ພິ​ທີ​ສະ​ເຫຼີມ​ສະຫຼອງວັນ​ສ້າງ​ຕັ້ງ​ຄະ​ນະ​ຊາວ​ໜຸ່ມ ປະ​ຊາ​ຊົນ ປະ​ຕິດ​ລາວ ຄົບ​ຮອບ 60 ປີ

ຕອນເຊົ້າ ຂອງວັນທີ 8 ເມສາ 2015 ນີ້ ຢູ່ທີ່ເດີ່ນສະໜາມແດງ ແຂວງສາລະວັນ ໄດ້ຈັດພິທີ ໂຮມຊຸມນຸມໃຫ່ຍ ສະເຫຼີມສະຫຼອງ 60 ປີ ວັນສ້າງຕັ້ງຄະນະຊາວໜຸ່ມ ປະຊາຊົນ ປະຕິວັດລາວ ( 14 ເມສາ 1955- 14 ເມສາ 2015). ໃຫ້ກຽດ ເປັນປະທານ ໃນພິທີ ຄັ້ງນີ້ ແມ່ນ ທ່ານ ຄຳບຸ່ນ ດ້ວງປັນຍາ ກຳມະການສູນກາງພັກ, ເລຂາພັກແຂວງ,ເຈົ້າແຂວງສາລະ ວັນ; ມີທ່ານ ບົວສີ ຄ່ຽມມະນີ ຂັນໄຊ ຮອງເລຂາພັກແຂວງ, ປະທານແນວລາວສ້າງຊາດແຂວງ (ຜູ້ຊີ້ນຳອົງການຈັດຕັ້ງມະຫາຊົນ); ພະອາຈານ ກິດ່ອງ ເຈົ້າອະທິການ ວັດນາເຫຼັກ; ທ່ານ ນ. ອຳຄາ ສຸວັນນະເມທີ ພະນັກງານບຳນານ, ອາດີດເລຂາຄະນະບໍລິຫານງານ ຊາວໜຸ່ມແຂວງ, ທ່ານ ຈັນສີລອນ ສີສົມບູນ ຮັກສາການ ເລຂາຄະນະບໍລິຫານງານຊາວໜຸ່ມແຂວງ. ມີຊາວໜຸ່ມ, ໄວໜຸ່ມ, ເຍົາວະ ຊົນ, ອະນຸຊົນ ເຂົ້າຮ່ວມພິທີໂຮມຊຸມນຸມຄັ້ງນີ້ ຈໍານວນ 3660 ສະຫາຍ.

ທຳອິດ ທ່ານ ຈັນສີລອນ ສີສົມບູນ ຮັກສາການ ເລຂາຄະນະບໍລິຫານງານຊາວໜຸ່ມແຂວງ ໄດ້ຂື້ນເລົ່າມູນເຊື້ອ, ປະຫວັດຄວາມເປັນ ມາ ແລະ ການເຄື່ອນໄຫວ ຂອງຊາວໜຸ່ມ ປະຊາຊົນ ປະຕິວັດລາວ ໃນແຕ່ລະໄລຍະ ເພື່ອໃຫ້ຜູ້ເຂົ້າຮ່ວມຊຸມນຸມຮັບຊາບ. ຫຼັງຈາກ ນັ້ນ; ທ່ານ ຄຳບຸ່ນ ດ້ວງປັນຍາ ກໍ່ໄດ້ຂື້ນມີຄຳເຫັນໂອ້ລົມ ຕໍ່ພິທີດັ່ງກ່າວ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານ ແລະ ຜົນສຳເລັດ ທີ່ຊາວໜຸ່ມ ປະຊາຊົນ ປະຕິວັດລາວ ກໍ່ຄື: ຊາວໜຸ່ມແຂວງ ສາລະວັນ ຍາດມາໄດ້ . ບໍ່ວ່າຢູ່ໃນສະໄໝ ຕໍ່ສູ້ກູ້ຊາດ ກໍ່ຄືສະ ໄໝປົກປັກຮັກສາ ແລະ ພັດທະນາປະເທດຊາດ. ເຊິ່ງຍາມໃດ ຊາວໜຸ່ມ ໄດ້ມີຄວາມຕັ້ງໜ້າບຸກບືນ, ຝືກຜົນຫຼໍ່ຫຼອມຕົນເອງ, ສ້າງ ຕົນເອງດີເດັ່ນ ໃນຂະບວນການວຽກງານຕົວຈິງ. ໄດ້ມີສາມາຊິກຊາວໜຸ່ມ ຈຳນວນຫຼວງຫຼາຍໄດ້ຮັບການເລືອກເຟັ້ນ ເຂົ້າໃນອົງການ ການນຳພາຂອງພັກ -ລັດ ໃນກຳລັງປະກອບອາວຸດ ໄດ້ຮັບຄວາມໄວ້ວາງໃຈ ນັບມື້ນັບຫຼາຍຂື້ນ. ຈາກຜົນງານ ແລະ ຜົນສຳເລັດຕ່າງໆ ກໍ່ຍັງມີຈຸດອ່ອນຂໍ້ຄົງຄ້າງບາງດ້ານ ໃນນັ້ນ ທ່ານ ກໍ່ຍັງຮຽກຮ້ອງມາຍັງ ຄະນະນຳຂອງພັກ-ລັດ, ຄະນະນຳຊາວໜຸ່ມ, ຊາວໜຸ່ມ-ໄວ ໜຸ່ມ ທຸກຄົນ ຊາວແຂວງ ສາລະວັນ ເພື່ອສືບຕໍ່ເອົາໃຈໃສ່ ຕື່ມອີກ:

1 / ຄະນະພັກ – ອຳນາດການປົກຄອງຕ່າງໆ ຕ້ອງຕັ້ງໜ້າ ເພີ່ມທະວີຄວາມຮັບຜິດຊອບ ແລະ ສືກສາອົບຮົມການຈັດຕັ້ງ-ສາມາ ຊິກຊາວໜຸ່ມ, ໄວໜຸ່ມ ຢູ່ຂັ້ນຂອງຕົນ, ສ້າງເງື່ອນໄຂ ແລະ ອຳນວຍຄວາມສາດວກໃຫ້ກໍາລັງການຈັດຕັ້ງຊາວໜຸ່ມ ໄດ້ເຄື່ອນໄຫວປະ ຕິບັດໜ້າທີ່ການເມືອງຂອງເຂົາເຈົ້າ ແລະ ເປັນກຳລັງຕົ້ນຕໍ -ເຂັ້ມແຂງ ໃນການຈັດຕັ້ງປະຕິບັດ ມະຕິຄໍາສັ່ງ ກໍ່ຄືວຽກງານທີ່ຂັ້ນເທິງ ວາງອອກ ໃຫ້ມີຜົນສຳເລັດ.

2 / ຄະນະບໍລິຫານງານຊາວໜຸ່ມແຕ່ລະຂັ້ນ ຕ້ອງເອົາໃຈໃສ່ ແລະ ເປັນເຈົ້າການຢ່າງສູງໃນການປັບປຸງການຈັດຕັ້ງຂັ້ນຮາກຖານ ເຊັ່ນ: ຢູ່ສຳນັກງານ-ອົງການຂອງລັດ , ກົມກອງກຳລັງປະກອບອາວຸດ, ວິສາຫະກິດ, ທຸລະກິດ ແລະ ບ້ານຕ່າງໆ ໃຫ້ເຂັ້ມແຂງ ເປັນ ກຳລັງແຮງອັນສຳຄັນ ໃນການຈັດຕັ້ງປະຕິບັດແນວທາງ, ແຜນພັດທະນາ ແລະ ລະບຽບກົດໜາຍ ທີ່ ພັກ-ລັດ ວາງອອກ.

3 / ຊາວໜຸ່ມ ຕ້ອງຕັ້ງໜ້າຝືກຜົນຫຼໍ່ຫຼອມຕົນເອງ ໃຫ້ເປັນຜູ້ມີຄຸນສົມບັດ ສິນທຳປະຕິວັດ, ເປັນແບບຢ່າງໃນການຮໍ່າຮຽນ, ອອກ ແຮງງານ, ໃນການປະຕິບັດໜ້າທີ່, ການປະຕິບັດລະບຽບກົດໜາຍ, ຮູ້ເຄົາລົບນັບຖືຜູ້ເຖົ້າແກ່, ອາວຸໂສ, ຮູ້ກະຕັນຍູ, ຮູ້ບຸນຄຸນພໍ່ແມ່ ຜູ້ມີພະຄຸນ, ເອື້ອເຟື້ອເພື່ອແຜ່ ຮັກແພງໝູ່ ເພື່ອນ ມິດສະຫາຍ, ມີຄວາມຮູ້, ຄວາມນິຍົມ ທີ່ຖືກຕ້ອງສົດໃສຈົບງາມ. ຕ້ານສິ່ງເຊື່ອມ ຊາມ, ແບບດຳລົງຊີວິດ ທີ່ຝື່ນກັບຄຸນລັກສະນະ ກໍ່ຄືປະເພນີອັນດີງາມຂອງຊາດ, ຂອງເຜົ່າ ແລະ ຕ້ອງເປັນຜູ້ຮູ້ສ້າງສິ່ງທີ່ເປັນປະ ໂຫຍດ ແກ່ຕົນເອງ, ສັງຄົມ ກໍ່ຄື ປະເທດຊາດ.

4 / ຊາວໜຸ່ມ, ໄວໜຸ່ມ ຕ້ອງສ້າງຄວາມເປັນແບບຢ່າງໃຫ້ໜູ່ຄູ່ ໃຫ້ເຍົາວະຊົນລຸ້ນສືບທອດໃນການຮໍ່າຮຽນ, ການອອກແຮງງານ, ສ້າງຕົນເອງ ໃຫ້ມີວຽກເຮັດງານທຳ, ຮູ້ສະສົມ, ການຊົມໃຊ້, ຮູ້ປະຢັດມັດທະຢັດ, ຕ້ານການຫລີ້ນກີນຟູມເຟື້ອຍ, ດຳລົງຊິວິດແບບຂີ້ ຄ້ານມັກງ່າຍ, ຖືຕໍ່າການອອກແຮງງານ ແລະ ເຫັນແກ່ຕົວ, ທະເຍີທະຍານນຳສິ່ງທີ່ບໍ່ມີປະໂຫຍດ, ຕ້ອງເປັນຄົນດຸໜັ່ນຂະຫຍັນພຽນ ບຸກບືນຜ່ານຜ່າ ປະຕິບັດຄຳຂັວນທີ່ວ່າ:ບ່ອນໃດຍາກຊາວໜຸ່ມບຸກ, ບ່ອນໃດທຸກຊາວໜຸ່ມຕ້ອງແກ້ໃຫ້ໄດ້.