ສະຫາຍ ຮອງເລຂາພັກແຂວງ – ຮອງເຈົ້າແຂວງສາລະວັນ ຕ້ອນຮັບການ ການເຂົ້າຢ້ຽມຂໍານັບ ຂອງກົງສູນໃຫຍ່ແຫ່ງ ສສ ຫວຽດນາມ ( ຜູ້ໃໝ່ ) ປະຈຳນະຄອນປາກເຊ.

       ເນື່ອງ​ໃນ​ໂອກາດ​ມາ​ປະຈຳການ ​ຂອງ ທ່ານ ບຸ່ຍ ເຖ໋ ຢູ້ງ ກົງສູນໃຫຍ່​ ​ແຫ່ງ ​ສສ ຫວຽດນາມ( ຜູ້​ໃໝ່) ປະຈຳ​ນະຄອນ​ປາກ​ເຊ.ໃນຕອນເຊົ້າ ຂອງວັນທີ 11 ຕຸລາ 2018 ທີ່ຜ່ານ​ມາ, ທ່ານ ບຸ່ຍ ​ເຖ໋ ຢຸ້ງ ກໍ​ໄດ້​ເຂົ້າຢ້ຽມ​ຂໍາ​ນັບ​ການ​ນຳ​ຂັ້ນສູງ​ຂອງ​ແຂວງ​ສາລະ​ວັນ, ​​ເຊິ່ງ​ໃຫ້ກຽດ​ຕ້ອນຮັບ​ໂດຍ ທ່ານ ບົວ ທອງ ຄຸນຍອດປັນຍາ ຮອງເລຂາພັກ​ແຂວງ – ຮອງເຈົ້າແຂວງສາລະວັນ.
​          ໃນ​ການ​ຕ້ອນຮັບ ທ່ານ ຮອງເລຂາພັກ – ຮອງເຈົ້າແຂວງສາລະວັນ ກໍ​ໄດ້​ທົບ​ທວນຄືນຜົນງານການຮ່ວມມືທາງດ້ານຕ່າງໆ ທີ່​ເປັນມູນເຊື້ອສາຍພົວພັນ ການຮ່ວມມື  ແລະ ຄວາມສາມັກຄີແບບພິເສດໃນ​ໄລຍະ​ຫຼາຍປີຜ່ານມາ ລະຫວ່າງ ສອງຊາດລາວ – ຫວຽດນາມ, ຫວຽດນາມ – ລາວ ເວົ້າລວມ , ເວົ້າສະເພາະ ກໍຄື ແຂວງສາລະວັນ ກັບ ບັນດາ​ແຂວງ ຕ່າງໆທາງ​ພາກ​ໃຕ້​ຂອງ​ ສສ ຫວຽດ ນາມ ​ໂດຍ​ມີ ກົງສູນໃຫຍ່ແຫ່ງ ສສ ຫວຽດນາມ ປະຈຳ 4 ແຂວງພາກໃຕ້ ​ເປັນໃຈກາງ​ປະສານງານ.
​​          ໃນ​ໂອກາດ​ນີ້,  ທ່ານ ບຸ່ຍເຖ໋ຢູ້ງ ກົງສູນໃຫຍ່ ປະຈຳ​ນະຄອນ​ປາກ​ເຊ ( ຜູ້​ໃໝ່)  ກໍໄດ້ກ່າວສະແດງຄວາມຂອບອົກຂອບໃຈ ຕໍ່ການຕ້ອນຮັບອັນ​ອົບ​ອຸ່ນ​ຂອງ​ແຂວງ​ສາລະ​ວັນ,   ພ້ອມທັງ​ໃຫ້​ຄຳ​ໝັ້ນສັນຍາ ຈະ​ສືບຕໍ່ອອກ​ເຫື່ອ​​​ແຮງ ​ແລະ ປະກອບສ່ວນຢ່າງຕັ້ງໜ້າ​ເຂົ້າ​ໃນ​ການ​ເສີມສ້າງສາຍພົວພັນມິດຕະພາບ ການ​ຮ່ວມ​ມື​ຮອບດ້ານ ​ແລະ ຄວາມ​ສາມັກຄີ ພິ​ເສດ​ອ້າຍ​ນ້ອງເພື່ອຮັດແໜ້ນຄວມສາມັກຄີ ໄມຕີຈິດ ມິດຕະພາບ ຂອງ​ສອງ​ຊາດ ລາວ – ຫວຽດນາມ, ຫວຽດນາມ – ລາວ ເວົ້າລວມ,ເວົ້າສະເພາະ ກໍ​ແມ່ນ​ ຂອງແຂວງສາລະວັນ ກັບ ບັນດາ​ແຂວງ​ຕ່າງໆ ຂອງ ສສ ຫວຽດນາມ ​ໂດຍ​ຜ່ານກົງສູນໃຫຍ່ຫວຽດນາມປະຈຳ​ພາກ​ໃຕ້ ນີ້ ໃຫ້ໝັ້ນຄົງ​ທະ​ນົງ​ແກ່ນ ​ແລະ ແໜ້ນແຟ້ນຍິ່ງໆຂຶ້ນ​ໄປ.