ພິທີສະເຫຼີມສະຫຼອງວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວ ຄົບຮອບ 60 ປີ

ຕອນບ່າຍ ຂອງວັນທີ 29ກໍລະກົດ 2015 ນີ້ ຢູ່ທີ່ສະໂມສອນໃຫ່ຍແຂວງສາລະວັນ ໄດ້ຈັດພິທີ ໂຮມຊຸມນຸມສະເຫຼີມສະຫຼອງ 60 ປີ ວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວ (20 ກໍລະກົດ1955 – 20 ກໍລະກົດ 2015). ໃຫ້ກຽດເຂົ້າຮ່ວມ ແລະ ເປັນປະທານ ໃນພິທີ ຄັ້ງນີ້ ໂດຍທ່ານ ສີສຸວັນ ວົງຈອມສີ ເລຂາພັກແຂວງສາລະວັນ; ມີບັນດາທ່ານຄະ ນະປະຈຳພັກແຂວງ, ຄະນະພະແນກການອອ້ມຂ້າງແຂວງ, ສະມາຊິກແມ່ຍິງ, ອາດິດການນຳສະຫາພັນແມ່ຍິງອ້ອມຂ້າງແຂວງ ແລະ ເມືອງ 8 ຕົວເມືອງ, ພະນັກງານບຳນານ, ເຂົ້າຮ່ວມຈໍານວນ 439 ສະຫາຍ, ຊາຍ 42 ສະຫາຍ. ທຳອິດ ທ່ານ ນາງ ບຸນທະວີ ດວງລາສີ ຄະນະປະຈຳພັກແຂວງ, ຄະນະບໍລິຫານງານສູນກາງສະຫະພັນແມ່ຍິງລາວ, ປະທານສະຫາ ພັນແມ່ຍິງແຂວງ ໄດ້ຂື້ນເລົ່າມູນເຊື້ອ, ປະຫວັດຄວາມເປັນມາ ແລະ ການເຄື່ອນໄຫວ ຂອງເອື້ອຍນ້ອງແມ່ຍິງ ໃນແຕ່ລະໄລຍະ ເພື່ອ ໃຫ້ຜູ້ເຂົ້າຮ່ວມຊຸມນຸມຮັບຊາບ. ຫຼັງຈາກນັ້ນ; ທ່ານ ສີສຸວັນ ວົງຈອມສີ ກໍ່ໄດ້ຂື້ນມີຄຳເຫັນໂອ້ລົມຕໍ່ພິທີດັ່ງກ່າວ ເຊິ່ງທ່ານໄດ້ສະ ແດງຄວາມຍ້ອງຍໍຊົມເຊີຍຕໍ່ຜົນງານ ແລະ ຜົນສຳເລັດ ທີ່ເອື້ອຍນ້ອງແມ່ຍິງແຂວງສາລະວັນຍາດມາໄດ້. ບໍ່ວ່າຢູ່ໃນສະໄໝຕໍ່ສູ້ກູ້ຊາດ ກໍ່ ຄືສະໄໝປົກປັກຮັກສາ ແລະພັດທະນາປະເທດຊາດ. ເຊິ່ງຍາມໃດແມ່ຍິງ ໄດ້ມີຄວາມຕັ້ງໜ້າບຸກບືນ, ຝືກຜົນຫຼໍ່ຫຼອມຕົນເອງ, ສ້າງ ຕົນເອງດີເດັ່ນ ໃນຂະບວນການວຽກງານຕົວຈິງ, ໄດ້ມີສາມາຊິກແມ່ຍິງຈໍານວນຫຼວງຫຼາຍໄດ້ຮັບການເລືອກເຟັ້ນເຂົ້າໃນອົງການ ການ ນຳພາຂອງພັກ – ລັດ ໃນກຳລັງປະກອບອາວຸດ, ໄດ້ຮັບຄວາມໄວ້ວາງໃຈນັບມື້ນັບຫຼາຍຂື້ນ. ຈາກຜົນງານ ແລະ ຜົນສຳເລັດຕ່າງໆ ກໍ່ຍັງມີຈຸດອ່ອນຂໍ້ຄົງຄ້າງບາງດ້ານ ໃນນັ້ນ ທ່ານ ກໍ່ຍັງຮຽກຮ້ອງມາຍັງຄະນະນຳຂອງພັກ-ລັດ, ເອື້ອຍນ້ອງແມ່ຍິງທຸກຊັ້ນຄົນຊາວ ແຂວງສາລະວັນ ເພື່ອສືບຕໍ່ເອົາໃຈໃສ່ ຕື່ມອີກ:

ຄະນະສະຫະພັນແມ່ຍິງທູກຂັ້ນ ກ່ອນອື່ນໝົດຈົ່ງສືບຕໍ່ປົກປັກຮັກສາ ແລະ ສືບທອດມູນເຊື້ອອັນດີງາມຂອງຊາດແລະຂອງແມ່ຍິງ ລາວ, ເສີມຂະຫຍາຍຜົນງານ ແລະ ທ່າແຮງບົ່ມຊ້ອນຂອງຕົນ ເພື່ອເຮັດສຳເລັດໜ້າທີ່ການ ເມືອງຂອງພັກ ແລະ ປະຊາຊົນມອບ ໝາຍໃຫ້, ປະກອບສ່ວນຢ່າງກົມກຽວເຂົ້າໃນການປົກປັກຮັກສາ ແລະ ສ້າງສາປະເທດຊາດກ້າວຂຶ້ນສູ່ຈຸດໝາຍສັງຄົມນິຍົມຢ່າງໜັກ ແໜ້ນ.
2 ຕັ້ງໜ້າສຶກສາອົບຮົມສະມາຊິກສະຫະພັນແມ່ຍິງ, ແມ່ຍິງລາວບັນດາເຜົ່າໃຫ້ມີຄຸນທາດການເມືອງໜັກແໜ້ນ, ມີຄຸນສົມບັດ
ສິນທຳປະຕິວັດ, ມີນໍ້າໃຈຮັກຊາດ, ຮັກລະບອບປະຊາທິປະໄຕ ປະຊາຊົນ, ຮັກກຽດສັກສີຂອງແມ່ຍິງລາວ, ຮູ້ປົກປັກຮັກສາ ແລະ ເສີມຂະຫຍາຍມູນເຊື້ອວັດທະນະທຳອັນດີງາມຂອງຊາດແລະຄຸນລັກສະນະທີ່ເປັນມູນເຊື້ອຂອງແມ່ຍິງລາວ.
3 ເປັນເຈົ້າການເຕົ້າໂຮມຄວາມສາມັກຄີ, ປຸກລະດົມແມ່ຍິງບັນດາເຜົ່າເຂົ້າຮ່ວມໃນການຈັດຕັ້ງປະຕິບັດແນວ ທາງນະໂຍບາຍ ຂອງພັກ, ລັດຖະທຳມະນູນ, ກົດໝາຍ, ແຜນພັດທະນາເສດຖະກິດ-ສັງຄົມ ເວົ້າສະເພາະ ການຈັດ ຕັ້ງປະຕິບັດແຜນພັດທະນາແມ່ ຍິງໃນແຕ່ລະໄລຍະ.
4 ສະຫະພັນແມ່ຍິງແຕ່ລະຂັ້ນ ຕ້ອງເອົາໃຈໃສ່ປັບປຸງການຈັດຕັ້ງຂອງຕົນໃຫ້ມີຄວາມໜັກແໜ້ນເຂັ້ມແຂງໃນທຸກດ້ານ, ຂະ ຫຍາຍສະມາຊິກໃຫ້ກວ້າງຂວາງ ກວມເອົາໝົດແມ່ຍິງໃນຕົວເມືອງ, ເຂດຊົນນະບົດ, ນັກຮຽນ, ນັກສຶກສາ ແມ່ຍິງທີ່ປະກອບອາຊີບ ໃນຂົງເຂດການຜະລິດ, ແມ່ຍິງທີ່ຢູ່ຕາມໂຮງງານ, ຫົວໜ່ວຍທຸລະກິດ, ແມ່ຍິງຊາວຄ້າຂາຍ ແນໃສ່ເຮັດໃຫ້ແມ່ຍິງທຸກສາຂາອາຊີບ ໄດ້ ເຂົ້າສັງກັດໃນການຈັດຕັ້ງເພື່ອເຕົ້າໂຮມກຳລັງແຮງດ້ານກຳລັງກາຍ, ກຳລັງໃຈ ແລະ ສະຕິປັນຍາຂອງແມ່ຍິງເຂົ້າຮ່ວມຈັດຕັ້ງປະຕິບັດ ສອງໜ້າທີ່ຍຸດທະສາດຂອງພັກຄື: ປົກປັກຮັກສາ ແລະ ສ້າງສາພັດທະນາປະເທດຊາດ ເວົ້າລວມ-ເວົ້າສະເພາະການປະຕິບັດແຜນພັດ ທະນາແມ່ຍິງໃຫ້ບັນລຸຕາມຄາດໝາຍ.
5 ໃນຍຸກແຫ່ງຂໍ້ມູນຂ່າວສານ, ຍຸກແຫ່ງການເຊື່ອມໂຍງທີ່ມີທັງສິ່ງທີ່ເປັນກາລະໂອກາດ ແລະ ສິ່ງທ້າທາຍນັ້ນ ສະມາຊິກພັກ
ແມ່ຍິງໃນຖານະຜູ້ເປັນແມ່, ເປັນປ້າ, ເປັນນ້າອາ, ເປັນເອື້ອຍທີ່ມີຄວາມຮັບຜິດຊອບຕໍ່ລູກຫຼານໃນຄອບຄົວແມ່ນຕ້ອງໄດ້ເອົາໃຈໃສ່ສຶກ ສາອົບຮົມຄົນຮຸ່ນໜຸ່ມທັງຍິງ-ຊາຍ,ໃນດ້ານຄຸນສົມບັດ,ກິລິຍາ, ມາລະຍາດ, ແບບແຜນກຳລົງຊີວິດ, ດຸໝັ່ນໃນການສຶກສາຮໍ່າຮຽນ, ແຂ່ງຂັນກັນເປັນພົນລະເມືອງດີ, ເປັນລູກທີ່ດີຂອງພໍ່ແມ່, ເປັນນັກຮຽນທີ່ຮຽນ​ເກັ່ງ, ​ມີ​ວິ​ໄນ​ດີຂອງຄູ, ອາຈານແນໃສ່ເຮັດໃຫ້ລູກຫຼານທັງຍິງ-ຊາຍ ກາຍເປັນຜູ້ສືບທອດທີ່ດີຂອງຄອບຄົວກໍ່ຄືປະເທດຊາດ.
6 ຄະນະພັກ, ອົງການປົກຄອງ, ອົງການຈັດຕັ້ງແນວລາວສ້າງຊາດ ແລະ ອົງການຈັດຕັ້ງມະຫາຊົນ ຕ້ອງສືບຕໍ່ສ້າງເງື່ອນໄຂອຳ ນວຍຄວາມສະດວກໃນການພັດທະນາ,ການປົກປ້ອງສິດຜົນປະໂຫຍດອັນຊອບທຳຂອງແມ່ຍິງ ເພື່ອສ້າງຄວາມເຂັ້ມແຂງ, ຄວາມກ້າວໜ້າຂອງແມ່ຍິງ ແລະ ສົ່ງເສີມຄວາມສະເໝີພາບຍິງ-ຊາຍໃນທຸກດ້ານ, ສົ່ງເສີມໃຫ້ແມ່ຍິງຜູ້ ມີມາດຖານເງື່ອນໄຂຄົບຖ້ວນ ເປັນຜູ້ນຳພາ-ຄຸ້ມຄອງ ແລະ ຕັດສິນບັນຫາຢູ່ແຕ່ລະຂັ້ນ, ແຕ່ລະຂົງເຂດໃຫ້ຫຼາຍຂຶ້ນ, ພ້ອມກັນນີ້ກໍ່ເອົາໃຈໃສ່ສ້າງເງື່ອນໄຂໃຫ້ສະຫະ ພັນແມ່ຍິງໄດ້ເຄື່ອນໄຫວຕາມພາລະບົດບາດ, ສິດໜ້າທີ່ ທີ່ໄດ້ກໍານົດໃນ ກົດລະບຽບ ແລະ ກົດໝາຍວ່າດ້ວຍສະຫະພັນແມ່ຍິງລາວ ໃນການປະຕິບັດແນວທາງແຜນນະໂຍບາຍຂອງພັກ, ລັດຖະທຳມະນູນ, ກົດໝາຍ, ແຜນພັດທະນາເສດຖະກິດ-ສັງຄົມ ເວົ້າລວມ-ເວົ້າສະເພາະແຜນພັດທະນາແມ່ຍິງ​ແຂວງ.
7 ເພີ່ມທະວີການພົວພັນຮ່ວມມືກັບອົງການຈັດຕັ້ງແມ່ຍິງຂອງບັນດາປະເທດເພື່ອນມິດຍຸດທະສາດ, ປະເທດເພື່ອນມິດ, ບັນ ດາປະເທດອາຊຽນ ແລະອົງການຈັດຕັ້ງສາກົນ ເພື່ອຍາດແຍ່ງທຶນຮອນປະສົບການ ແລະບົດຮຽນມາພັດທະນາປະເທດຊາດ ກໍ່ຄືພັດທະນາແມ່ຍິງລາວຕາມແນວທາງນະໂຍບາຍການຕ່າງປະເທດຂອງພັກເຮົາ.
ພິທີດັ່ງກ່າວ ໄດ້ດຳເນີນມາດ້ວຍບັນຍາກາດຟົດຟຶນ ແລະ ອັດລົງໃນເວລາ 15:30 ໂມງ ຂອງວັນດຽວກັນ.