ພິທີ ມອບ – ຮັບ ຫົວໜ້າ ຄະນະໂຄສະນາອົບຮົມ ແຂວງ ສາລະວັນ ຜູ້ເກົ່າ ແລະ ຜູ້ໃໝ່

ຕອນເຊົ້າເວລາ 9 : 30 ໂມງ ຂອງວັນທີ 9 ກັນຍາ 2015 ຜ່ານມານີ້ ຢູ່ທີ່ຫ້ອງປະຊຸມຊັ້ນ III ຂອງຫ້ອງວ່າການປົກ ຄອງແຂວງ ສາລະວັນ ໄດ້ຈັດ ພິທີມອບ – ຮັບ ຫົວໜ້າ ຄະນະໂຄສະນາອົບຮົມແຂວງ ສາລະວັນ ລະຫວ່າງ ທ່ານ ຄຳຈັນ ແຈ່ມສະໜອນ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ ( ຜູ້ເກົ່າ ) ກັບ ທ່ານ ສີເຮັງ ຫອມສົມບັດ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ ( ຜູ້ໃໝ່ ) ຂຶ້ນຢ່າງເປັນທາງການ. ໂດຍໃຫ້ກຽດເຂົ້າຮ່ວມ ແລະ ເປັນປະທານຂອງ ທ່ານ ບຸນທຽມ ແກ້ວໄຊຍະວົງ ຮອງເລຂາພັກແຂວງ, ຫົວໜ້າຄະນະຈັດຕັ້ງແຂວງສາລະວັນ, ມີບັນດາຫົວໜ້າ

– ຮອງຫົວໜ້າພະແນກການ, ອົງການທຽບເທົ່າອອ້ມຂ້າງແຂວງ, ຫົວໜ້າ – ຮອງຫົວໜ້າຫ້ອງການໂຄສະນາອົບຮົມເມືອງ 8 ຕົວເມືອງ ພ້ອມດ້ວຍພະນັກງານລັດ – ຖະກອນຂອງຄະ ນະໂຄສະນາອົບຮົມແຂວງເຂົ້າຮ່ວມ ຈຳນວນ 38 ທ່ານ, ຍິງ 7 ທ່ານ.
ໃນພິທີ ທ່ານ ຄຳຈັນ ແຈ່ມສະໜອນ ໄດ້ລາຍງານຄືນບັນດາວຽກງານຕ່າງໆທີ່ໄດ້ຈັດຕັ້ງປະຕິບັດໃນໄລຍະຜ່ານມາຊ່ວງທີ່ມາປະຈຳການດຳລົງຕຳແໜ່ງຫົວໜ້າຄະນະໂຄສະນາອົບຮົມແຂວງສາລະວັນຈົນຮອດປະຈຸບັນ ແລະ ພ້ອມທັງໄດ້ກ່າວມອບວຽກງານທີ່ກຳ ລັງຈັດຕັ້ງປະຕິ ບັດຄື:

1. ສືບຕໍ່ເຊືອມຊືມມະຕິ VIII ຂອງອົງຄະນະພັກແຂວງ, ມະຕິ X ຂອງສູນກາງພັກ, ຄໍາສັ່ງ, ຂໍ້ກໍານົດ, ກົດລະບຽບຂອງພັກ ແລະ ກົດໜາຍຂອງລັດໃຫ້ເລີກເຊyjງທົ່ວເຖິງເປົ້າໜາຍຕ່າງໆ ເພີ່ອສ້າງຄວາມຮັບຮູ້ເຂົ້າໃຈຕໍ່ແນວທາງ ແລະ ການນຳພາຂອງພັກ, ເປັນເຈົ້າການປົກປັກຮັກສາ ແລະ ພັດທະນາເສດຖະກິດ – ສັງຄົມຂອງແຂວງໃຫ້ປະກົດຜົນເປັນຈິງ.
2. ສືບຕໍ່ເປີດຮຽນກົດລະບຽບພັກປະຊາຊົນປະຕິວັດລາວໃຫ້ມະຫາຊົນກ້າວໜ້າ ເພື່ອຂະຫຍາຍເຂົ້າພັກ.
3. ສືບຕໍ່ກິດຈະກໍາຖາມ – ຕອບວິທະຍາສາດກ່ຽວກັບສອງວັນປະຫວັດສາດປີ 2015 ວັນສ້າງຕັ້ງພັກຄົບຮອບ 60 ປີ, ວັນສະຖາ ປານາຄົບຮອບ 40 ປີ.

ຈາກນັ້ນ; ທ່ານ ສີເຮັງ ຫອມສົມບັດ ກໍໄດ້ຂຶ້ນກ່າວຮັບເອົາໜ້າທີ່ອັນມີກຽດດັ່ງກ່າວ ພ້ອມກັນນັ້ນທັງສອງ ທ່ານ ກໍໄດ້ຂຶ້ນເຊັນບົດບັນທືກ ມອບ – ຮັບ ໜ້າທີ່ໂດຍຊ້ອງໜ້າປະທານ ແລະ ແຂກທີ່ເຂົ້າຮ່ວມກອງປະຊຸມ.

ຫຼັງຈາກນັ້ນ, ທ່ານ ບຸນທຽມ ແກ້ວໄຊຍະວົງ ຮອງເລຂາພັກແຂວງຫົວໜ້າຄະນະຈັດຕັ້ງແຂວງ ກໍໄດ້ໂອ້ລົມ ແລະ ມີຄຳເຫັນຕໍ່ກອງປະຊຸມ ແລະ ທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຄະນະໂຄສະນາອົບຮົມຍາດມາໄດ້ໃນໄລຍະຜ່ານມາ ເຊິ່ງມັນໄດ້ສະແດງເຖິງຄວາມເອົາໃຈໃສ່ ຊີ້ນຳ – ນຳພາຂອງ ຫົວໜ້າຄະນະໂຄສະນາອົບຮົມແຂວງ ( ຜູ້ເກົ່າ ) ໂດຍສະເພາະ ແມ່ນວຽກງານເປັນເສນາທີການໃຫ້ແກ່ການນຳຂອງແຂວງ ນອກຈາກນັ້ນ ທ່ານຍັງຮຽກຮ້ອງໃຫ້ຫົວໜ້າຄະນະໂຄສະນາອົບຮົມແຂວງ ( ຜູ້ໃໝ່ ) ຈົ່ງສືບຕໍ່ໍ ຊີ້ນຳ – ນຳພາວຽກງານການເມືອງ – ແນວຄິດໃຫ້ແກ່ພະນັກງານຫຼັກແຫຼ່ງພ້ອມດ້ວຍອ້າຍນ້ອງພະນັກງານ ນອກນັ້ນທ່ານຍັງຮຽກຮ້ອງໃຫ້ມີຄວາມສາ ມັກຄີເປັນປືກແຜ່ນໃນບັນດາພະນັກງານດ້ວຍກັນ ແລະ ພາຍນອກ ເປັນຕົ້ນ ແມ່ນການສົມທົບລະຫ່ວາງຫ້ອງການໂຄສະນາອົບຮົມເມືອງ ແລະ ຄະນະໂຄ ສະນາອົບຮົມແຂວງໃຫ້ມີຄວາມສະໜິດແໜ້ນ ແລະ ກົມກຽວຫຼາຍຂຶ້ນກວ່າເກົ່າ. ກອງປະຊຸມໄດ້ຊີ້ນສຸດລົງ ເວລາ 10:30 ໂມງຂອງວັນດຽວກັນ