ພິທີໂຮມຊຸມນຸມໃຫຍ່ ສະເຫຼີມສະຫຼອງ 60 ປີ ວັນສ້າງຕັ້ງພັກປະຊາຊົນ ປະຕິວັດລາວ 22 ມີນາ 1955 – 22 ມີນາ 2015 ທີ່ແຂວງ ສາລະວັນ, ວັນທີ 27 ມີນາ 2015

ຕອນເຊົ້າຂອງ ວັນທີ 27 ມີນາ 2015 ເວລາ 7: 30 ໂມງ ທີ່​ຜ່ານ​ມາ​ນີ້ ຢູ່ທີ່ສະ​ໂມ​ສອນ​ໂຮງ​ຮຽນວິ​ທະ​​ຍາ​ໄລ​ຄູແຂວງ ສາ​ລະ​ວັນ, ໄດ້​ຈັດພິ​ທີ​ໂຮມ​ຊຸມ​ນຸມ​ (ມິດ​ຕິງ) ຂັ້ນ​ແຂວງ ເນື່ອງ​ໃນ​ໂອ​ກາດ​​ສະ​ເຫຼີມ​ສະຫຼອງວັນ​ສ້າງ​ຕັ້ງພັກ​ປະ​ຊາ​ຊົນ​ປະ​ຕິ​ວັດລາວ ຄົບ​ຮອບ 60 ປີ 22 ມີນາ 1955 – 22 ມີນາ 2015 ໃຫ້​ກຽດ​​ຂຶ້ນເລົ່າ​ມູນ​ເຊື້ອ​ຂອງ​ພັກ​ປະ​ຊາ​ຊົນ​ປະ​ຕິ​ວັດ​ລາວ ໂດຍ​ ທ່ານ ຄຳ​ບຸ່ນ ດ້ວງ​ປັນ​ຍາ, ກຳ​ມະ​ການ​ສູນ​ກາງ​ພັກ, ເລ​ຂາ​ພັກ​ແຂວງ, ເຈົ້າ​ແຂວງໆ ສາ​ລະ​ວັນ. ພິ​ທີ​ໂຮມ​ຊຸມ​ນຸມ​ (ມິດ​ຕິງ) ຂັ້ນ​ແຂວງ ເນື່ອງ​ໃນ​ໂອ​ກາດ​​ສະ​ເຫຼີມ​ສະຫຼອງວັນ​ສ້າງ​ຕັ້ງພັກ​ປະ​ຊາ​ຊົນ​ປະ​ຕິ​ວັດ​ລາວ ຄົບ​ຮອບ 60 ປີ ​ຄັ້ງ​ນີ້, ​ມີ​ຄະ​ນະ​ປະຈຳ​ພັກ​ແຂວງ ແລະ ຄະ​ນະ​ກຳ​ມະ​ການ​ພັກ​ແຂວງ, ຫົວ​ໜ້າ​ພະ​ແນກ​ການ, ອົງ​ການ, ເຈົ້າ​ເມືອງ, ພະ​ນັກ​ງານ, ​ທະ​ຫານ​​ຕ່ຳຫຼວດ, ພະ​ນັກ​ງານ​ປະ​ຕິ​ວັດ​ອາ​ວຸ​ໂສບຳ​ນານ ແລະ ພະ​ນັກ​ງານ​ລັດ​ຖະ​ກອນ​ ພ້ອມ​ດ້ວຍ​ນັກ​ຮຽນ​ຮູ້​ປັນ​ຍາ​ຊົນ​ເຂົ້າ​ຮ່ວມ​ຢ່າງ​ພ້ອມ​ພຽງ ແລະ ເຕັມ​ໄປ​ດ້ວຍບັນ​ຍາ​ກາດຟົດ​ຟື້ນ. ເຊິ່ງ​ມີ​ຜູ້​ເຂົ້າ​ຮ່ວມ​ມິດ​ຕິງ​ຄັ້ງ​ນີ້​ຈຳນວນ 435 ທ່ານ, ຍິງ 182 ທ່ານ.