ສະມາຊິກ ສສ ເພດຍິງ ໄດ້ລົງພົບປະຢ້ຽມຢາມຄະນະກຳມາທິການເພື່ອຄວາມກ້າວໜ້າຂອງແມ່ຍິງວຽກແມ່ ແລະ ເດັກ ເມືອງເລົ່າງາມ ແລະ ເມືອງ ສາລະວັນ

ໃນ​ລະຫວ່າງ​ວັນ​ທີ 17 ມີນາ 2015 ນີ້​ທີ່​ຫ້ອງ​ວ່າການ​ປົກຄອງ​ເມືອງ​ ເລົ່າ​ງາມ ​ແລະ ​ເມືອງສາລະ​ວັນຮອງ​ປະທານ​ຄະນະ​ຜູ້​ແທນສສ ​ເພດ​ຍິງຈາກສະພາ​​ແຫ່ງ​ຊາດນຳ​ໂດຍ ທ່ານ ນາງ ທັດ​ສະ​ດາ​ພອນ ​ແສງ​ສຸລິຍາ ​ແລະ ທ່ານ ນາງມະນີ​ຊົງ ລື​ສີສະໝຸດ ກຳມະການ​ພັກ​ແຂວງ, ຮອງ​ປະທານຄະນະ​ສະມາຊິກ​ສະພາ​ເຂດ​ເລືອກ​ຕັ້ງ​ທີ 14 ສສ ເພດ​ຍິງ ​ທັງ​ແມ່ນ​ຮອງ​ປະທານ​ຄະນະ​ກຳມາ​ທິການ​ເພື່ອ​ຄວາມ​ກ້າວໜ້າຂອງ​ແມ່ຍິງວຽກ​ແມ່ ​ແລະ ​ເດັກ​ແຂວງສາລະ​ວັນ ​ໄດ້​ລົງ​ພົບ​ປະ​ໂອ້​ລົມ​ກັບ​ຄະນະກຳມາ​ທິການ​ເພື່ອ​ຄວາມ​ກ້າວໜ້າຂອງ​ແມ່ຍິງ, ວຽກ​ແມ່ ​ແລະ ​ເດັກ​ເມືອງ​ ເລົ່າ​ງາມ ​ແລະ ​ເມືອງສາລະ​ວັນ. ຄະນະ​ຜູ້​ແທນ​ໄດ້​ຮັບ​ກຽດຕ້ອນຮັບ​ຢ່າງ​ອົບ​ອຸ່ນ​ ທັງ​ຮັບ​ການ​ສ່ອງ​ແສງ​ລາຍ​ງານ​ສະພາບ​ກ່ຽວກັບ​ຄວາມ​ກ້າວໜ້າຂອງ​ແມ່ຍິງ​ແລະວຽກ​ແມ່ ​ແລະ ​ເດັກ​ ຈາກ​ອຳນາດ​ການ​ປົກຄອງ​ຂັ້ນ​ເມືອງຈາກ​ນັ້ນ​ຄະນະ​ຜູ້​ແທນ ສສ ​ເພດ​ຍິງ​ຍັງ​ໄດ້​ມີ​ຄຳ​ເຫັນ​ໂອ້​ລົມ ​ແລະ ຍ້ອງຍໍ​ຊົມ​ເຊີຍ​ຕໍ່​ການຈັດ​ຕັ້ງ​ປະຕິບັດ​ສົນທິສັນຍາ​ສາກົນ​ວ່າ​ດ້ວຍ: ການລຶບລ້າງ​ຕໍ່​ຮູບ​ການຈຳ​ແນ​ກຕໍ່​ແມ່ຍິງ​, ການຈັດ​ຕັ້ງ​ປະຕິບັດຄວາມສະເໝີພາບ​ລະຫວ່າງ​ຍິງ-ຊາຍ ກໍ່​ຄື​ການ​ສ້າງ​ຄອບຄົວ, ບ້ານ, ​ເມືອງ​ພັດທະນາ. ຕິດ​ພັນ​ກັບ​ການ​ປະຕິບັດ​ສິດສະ​ເໝີພາບຍິງ-ຊາຍ ​ແລະປາ​ສະ​ຈາກ​ການ​ໃຊ້​ຄວາມ​ຮຸນ​ແຮງ​ຕໍ່​​ແມ່ຍິງ ​ແລະ ​ເດັກນ້ອຍ.
ຈາກ​ນັ້ນ​, ອຳນາດ​ການ​ປົກຄອງ​ເມືອງ​ໄດ້​ນຳ​ພາຄະນະ​ຜູ້​ແທນສສ ​ເພດ​ຍິງລົງ​ຢ້ຽມຢາມ​ບ້ານ​ພັດທະນາ​ຕິດ​ພັນ​ກັບ​ການ​ປະຕິບັດ​ສິດສະ​ເໝີພາບ​ລະຫວ່າງ​ຍິງ-ຊາຍ ​ ແລະປາສະຈາກ​ການ​ໃຊ້​ຄວາ​ມຮຸນ​ແຮງ​ຕໍ່​ແມ່ຍິງ​ແລະ​ເດັກນ້ອຍ​ຄື: ບ້ານ ​ໂສກ​ເມືອງເລົ່າ​ງາມມີ​ອຳນາດ​ການ​ປົກຄອງ ​ແລະພໍ່​ແມ່​ປະຊາຊົນ​ໃຫ້​ກຽດຕ້ອນຮັບ​ຢ່າງ​ອົບ​ອຸ່ນ​ເຂົ້າ​ຮ່ວມ​ທັງໝົດ 108 ຄົນຍິງ 52 ຄົນ.
ຄະນະ​ຜູ້​ແທນ ສສ ​ເພດ​ຍິງ ຍັງ​ໄດ້​ໂອ້​ລົມ​ຕໍ່​ປະຊາຊົນ​ຜູ້​ເຂົ້າ​ຮ່ວມ ​ແລະ ​ເນັ້ນໜັກ​ເຖິງ​ການ​ໃຫ້​ທຸກ​ຄົນ​ມີ​ທັດສະນະ​ບົດບາດ​ຍິງ-ຊາຍ​ທຸກ​ຂົງ​ເຂດ​ວຽກງານ​ ​ເນັ້ນ​ເຖິງ​ການ​ຝຶກ​ວິຊາ​ຊີບ​ສີມື​ແຮງ​ງານ​ໃຫ້​ແມ່ຍິງ​ມີ​ວຽກ​ເຮັດ​ງານ​ທຳ​ ພາຍ​ໃນ​ບ້ານ​ຕ້ອງໃຫ້​ມີ​ວິດຖ່າຍ, ມີ​ນ້ຳ​ສະອາດ​ໃຊ້ ​ແລະມີ​ໂຮງຮຽນສະໜອງ​ໃຫ້​ລູກ​ຫຼານ​ໄດ້​ຮຽນໜັງສື, ມື້​ຕໍ່​ມາຄະ​ນະ​ຜູ້​ແທນ​ກໍ່​ເດີນທາງ​ໄປ​ແຂວງ ​ເຊ​ກອງຕື່ມ​ອີກ.