ສາລະວັນປາຖະກະຖາ 3 ວັນປະຫວັດສາດຂອງຊາດ

ໃນ​ທ້າຍອາທິດ​ທີ່​ແລ້ວ​ນີ້ ​ແຂວງ​ສາລະ​ວັນ​ ໄດ້​ຈັດ​ພິທີປາຖະກະຖາ 3 ວັນ​ປະຫວັດສາດຂື້ນ​ຢູ່​ທີ່​ສະ​ໂມ​ສອນ​ໃຫ່ຍຂອງ​ແຂວງ​ໃຫ້ກຽດ​ເຂົ້າ​ຮ່ວມ​ໂດຍ ທ່ານ ບຸນທຽມ ພົມມະ​ສະຖິດ ຄະນະ​ປະຈຳ​ພັກ​ແຂວງ ປະທານ​ຄະນະ​ສາມະ​ຊິກ​ສະພາ​ແຫ່ງ​ຊາດ​ເຂດ​ເລື້ອກຕັ້ງ​ທີ່ 14 ​​ແຂວງ​ສາລະ​ວັນ, ມີ​ບັນດານ​ທ່ານ​ ຄະນະ​ປະຈຳ​ພັກ​ເມືອງ, ຫົວໜ້າພະ​ແນ​ກການ, ຕ່າງໜ້າຫ້ອງການ​ຕ່າງໆອອ້ມຂ້າງ​ແຂວງ ​ແລະ​ເມືອງ​ເຂົ້າ​ຮ່ວມ 240 ກ່ວາ​ຄົນ.ທ່ານ ບຸນທຽມ ພົມມະ​ສະຖິດ ປະທານ​ຄະນະ​ສະມາ​ຊິກ​ສະພາ​ແຫ່ງ​ຊາດ​ເຂດ​ເລື້ອກຕັ້ງ​ທີ່ 14 ​​ແຂວງ​ສາລະ​ວັນ ຂື້ນ​ເລົ່າຄືນ​ກ່ຽວກັບ​ວັນ​ສ້າງ​ຕັ້ງລັດ​ທະ​ທຳ​ມະນູນຄົບຮອບ 23 ປີຄື້: (15 ສິງຫາ ປີ 1991 – ວັນ​ທີ 15 ສິງຫາ ປີ 2014​) ລັດຖະທຳ​ມະນູນ​ແຫ່ງ ສປປ ລາວ ​ໄດ້​ຖືກ​ຮັບຮອງ​ໃນ​ກອງ​ປະຊຸມ​ຄັ້ງ​ທີ 6 ຂອງ​ສະພາ​ປະ​ຊາ​ຊົນສູງ​ສຸດ ຊຸດ​ທີ 2 ​ໃນ​ປີ 1991 ​ແລະ​ໄດ້​ປະກາດ​ໃຊ້​ໃນ​ວັນ​ທີ 15 ສີ​ງຫາ ປີ 1991 ມາ​ຮອດ​ປີ 2003 ກອງ​ປະຊຸມ​ເທື່ອ​ທີ 3 ຂອງ​ສະພາ​ແຫ່ງ​ຊາດ​ຊຸດ​ທີ 5​ ໄດ້ຮັບຮອງ​ເອົາ​ການ​ປັບປຸງ​ລັດຖະທຳ​ມະນູນ​ສະບັບ​ດັ່ງກ່າວ​ໃຫ້​ຄົບ​ຖ້ວນ ​ແລະ​ສົມບູນ, ການ​ປະກາດ​ໃຊລັດ​ທະ​ທຳ​ມະນູນ​ແມ່ນ​ມີ​ຄວາມໝາຍຄວາມ​ສຳຄັນຫຼາຍຕໍ່ປະ​ເທດ​ຊາດ ​ແລະ​ເປັນ​ເຫດການ ການ​ເມືອງ​ທີ່​ສຳຄັນ​ຂອງ​ຊາດ​ທັງ​ເປັນ​ຂີດໝາຍ​ໃໝ່ຕໍ່ປະ​ເທດ​ຊາດ ​ກໍ່ຄື​ປະຊາຊົນ​ບັດ​ດາ​ເຜົ່າ, ​ເພາະວ່າ​ລັດ​ທະ​ທຳ​ມະນູນ​ແມ່ນ​ກົດໝາຍພື້ນຖານ​ຂອງ​ຊາດ ທັງ​ເປັນ​ການ​ຢັ້ງ​ຢືນ​ຕໍ່​ໂລກ​ກ່ຽວກັບ​ຄວາມ​ເປັນ​ເອກ​ະລາດ ​ແລະ​ຜືນ​ແຜ່ນດິນ​ອັນ​ຄົບ​ຖ້ວນ​ຂອງ ສປປ ລາວ ​ແລະ​ເຫັນ​ໄດ້​ຕໍ່​ແນວທາງ​ການ​ນຳພາ​ຂອງ​ພັກ​ປະຊາຊົນ​ປະຕິວັດ​ລາວ.
ນອນັ້ນ​ທີ່​ປະຊຸມ​ຍັງ​ໄດ້​ຮັບ​ຟັງ​ກ່ຽວກັບ​ວັນ​ສ້າງ​ຕັ້ງສານ​ປະຊາຊົນ​ຄົບຮອບ 32 ປີ ​(15 ສີ​ງ – ປີ 1982 – ວັນ​ທີ 15 ສີ​ງຫາ ປີ 2014) ​ແລະ​​ໄດ້​ຮັບ​ຟັງ​ກ່ຽວກັບ​ປະຫວັດ​ຄວາມ​ເປັນ​ມາ​ຂອງ​ວັນ​ຢຶດອຳນາດ​ (23 ສິງຫາ 1945), (ຄົບຮອບ 45 ປີ​) ເພື່ອ​ໃຫ້​ທີ່​ປະຊຸມ​ຮັບ​ຮູ້​ກ່ຽວກັບ​ປະຫວັດ​ຄວາມ​ເປັນ​ມາ​ຂອງ​ວັນ​ຕ່າງໆ.