ສາລະວັນ: ລົງໂທດຜູ້ຄ້າຢາບ້າ

ວັນ​ທີ 23 ກໍ​ລະ​ກົດ 2014. ສານ​ປະຊາຊົນ​ແຂວງ​ສາລະ​ວັນ​ໄດ້​ນຳ​ເອົາ​ຄະດີ​ອາຍາ​ມາ​ພິຈາລະນາຕັດ​ສີນ​ ຄະດີ​ຢາ​ບ້າ 3 ກໍລະນີ ທີ່​ຍຶດ​ໄດ້​ໃນ​ວັນ​ທີ 24 ຕຸລາ 2013 ທີ່​ເມືອງ​ສະ​ໝ້ວຍ ​ແຂວງ​ສາລະ​ວັນ ​ເຈົ້າ​ຫນ້າ​ທີ່​​​ແຂວງ​ສາລະ​ວັນ​ຈື່ງ​ໄດ້​ຈັບ​ພວກ​ກ່ຽວ​ມາ​ດໍາເນີນ​ຄະດີ​ຕາມ​ກົດຫມາຍ​ບ້ານ​ເມືອງ. ຜ່ານ​ການ​ສຶບສວນ​ສອບ​ສວນ​ຂອງ​ເຈົ້າ​ຫນ້າ​ທີ່ ທັງ​ສາມ​ຈື່ງ​ສາລະພາບ​ວ່າ: ທ້າວ ສາຄອນ ອາຍຸ 45 ປີ ອາຊີບ ກຳມະກອນບ້ານ​ເກີດ ​ໂຄກ​ສະຫວ່າງ ​ເມືອງ​ໄຊ​ທານີ ນະຄອນຫລວງ​ວຽງ​ຈັນ ບ້ານ​ຢູ່ປັດຈຸບັນ ນາ​ໄຊ​ນ້ອຍ ​ເມືອງ​ ​ແລະແຂວງ​ສາລະ​ວັນ (ຈຳ​ເລີຍ) ທ້າວ ສີ ສະ​ໝຸດ (​ເຕ້ຍ) ອາຍຸ 51 ປີ ອາຊີບ ກຳມະກອນ, ບ້ານສົມ​ສະຫວັນ, ​ເມືອງ​ໄຊ​ທານີ ນະຄອນຫຼວງ​ວຽງ​ຈັນ, ທ້າ​ວ ສີທັນ ອາຍຸ 33 ປີ ອາຊີບ​ ກໍາມະກອນ, ບ້ານ​ນາ​ໄຊ​ນ້ອຍ ​ເມືອງ​ ​ແລະແຂວງສາລະ​ວັນ. ທັງ​ສາມ​ຄົນ​ໄດ້​ຮ່ວມ​ກັນຄອບ​ຄອງ ​ແລະ​ຊື້​-ຂາຍຄ້າ​ຢາ​ບ້າ ​ຈຳ ນວນ 9.090 ​ເມັດ. ພ້ອມ​ທັງ​ກຽມ​ສົ່ງ​ຢາ​ບ້າ​ອອກ​ໃຫ້​ກັບ​ລູກ​ຄ້າ ​ເຈົ້າ​ຫນ້າ​ທີ່​ຮູ້​ທັນ​ຈື່ງ​ເຂົ້າ​ປິດ​ລ້ອມ​ພວກ​ກ່ຽວ​ທີ່​ບ້ານ​ພັກ​ແຫ່ງ​ໜື່ງຂອງ​ເມືອງ​ດັ່ງກ່າວ.
ສະ​ນັ້ນ, ສານ​ປະຊາຊົນ​ແຂວງ​ສາລະ​ວັນ ​ໄດ້​ຕັດ​ສີນ​ລົງ​ໂທດ​ຜູ້​ກະ​ທຳ​ຜິດ​ຕໍ່​ກັບ​ການ​ຄ້າຂາຍຢາ​ບ້າ(ລາຍ​ໃຫ່ຍ) ຢູ່​ແຂວງສາລະ​ວັນ ​ເຊີ່ງ​ມີ​ຢາ​ບ້າ​ທັງ​ໝົດ 9090 ​ເມັດ ນ້ຳໜັກ 888 ກຣາມ. ສານ​ປະຊາຊົນ​​ແຂວງຕັດ​ອິດສະຫຼະພາບ​ພວກ (ຈຳ​ເລີຍ) ທັງ​ 03 ຄື: ທ້າວ ສາ ຄອນ ຈຳ​ຄຸກຕະຫຼອດ​ຊີວິດ ປັບ​​ໄໝ 600 ລ້ານ​ກີບ, ທ້າວ ສີສະ​ໝຸດ ຈຳ​ຄຸກ​ ຕະຫຼອດ​ຊີວິດ ປັບ​ໄໝ 600 ລ້ານ​ກີບ, ທ້າວ ສີທັນ ຈຳ​ຄຸກ ຕະຫຼອດ​ຊີວິດ ພ້ອມ​ທັງ​ປັບ​ໄໝ 600 ລ້ານ​ກີບ. ສ່ວນ​ຢາ​ບ້າ​ໃນ​ຈຳນວນ 9.090 ​ເມັດ​​ແມ່ນ​ມອບ​ໃຫ້​ເຈົ້າ​ໜ້າ​ທີ່ໆ​ກ່ຽວ​ຂ້ອງ​ທຳລາຍ​ຖີ້ມ ​ສ່ວນ​ຊັບ​ສີນປະ​ເພດລົດ​​ໃຫຍ່ຮຸນ​​ໄດ​01ຄັນ, ລົດຈັກຊູ​ຊູ​ກິ01ຄັນ,​ ຍຶດເປັນ​ຂອງ​ລັດ.
ນີ້​ແລະ​ຄື​ຜົນ​ຂອງ​ການຄອບ​ຄອງ​ຊື້-ຂາຍ​ຢາ​ບ້າ ຫລື​ຢາ​ເສບ​ຕິດ ບໍ່​ວ່າ​ຈະ​ຄ້າ​ໜອ້ຍຫລື​ຫລາຍ ສຸດ​ທ້າຍ​ເຈົ້າ​ຫນ້າ​ທີ່​ກໍ່​ຈັບ​ມາ​ດຳ​ເນີນ​ຄະດີ​ຈົນ​ໄດ້ ນີ້​ແລະ​ເພີ່ນ​ວ່າ​ຢາກ​ລວຍ​ທາງ​ລັດ ພັດ​ຊ່ວຍ​ຊ້ຳ ​ເຮັດ​ຫຍັງ​ກະ​ຢ່າ​ຖ້າ​ເປັນ​ອາຊີບ​ຊຸດ​ຈະລິດ​ແລ້ວ​ມີ​ແຕ່​ຄົນ​ຍົກຍ້ອງ ຖ້າ​ໄປ​ຄ້າຂາຍ​ສີ່​ງທີ່​ມັນ​ຜິດ​ກົດຫມາຍ​ບ້ານ​ເມືອງຈະ​ເຮັດ​ຈັ່ງ​ໃດ​ກະ​ຍັງ​ຜິດ​ແລະ​ໄປ​ໃຊ້​ຊີວິດ​ໃນ​ຄຸກ​ໃນ​ຕະລາງ​.