SONY DSC

ພິທີ ສະເຫຼີມສະຫຼອງ ວັນສາກົນຢຸດຕິຄວາມຮຸນແຮງຕໍ່ແມ່ຍິງ ແລະ ເດັກນ້ອຍ 25 ພະຈິກ ຄົບຮອບ 55 ປີ ( 25 ພະຈິກ 1960 – 25 ພະຈິກ 2015 ) ທີ່ແຂວງ ສາລະວັນ

ຕອນເຊົ້າຂອງວັນທີ 25 ພະຈິກ 2015 ທີ່ຜ່ານມານີ້ ຢູ່ສະໂມສອນໃຫ່ຍຂອງແຂວງ ສາລະວັນ ກອງເລຂາຄະນະກຳມາທິການ ເພື່ອຄວາມກ້າວໜ້າຂອງແມ່ຍິງ, ວຽກແມ່ ແລະ ເດັກແຂວງ ສາລະວັນ ໄດ້ຈັດພິທີສະເຫຼີມສະຫຼອງລະນຶກວັນສາກົນຢຸດການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ຄົບຮອບ 55 ປີ ຂຶ້ນຢ່າງເປັນຂະບວນຟົດຟື້ນ. ພິທີ ຄັ້ງນີ້ ໂດຍໃຫ້ກຽດການເປັນປະທານ ທ່ານ ນາງ ບຸນທະວີ ດວງລາສີ ຄະນະປະຈຳພັກແຂວງ, ປະທານສະຫາພັນແມ່ຍິງແຂວງ ແລະ ພະນັກງານຫຼັກແຫຼ່ງ, ຫົວໜ້າ – ຮອງພະແນກການ, ອົງການທຽບເທົ່າອ້ອມຂ້າງແຂວງ, ນາຍທະຫານ, ຕ່ຳຫຼວດຕະຫຼອດຮອດ ພະນັກງານ, ລັດຖະກອນ ທີ່ເຂົ້າຮັບຟັງເປັນຈຳນວນຫຼວງຫຼາຍ. ເຊິ່ງຈັດຕັ້ງພິທີການໃນຄັ້ງນີ້ ໂດຍ ທ່ານ ນາງ ມະນີລາ ຈັນທະວົງສາ ຮອງຫົວໜ້າກອງເລຂາກຳມາທິການ ເພື່ອ ຄວາມກ້າວໜ້າຂອງແມ່ຍິງ, ວຽກແມ່ ແລະ ເດັກແຂວງ ສາລະວັນ, ພ້ອມນັ້ນ ປະທານ ກໍໄດ້ເວົ້າເຖິງປະຫວັດຄວາມເປັນມາຂອງຄວາມຮຸນແຮງຕໍ່ແມ່ຍິງ ແລະ ຍົກໃຫ້ເຫັນເຖິງປັດໃຈຄວາມສ່ຽງຕໍ່ການກະທຳທີ່ເມີນເສີຍລະເລີຍຢູ່ໃນຄອບຄົວ ແລະ ສັງຄົມ ເຊິ່ງ ກໍໃຫ້ເກີດຄວາມອັນຕະລາຍ ແລະ ຄວາມເສຍຫາຍຕໍ່ແມ່ຍິງ ບໍ່ວ່າຈະເປັນທາງດ້ານຮ່າງກາຍ ຫຼື ທາງດ້ານຈິດໃຈ ແລະ ທາງເພດຢູ່ໃນທຸກໆສະຖານທີ່.

ຕອນທ້າຍຂອງພິທີສະເຫຼີມສະຫຼອງລະນຶກວັນສາກົນຢຸດການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ຄົບ ຮອບ 55 ປີ ທ່ານປະທານຍັງໄດ້ຮຽກຮ້ອງມາຍັງຜູ້ເຂົ້າຮ່ວມໃຫ້ພ້ອມກັນສະກັດກັ້ນ ແລະ ຕ້ານການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍໃຫ້ມີທ່າອ່ຽງຫຼຸດລົງໃນອານາຄົດ ແລະ ກອງເລຂາຄະນະກຳມາທິການເພື່ອຄວາມກ້າວໜ້າຂອງແມ່ຍິງ, ວຽກແມ່ ແລະ ເດັກແຂວງ ກໍໄດ້ຮັບທຶນສະໜັບສະໜູນນ ເພື່ອປະຕິບັດກິດຈະກຳການໂຄສະນາ ເພື່ອຕ້ານການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ 25 ພະຈິກ 2015 ເປັນເງິນສົດ ຈຳນວນ 2.000.000 ກີບ ຈາກອົງການ ບ້ານຈຸດສຸມ ສາກົນປະຈຳ ສປປ ລາວ ( VFI ).