ຫ້ອງວ່າການປົກຄອງແຂວງຈັດກອງປະຊຸມເຜີຍແຜ່ເຊື່ອມຊືມເອກະສານ ນຳພາແນວຄິດ ກ່ຽວກັບການເຂົ້າຮ່ວມປະຊາຄົມເສດຖະກິດອາຊຽນ

ໂດຍປະຕິບັດຕາມແຈ້ງການແນະນຳຂອງຄະນະໂຄສະນາອົບສູນກາງພັກ ສະບັບເລກທີ 03/ຄອສພ, ລົງວັນທີ 23/5/2015 ແລະ ແຈ້ງການແນະນຳຂອງຄະນະໂຄສະນາອົບຮົມແຂວງສາລະວັນ ສະບັບເລກທີ35/ຄອຂ.ສວ, ລົງວັນທີ 04/5/2015. ເວລາ 14:30 ໂມງ ຂອງວັນທີ 19/05/2015 ຢູ່ຫ້ອງປະຊຸມຊັ້ນ III ຫ້ອງວ່າການປົກຄອງແຂວງສາລະວັນ ໄດ້ຈັດຕັ້ງພິທີເຜີຍແຜ່ ເຊື່ອມຊືມເອກະສານ ນຳພາແນວຄິດ ກ່ຽວກັບການເຂົ້າຮ່ວມປະຊາຄົມເສດຖະກິດອາຊຽນ. ໂດຍການເປັນປະທານ ແລະ ໃຫ້ກຽດ ບັນຍາຍເອກະສານຂອງ ທ່ານ ພົງໃຊ ທະບຸນສຸກ ຮອງຫົວໜ້າຫ້ອງວ່າການປົກແຂວງ, ມີບັນດາຫ້ອງການສັງກັດ ແລະ ພະນັກງານ ລັດຖະກອນຫ້ອງວ່າການປົກຄອງແຂວງ ເຂົ້າຮ່ວມ ຈຳນວນ 45 ສະຫາຍ, ຍິງ 23 ສະຫາຍ.

ການເຜີຍແຜ່ເອກະສານຄັ້ງນີ້ແມ່ນເພື່ອແນໃສ່ເຮັດໃຫ້ສະມາຊິກພັກ, ພະນັກງານ-ລັດຖະກອນ ທົ່ວຫ້ອງວ່າການປົກ ຄອງແຂວງສາ ລະວັນ ຕະຫຼອດຮອດຫ້ອງການໃນສັງກັດມີຄວາມຮູ້ ແລະ ເຂົ້າໃຈກ່ຽວກັບອາຊຽນ (ASEAN), ຮູ້ປະຫວັດຄວາມເປັນມາ, ການ ກະກຽມຄວາມພ້ອມ ເພື່ອເຂົ້າຮ່ວມປະຊາຄົມເສດຖະກິດອາຊຽນ, ຜົນປະໂຫຍດທີ່ ສປປລາວ ຈະໄດ້ຮັບຈາກການເຂົ້າຮ່ວມປະ ປະຊາຄົມເສດຖະກິດອາຊຽນ. ທັງນີ້ກໍ່ເພື່ອຍົກລະດັບຄວາມຮູ້, ຄວາມສາມາດ ແລະ ຄວາມເປັນເຈົ້າການຂອງ ພະນັກງານ-ລັດຖະ ກອນ ໃນການປະກອບສ່ວນຢ່າງຕັ້ງໜ້າໃນການປະຕິບັດໜ້າທີ່ວຽກງານ ທີ່ຕົນຮັບຜິດຊອບໃຫ້ເປັນຂະບວນການ, ເລີກເຊີ່ງກ້ວາງ ຂວາງ ເລັງໃສ່ເຮັດໃຫ້ບັນລຸຈຸດມຸ້ງໜາຍທີ່ແຂວງ ແລະ ປະຊາຄົມເສດຖະກິດອາຊຽນໄດ້ວາງໄວ້.

ການຈັດຕັ້ງເຜີຍແຜ່ເຊື່ອມຊືມເອກະສານຄັ້ງນີ້, ໄດ້ດຳເນີນເປັນເວລາ 1 ຄາບ ແລະ ໄດ້ອັດລົງຢ່າງເປັນທາງການໃນ ເວລາ 16 : 00 ໂມງ.