ມອບເຄື່ອງຊ່ວຍເຫຼືອ ໃຫ້ແກ່ປະຊາຊົນ 35 ຄອບຄົວ ບ້ານໜອງແກ ເມືອງເລົ່າງາມ ແຂວງສາລະວັນ.

ເພື່ອ​ເປັນ​ກາ​ນບັນ​ເທົາ​ທຸກ​ໃຫ້​ແກ່​ປະຊາຊົນ ທີ່​ຖືກ​ຜົນ​ກະທົບ​ຈາກ​ລົມພະຍຸ ຄັ້ງວັນ​ທີ 1 ມິຖຸນາ 2018 ທີ່​ຜ່ານ​ມາ. ​ໃນ​ຕອນ​ບ່າຍ​ຂອງ​ວັນ​ທີ 7 ມິຖຸນາ 2018, ທ່ານ ສີ​ສຸວັນ ວົງ​ຈອມ​ສີ ກຳມະການ​ສູນ​ກາງ​ພັກ, ​ເລ​ຂາ​ພັກ – ​ເຈົ້າ​ແຂວງໆ ສາລະ​ວັນ ພ້ອມ​ດ້ວຍ​ອົງການ​ປົກຄອງ​ເມືອງ​ເລົ່າ​ງາມ ​ແລະ ພະ​ແນ​ກການ​ກ່ຽວ​ຂ້ອງ​ ໄດ້​ນຳ​ເອົາ​ເຄື່ອງ​ຊ່ວຍ​ເຫຼືອ​ປະກອບ​ດ້ວຍ: ສັງກະສີ 500 ​ແຜ່ນ; ​ເຫຼັກ​ຕະປູ 20 ກິ​ໂລ; ​ເຄື່ອງນຸ່ງ​ຫົ່ມ ຈຳນວນ 79 ຖົງ ລວມ​ເປັນ​ມູນ​ຄ່າ​ທັງ​ໝົດ 28 ລ້ານ​ກວ່າ​ກີບ ​ໄປ​ມອບ​ໃຫ້​ແກ່ ປະຊາຊົນ 35 ຄອບຄົວ ຂອງ​ບ້ານ​ໜອງ​ແກ ​ເມືອງ​ເລົ່າ​ງາມ ​ແຂວງ​ສາລະ​ວັນ.