ຫ້ອງວ່າການປົກຄອງແຂວງຈັດກອງປະຊຸມເຜີຍແຜ່ເອກະສານ ນຳພາແນວຄິດ “ກ່ຽວກັບການນຳໃຊ້ສື່ສັງຄົມອອນລາຍ” (ອິນເຕີເນັດ)

ໂດຍ​ປະ​ຕິ​ບັດ​ຕາມ​ແຈ້ງ​ການ​ຂອງ​ຄະ​ນະ​ໂຄ​ສະ​ນາ​ອົບ​ຮົມ​​ສູນ​ກາງ​ພັກ ​ສະ​ບັບ​ເລກ​ທີ 019/ຄອ​ສ​ພ, ລົງ​ວັນ​ທີ 4/12/2014 ແລະແຈ້ງ​ການ​​ແນະ​ນະຂອງຄະນະ​ໂຄສະນາ​ອົບຮົມ​ແຂວງສາ​ລະ​ວັນສະ​ບັບ​ເລກ​ທີ28/ຄອ​ຂ.ສວ, ລົງ​ວັນ​ທີ 19/12/2014. ຕອນບ່າຍ ​ເວລາ 13:30 ​ໂມງ ​ຂອງວັນ​ທີ 22 ມັງ​ກອນ 2015 ຢູ່​ຫ້ອງ​ປະ​ຊຸມ​ຊັ້ນ III ຂອງ​ຫ້ອງວ່າ​ການ​ປົກ​ຄອງ​ແຂວງ. ​ໄດ້​ຈັດ​ກອງ​ປະຊຸມ​ຂຶ້ນ ​ເພື່ອ​ເຜີຍ​ແຜ່​ເອກະສານ​ນຳພາ​ແນວ​ຄິດກ່ຽວກັບ​ການ​ນຳ​ໃຊ່​ສື່​ສັງຄົມ​ອອນ​ລາຍ (ອິນ​ເຕີ​ດ​ເນັດ). ໂດຍ​ພາຍ​​ໃຕ້ການ​ເປັນ​ປະ​ທານ​ຂອງ​ ທ່ານພົງ​ໃຊທະ​ບຸນ​ສຸກ ຄະນະ​ພັກ​ຮາກ​ຖານ, ຮອງ​ຫົວໜ້າຫ້ອງ​ວ່າການ​ປົກຄອງ​ແຂວງ​ສາລະ​ວັນ. ​ເຊິ່ງມີ​ບັນດາ​ທ່ານ​ຮອງ​ຫົວໜ້າຫ້ອງການ​ໃນ​ສັງກັດ ພ້ອມ​ດ້ວຍ​ພະນັກງານ​ລັດຖະກອນ​ທົ່ວ​ຫ້ອງ​ວ່າການ ​ແລະ​ໃນ​ສັງກັດ​ເຂົ້າ​ຮ່ວມ ຈຳນວນ 65 ທ່ານ, ຍີງ 29 ທ່ານ .

ກອງ​ປະຊຸມ​ຄັ້ງ​ນີ້ ທ່ານປະທານ ​ໄດ້​ເຫຼົ່າຄືນ​​ປະ​ຫັວດ​ຄວາມ​ເປັນ​ມາ, ດ້ານ​ຕັ້ງ​ໜ້າ​, ດ້ານ​ຫຍໍ້​ທໍ້ ​ຂອງ​ການ​ນຳ​ໃຊ້​ສື່​ສັງ​ຄົມ​ອອນ​ລາຍ (ອິນ​ເຕິ​ເນັດ) ​ໃຫ້​ພະນັກງານ-ລັດຖະກອນຜູ້​ເຂົ້າ​ຮ່ວມ​ຮັບ​ຮູ້. ນອກຈາກ​ນັ້ນ; ທ່ານ​ກໍ່​ຍັງ​ໄດ້​ເນັ້ນໜັກ​ໃຫ້​ພະນັກງານ​ທຸກ​ຄົນ​ເອົາ​ໃຈ​ໃສ່​ຍົກ​ສູງ​ຄວາມ​ຮັບຜິດຊອບ​ຂອງ​ຕົນ ​ໃນ​ການ​ສຶກສາ​ອົບຮົມ ​ແລະ​ການ​ຄຸ້ມ​ຄອງ​ຂໍ້​ມູນ​ຂ່າວສານ​ຜ່ານ​ອິນ​ເຕີ​ເນັດ ແລະ​ໃຫ້ທຸກ​ຄົນມີ​ສະ​ຕິ​ເປັນ​ເຈົ້າ​ການ ​ໃນ​ການ​ນຳ​ໃຊ້​ສື່ດັ່ງ​ກ່າວ​ເຂົ້າ​ໃນ​ການ​ເຄື່ອນ​ໄຫວ​ດຳ​ລົງ​ຊີ​ວິດ​ຢ່າງ​ຖື​ກຕ້ອງ, ມີ​ສະ​ຕິ​ລະ​ວັງ​ຕົວ​ສູງ​ ຕໍ່​ກົນອຸ​ບາຍ​ຂອງ​ອິດທິ​ກຳ​ລັງ​ປໍ​ລະ​ປັກແລະພວກ​ຄົນ​ບໍ່​ດີ​ທີ່​​ສວຍ​ໃຊ້​ສື່ສັງ​ຄົມ​ອອນ​ລາຍ ( ​ອິນ​ເຕີ​ເນັດ ) ສ້າງ​ຄວາມ​ປັນ​ປ່ວນ​ໃນ​ສັງ​ຄົມ, ໂຄ​ສະ​ນາ​ບິດ​ເບືອນ​ໃສ່​ຮ້າຍ​ປ້າຍ​ສີ, ຕົວະ​ຍົວະ​ຫຼ​ອ​ກລວງແລະ ສ້າງ​ຄວາມ​ແບ່ງ​ແຍກ​ລະ​ຫວ່າງ​ພັກ-ລັດແລະປະ​ຊາ​ຊົນ​ບັນ​ດາ​ເຜົ່າ, ປົກ​ປັກ​ຮັກ​ສາ​ສະ​ຖຽນ​ລະ​ພາບ​ທາງ​ດ້ານ​ການ​ເມືອງແລະຄວາມ​ສະ​ຫງົບ​ປອດ​ໄພໃນທົ່ວສັງ​ຄົມ.