ຫ້ອງວ່າການປົກຄອງແຂວງສາລະວັນ ຈັດພິທີ ຮັບສະມາຊິກພັກສຳຮອງ

ໂດຍ​ປະຕິບັດ​ຕາມ ມະຕິ​ຕົກລົງ​ຂອງ​ຄະນະ​ຈັດ​ຕັ້ງ​ແຂວງ​ສາລະ​ວັນ ສະບັບ​ເລກທີ 34/ຄຕຈ.ສວ, ລົງ​ວັນ​ທີ 12 ກຸມພາ 2015 ວ່າ​ດ້ວຍ: ການ​ຕົກລົງ​ອະນຸມັດ​ຮັບຮອງ​ເອົາ​ມະຫາຊົນ​ຜູ້​ທີ່​ມີ​ຄວາມ​ກ້າວໜ້າ ​ເຂົ້າ​ເປັນ ​ສະມາຊິກ​ພັກ ປະຊາຊົນ​ ປະຕິວັດ​ລາວ. ເວລາ 14:00 ​ໂມງຂອງ​ວັນ​ທີ 2 ມີນາ 2015 ຢູ່​ທີ່​ຫ້ອງ​ປະຊຸມ​ຊັ້ນ III ຫ້ອງ​ວ່າການ​ປົກຄອງ​ແຂວງ​ ສາລະ​ວັນ ​ໄດ້​ຈັດ​ພິທີ​ຮັບເອົາ ສະຫາຍ ອຸດົມ​ພອນ ສີ​ວົງສາ ​ມະຫາຊົນ​ກ້າວໜ້າ (ຂະແໜງຄົ້ນຄວ້າສັງລວມວຽກພັກ, ຫ້ອງ​ວ່າການ​ປົກຄອງ​ແຂວງ​ສາລະ​ວັນ) ເຂົ້າ​ເປັນສະມາຊິກ​ພັກ​ສຳຮອງ. ​ໃຫ້ກຽດ​ເປັນ​ປະທານ​ພິທີ​ຄັ້ງ​ນີ້​ໂດຍ ສະຫາຍ ສົມ​ເລັດ ຈູ​ລະ​ມະນີ ກຳມະການ​ພັກ​ແຂວງ, ​ເລຂາ​ຄະນະ​ພັກ​ຮາກ​ຖານ​ຫ້ອງ​ວ່າການ​ປົກຄອງ​ແຂວງ ມີບັນດາຄະນະພັກຮາກຖານ ພະ ແນກການ – ອົງການອ້ອມຂ້າງ, ໜ່ວຍພັກໃນສັງກັດແລະສະມາຊິກພັກສົມບູນ- ສຳຮອງເຂົ້າຮ່ວມຈຳນວນ 14 ສະ ຫາຍ, ຍິງ 4 ສະຫາຍ.