຕິດ​ພັນ​ກັບ​ການ​ເກັບ​ກໍາ​ຂໍ້​ມູນ​ວຽກ​ງານ​ກໍ່​ສ້າງ​ຮາກ​ຖານ​ການ​ເມືອງ ​ແລະ ວຽກ​ງານ 3 ສ້າງ​ຕື່ມ​ອີກ. ທັງ​ນີ້, ກໍ​ເພື່ອ​ປະຕິບັດ​ທິດ​ຊີ້​ນຳ​ຂອງຂັ້ນ​ເທິງ​ໃນ​ການເຮັດ​ວຽກ​ງານ​ສືກ​ສາ​ອົບ​ຮົມ​ການ​ເມືອງ – ນຳ​ພາ​ແນວ​ຄິດໃຫ້​ແກ່​ປະ​ຊາ​ຊົນ​ຢູ່​ຂັ້ນຮາກ​ຖານ ​ໃຫ້​ທົ່ວ​ເຖິງ ດ້ວຍເນື້ອ​ໃນ​ທີ່​ສ່ອງ​ແສງ​ເຖີງຈຸດ​ພີ​ເສດ ແລະ ສະ​ພາບ​ຄວາມ​ເປັນ​ຈີງຂອງ​ແຕ່​ລະ​ທ້ອງ​ຖີ່ນ​ຮາກ​ຖານ. ​ຫັນ​ປ່ຽນ​ທາງ​ດ້ານ​ແນວ​ຄິດ, ຈີນ​ນະ​ນາ​ການ, ສ້າງ​ຄວາມກະ​ຕື​ລື​ລົ້ນໃນ​ການ​ສ້າງ​ເສດ​ຖະ​ກິດ​ ເຮັດ​ໃຫ້​ຄອບ​ຄົວ​ມີ​ຊີ​ວິດ​ການ​ເປັນ​ຢູ່​ດີ​ຂື້ນ. ​ ພ້ອມ​ກັນ​ປັບປຸງ​ ແລະ ກໍ່​ສ້າງໜ່ວຍ​ພັກ​ຮາກ​ຖານ​ບ້ານ​ຕາມທິດ​ປອດ​ໃສ, ເຂັ້ມແຂງ​ ​ແລະ ໜັກ​ແໜ້ນ.    ຄຸ້ມ​ຄອງບໍລິຫານ​ລັດ​ດ້ວຍ​ລະ​ບຽບ​ກົດ​ໝາຍ ແລະ ມີ​ຄວາມ​ສັກ​ສິດ​ຫຼາຍ​ຂື້ນ. ​ເຈົ້າການ​ສ້າງ​ບ້ານ​ເປັນ​ຫົວ​ໜ່ວຍ​ພັດ​ທະ​ນາ, ​ສ້າງ​ບ້ານ​ໃຫ່​ຍ​ກາຍ​ເປັນ​ຕົວ​ເມືອງ​ນ້ອຍ​ໃນ​ຊົນ​ນະ​ບົດ ແລະ ການ​ຈັດ​ຕັ້ງ​ຜັນ​ຂະ​ຫຍາຍ​ວຽກ​ງານ​ສາມ​ສ້າງ​ເຂົ້າ​ສູ່ລວງ​ເລີກ, ເພື່ອ​ໃຫ້​ການ​ຈັດ​ຕັ້ງ​ປະ​ຕິ​ບັດ​ຖືກ​ທິດເປັນ​ເອ​ກະ​ພາບ​ໄປ​ລວງ​ດຽວ ແລະ ມີ​ຜົນ​ສຳ​ເລັດ, ພ້ອມ​ກັນ​ສ້າງ​ຂະ​ບວນການ​ຕ້ອນຮັບ​ກອງ​ປະຊຸມ​ກາງ​ສະ​ໄໝທີ VIII ​ຂອງ​ອົງຄະ​ນະ​ພັກ​ແຂວງ ​ແລະ ການ​ກະກຽມກອງ​ປະຊຸມ​ໃຫ່ຍ 3 ຂັ້ນຂອງ​ພັກ.