ສາລະວັນ ສະຫຼຸບວຽກງານອົງການລັດ ທົ່ວປະຈຳປີ 2016

ກອງປະຊຸມສະຫຼຸບວຽກງານອົງການລັດ ທົ່ວແຂວງສາລະວັນ ປະຈຳປີ 2016 ແລະ ທິດທາງແຜນການ ປີ 2017 ໄດ້ດຳເນີນມາເປັນເວລາ 2 ວັນເຕັມ ເຊິ່ງເລີ່ມແຕ່ວັນທີ 19-20 ມັງກອນ 2016 ພາຍໃຕ້ການເປັນປະທານຂອງທ່ານ ສີສຸວັນ ວົງຈອມສີ ເລຂາພັກແຂວງ-ເຈົ້າແຂວງສາລະວັນ, ,ໂດຍມີບັນດາທ່ານຄະນະປະຈຳພັກແຂວງຮອງເຈົ້າແຂວງ, ສະມາຊິກສະພາປະຊາຊົນຂັ້ນແຂວງ, ຫົວໜ້າ-ຮອງພະແນກການອ້ອມຂ້າງແຂວງ, ທ່ານເຈົ້າເມືອງ-ຮອງເຈົ້າເມືອງ, ມາຈາກພາກລັດວິສາຫະກິດ, ອົງການ ແລະ ພະນັກງານວິຊາການເຂົ້າຮ່ວມ.ໃນກອງປະຊຸມ ໄດ້ລາຍງານຜ່ານບົດສະຫຼຸບແຜນພັດທະນາເສດຖະກິດ-ສັງຄົມ ແລະ ແຜນງົບປະມານສົກປີ 2015-2016 ແລະ ທິດທາງ 2017, ບັນດາດຳລັດ, ບົດແນະນຳຂອງລັດຖະບານ ແລະ ເອກະສານອື່ນໆຈຳ ນວນໜຶ່ງ ກອງປະຊຸມ ໄດ້ພ້ອມກັນຄົ້ນຄວ້າ ແລະ ລົງເລິກບັນຫາຕ່າງໆຢ່າງພາວະວິໃສ ໃນວຽກງານແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດ ສົກປີ 2017

ພາບ ແລະ ຂ່າວ: ໜັງສືພິມສາລະວັນ