ຫ້ອງວ່າການປົກຄອງແຂວງ ລົງຕິດຕາມການປະຕິບັດມະຕິ, ຄໍາສັ່ງຂອງຄະນະພັກ, ອົງການປົກຄອງແຂວງ ສາລະວັນ ຢູ່ເມືອງ ລະຄອນເພັງ.

ໃນວັນທີ 8 ກຸມພາ 2018 ຂອງຫ້ອງວ່າການປົກຄອງແຂວງ, ນໍາໂດຍ ທ່ານ ບົວພັນ ຟອງພົນເສນາ ຫົວໜ້າຂະແໜງຄົ້ນຄວ້າ-ສັງລວມວຽກພັກ, ພ້ອມດ້ວຍບັນດາທ່ານຕ່າງໜ້າຂະແໜງຄົ້ນຄວ້າ-ສັງລວມວຽກລັດ, ຂະແໜງເລຂານຸການ-ການນໍາ, ຂະ ແໜງກໍ່ສ້າງຮາກຖານການເມືອງ ແລະ ຂະແໜງຈັດຕັ້ງບໍລິຫານ – ການເງິນ ໄດ້ລົງຕິດຕາມການຈັດຕັ້ງປະຕິບັດມະຕິ, ຄໍາສັ່ງຕ່າງໆຂອງຄະນະພັກ, ອົງການປົກຄອງແຂວງຢູ່ເມືອງລະຄອນເພັງ. ໃນໂອກາດເຄື່ອນໄຫວດັ່ງກ່າວທີມງານກໍ່ໄດ້ຮັບການຕ້ອນຮັບຢ່າງອົບອຸ່ນ ຈາກ ທ່ານ ແກ້ວຜາ ສີລາດວງໃຈ ຮັກສາການເລຂາພັກ-ເຈົ້າເມືອງໆ ລະຄອນເພັງ .

ຈຸດປະສົງການລົງເຄື່ອນໄຫວຄັ້ງນີ້ ແມ່ນເພື່ອເກັບກໍາຂໍ້ມູນຮອບດ້ານຢູ່ຂັ້ນເມືອງ ໂດຍສະເພາະແມ່ນການຈັດປະຕິບັດມະຕິກອງປະຊຸມໃຫຍ່ຄັ້ງທີ VIII, ກໍ່ຄືບັນດາມະຕິກອງປະຊຸມຄົບຄະນະບໍລິຫານງານພັກແຂວງແຕ່ຄັ້ງ( 3 – 6 ) ສະໄໝທີ  VIII ຕະຫຼອດການຈັດຕັ້ງປະຕິບັດກອງປະຊຸມໃຫຍ່ຂອງອົງຄະນະພັກເມືອງ ໂດຍຜ່ານການລາຍງານຂອງ ທ່ານ ສີສຸພັນ ມະຫາວົງ ຫົວໜ້າຫ້ອງວ່າການປົກຄອງເມືອງລະຄອນເພັງ ແລະ ຫ້ອງການອ້ອມຂ້າງເມືອງ, ທັງໝົດນີ້ ກໍ່ແມ່ນເມີ່ອເປັນຂໍ້ມູນໃຫ້ແກ່ການກະກຽມກອງປະຊຸມເຄິ່ງສະໄໝຂອງອົງຄະນະພັກແຂວງ ທີ່ຈະເປີດໃນມໍ່ໆນີ້, ນອກຈາກນັ້ນ, ຄະນະທີມງານຍັງໄດ້ລົງຢ້ຽມຊົມຄອບຄົວຕົວແບບ ແລະ ຢ້ຽມຢາມເຂດຟື້ນຖານການຜະລິດຂອງເມືອງ.