ສະຖາບັນຍຸຕິທຳພາກກາງແຂວງສະຫວັນນະເຂດ ມອບປື້ມປະມວນກົດໝາຍໃຫ້ແກ່ ຫ້ອງວ່າການປົກຄອງແຂວງສາລະວັນ.

ໃນຕອນເຊົ້າ ເວລາ 10:30 ໂມງ ຂອງວັນທີ 11 ມັງກອນ 2018. ທ່ານ ປທ ສົມສະໜິດ ດອນປະເສີດ ຫົວໜ້າສະຖາບັນຍຸດຕິທຳພາກກາງ ແຂວງສະຫວັນນະເຂດ ພ້ອມ​ດ້ວຍ​ຄະນະ ​ໄດ້​ນຳເອົາປື້ມກົດໝາຍແຕ່ລະຂົງເຂດຈຳນວນ 2 ຊຸດຄື: ປື້ມກົດໝາຍຂົງເຂດການປົກຄອງ, ປື້ມກົດໝາຍຂົງເຂດແຮງງານແລະຊັບພະຍາ ກອນທຳມະຊາດ, ປື້ມກົດໝາຍຂົງເຂດວັດຖະນະທຳ-ສັງຄົມ, ປື້ມກົດໝາຍຂົງເຂດເສດຖະກິດ ແລະ ການເງີນ, ລວມເປັນມູນຄ່າ 1.000.000ກີບ (ໜື່ງລ້ານກີບ), ມາມອບໃຫ້ແກ່ຫ້ອງວ່າການປົກຄອງແຂວງສາລະວັນ, ເຊີ່ງໃຫ້ກຽດຕ່າງໜ້າຮັບ ແລະ ກ່າວຂອບໃຈໂດຍ ທ່ານ ປອ ສະໄໝ ໂພທິສານ ກຳມະການພັກແຂວງ,ເລຂາຄະນະພັກຮາກຖານ, ຫົວໜ້າຫ້ອງວ່າການປົກຄອງແຂວງ, ​ເຊິ່ງປື້​ມດັ່ງກ່າວ​ຈະ​ໄດ້​ແຈກ​ຢາຍ​ໃຫ້​ແຕ່ລະ​ຂະ​ແໜງ​ຂອງ​ຫ້ອງ​ວ່າການ​ປົກຄອງ​ແຂວງ ​ແລະ ສຳ​ເນົາ​ໄວ້​ໃນ​ຫ້ອງ​ຫໍ​ສະໝຸດ​ຂອງ​ຫ້ອງ​ວ່າການປົກຄອງແຂວງ ເພື່ອເປັນຄູ່ມືໃນການນໍາໃຊ້ບໍລິຫານການປົກຄອງ.