ພິທີ ສະເຫຼີມສະຫຼອງວັນຄົນພິການ ແຫ່ງຊາດ ວັນທີ 27 ກັນຍາ ແລະ ວັນສາກົນ ຜູ້ອາຍຸສູງວັນທີ 1 ຕຸລາ ປະຈຳປີ 2015 ທີ່ສາລະວັນ, ຄັ້ງວັນທີ 20 ຕຸລາ 2015

ເວລາ 8 : 00 ໂມງ ເຊົ້າ ຂອງ ວັນທີ 20 ຕຸລາ 2015 ຢູ່ທີ່ສະໂມສອນໃຫ່ຍຂອງແຂວງສາລະວັນ ໄດ້ຈັດພິທີ ສະເຫຼີມສະ ຫຼອງວັນຄົນພິການແຫ່ງຊາດ ວັນທີ 27 ກັນຍາ ແລະ ວັນສາກົນຜູ້ອາຍຸສູງ ວັນທີ 1 ຕຸລາ ໂດຍການເປັນປະທານຮ່ວມຂອງ ທ່ານ ສີເຮັງ ຫອມສົມບັດ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ, ທ່ານ ບົວສີ ຄ່ຽມມະນີຂັນໄຊ ອາດີດຮອງເລຂາພັກແຂວງ, ອາດີດປະທານແນວລາວສ້າງຊາດແຂວງ, ທ່ານ ບຸນຍົງ ພາສີ ຫົວໜ້າ ພະແນກແຮງງານສະຫັວດດີການ – ສັງຄົມແຂວງ, ທ່ານ ດຣ ອາຄົມ ລ່ຳວິຈິດ ຮອງຫົວໜ້າ ພະແນກສາທາລະນະສຸກແຂວງ ແລະ ທ່ານ ວຽງສິດ ສາມາຄົມຄົນພິການ. ເຊິ່ງມີບັນດາທ່ານກຳມະການພັກແຂວງ, ຫົວໜ້າ, ຮອງຫົວໜ້າພະແນກການ, ອົງການທຽບເທົ່າອ້ອມຂ້າງແຂວງ, ທະຫານ, ຕ່ຳຫຼວດ, ພະນັກງານບຳນານທ່ານຍິງທ່ານຊາຍ, ຕະຫຫຼອດຮອດພະນັກງານ – ​ລັດຖະກອນ ພ້ອມດ້ວຍ ພໍ່ແມ່ປະຊາຊົນຊາວເມືອງສາລະວັນເຂົ້າຮ່ວມຢ່າງຫຼວງຫຼາຍ.

ເຊິ່ງ ທ່ານ ສີເຮັງ ຫອມສົມບົດ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ ກໍໄດ້ຂຶ້ນກ່າວບົດປາໃສ ເນື່ອງໃນໂອກາດອັນສະຫງ່າລາສີທີ່ມີຄວາມໜາຍຄວາມສຳຄັນນີ້, ຄະນະພັກອຳນາດການປົກຄອງແຂວງສາລະວັນ ແລະ ຄະນະກຳມະການຂັ້ນແຂວງ ເພື່ອຄົນພິການ ແລະ ຜູ້ອາຍຸສູງ ພ້ອມດ້ວຍພະນັກງານປະຕິວັດອາວຸໂສ, ບໍານານ, ຜູ້ພິການ – ຜູ້ອາຍຸສູງ, ລັດວິສາຫະກິດ, ບໍລິ ສັດ ແລະ ພໍ່ແມ່ປະຊາຊົນຊາວແຂວງ ສາລະວັນ ໄດ້ພ້ອມກັນຈັດງານວັນຜູ້ພິການແຫ່ງຊາດ ແລະ ວັນສາກົນຜູ້ສູງອາຍຸ ເພື່ອເປັນການເສີມຂະຫຍາຍຄຸນລັກສະນະອັນດີເລີດຂອງຄົນພິການ ແລະ ຜູ້ອາຍູສູງ ໃຫ້ມີບັນຍາກາດພົດຟື້ນທັງເປັນການໂຄສະນາເຜືຍແຜ່ໃຫ້ສັງ ຄົມຮັບຮູ້ປະຫວັດຄວາມເປັນມາວັນຄົນພິການ ແລະ ວັນຜູ້ອາຍູສູງ ໃຫ້ໄດ້ຮັບການເບີ່ງແຍງດູແລຊ່ວຍເຫຼືອທາງດ້ານວັດຖຸ ແລະ ຈິດໃຈຈາກສັງຄົມ, ໃຫ້ມີຄຸນນະພາບຊີວິດດີຂຶ້ນເທື່ອລະກ້າວ ພ້ອມທັງເຮັດໃຫ້ການດຳລົງຊີວິດມີຄວາມຜາສຸກມີຄວາມອົບອຸ່ນສາມາດປະກອບສ່ວນເຂົ້າໃນການພັດທະນາເສດຖະກິດ – ສັງຄົມຕາມເງຶ່ອນໄຂ ແລະ ຄວາມສາມາດຕົວຈິງຂອງຕົນ ຈາກນັ້ນ, ພັກ ແລະ ລັດຖະບານຂອງພວກເຮົາ ກໍໄດ້ໃຫ້ຄວາມສຳຄັນ ແລະ ກຳນົດນະໂຍບາຍຢ່າງຊັດເຈນຕໍ່ຄົນພິການ ແລະ ຜູ້ອາຍຸສູງ ມີບົດຮຽນໃນການຕໍ່ສູ້ກັບອຸປະສັກນາງໆປະການ ແລະ ເປັນແບບຢ່າງອັນດີງາມໃຫ້ແກ່ລູກຫຼານຈົ່ງປະກອບສ່ວນຢ່າງຕັ້ງໜ້າໃນການເບິ່ງແຍງຕໍ່ຜູ້ພິການ ແລະ ຜູ້ອາຍຸສູງ.

ພາຍຫຼັງທີ່ ທ່ານ ສີເຮັງ ຫອມສົມບັດ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງໄດ້ກ່າວບົດປາໃສແລ້ວ ທ່ານກໍໄດ້ຂໍສະແດງຄວາມຂອບໃຈ ແລະ ຂໍອ່ວຍພອນໄຊອັນປະເສີດມາຍັງບັນດາທ່ານທີ່ເຂົ້າຮ່ວມໃນພິທີຄັ້ງນີ້, ຄະນະພັກອຳນາດການປົກຄອງທຸກຂັ້ນ ພ້ອມທັງຜູ້ພິການ ແລະ ຜູ້ອາຍຸສູງໃນທົ່ວແຂວງ ສາລະວັນ ຈົ່ງມີສຸຂະພາບເຂັ້ມແຂງປະສົບຜົນສຳເລັດໃນໜ້າທີ່ວຽກ ງານຢ່າງໃຫ່ຍຫຼວງ, ມາຮອດເວລາ 9:30 ໂມງ ພິທີ ສະເຫຼີມສະຫຼອງວັນພິການ ແລະ ຜູ້ອາຍຸສູງ ກໍໄດ້ສີ້ນສຸດລົງຢ່າງເປັນທາງການ.