ພິທີປະກາດການແຕ່ງຕັ້ງ ຫົວໜ້າຜູ້ປະສານງານກອງທຶນຫຼຸດຜ່ອນຄວາມທຸກຍາກ ແຂວງສາລະວັນ

ໂດຍປະຕິບັດຕາມຂໍ້ຕົກລົງຂອງທ່ານ ເຈົ້າແຂວງໆສາລະວັນ ສະບັບເລກທີ 257/ຈຂ.ສວ, ລົງວັນທີ 15/05/2015 ວ່າ ດ້ວຍ: ການແຕ່ງຕັ້ງຜູ້ປະສານງານກອງທຶນຫຼຸດຜ່ອນຄວາມທຸກຍາກແຂວງ ສາລະວັນ.
ເວລາ 9: 30 ​ໂມງ ຂອງວັນທີ 18 ພຶດສາ​ພາ 2015 ຢູ່ທີ່​ຫ້ອງ​ປະຊຸມ​ຊັ້ນ III ຂອງຫ້ອງ​ວ່າການ​ປົກຄອງ​ແຂວງ ສາລະ​ວັນ ​ໄດ້​ຈັດພິທີ ປະກາດການແຕ່ງຕັ້ງ ຜູ້ປະສານງານໂຄງການກອງທຶນຫຼຸດຜ່ອນຄວາມທຸກຍາກແຂວງ ສາລະວັນ ຄົນໃໝ່ ໂດຍແມ່ນ ທ່ານ ບົວຜັນ ສິນລະປະກິດ. ເຊິ່ງຍ້າຍມາຈາກຫ້ອງວ່າການປົກຄອງແຂວງ ສາລະວັນ. ພິທີຄັ້ງນີ້ ໃຫ້ກຽດ ເຂົ້າຮ່ວມ ແລະ ເປັນປະທານຂອງ ທ່ານ ສີເຮັງ ຫອມສົມບັດ, ກຳມະການປະຈຳພັກແຂວງ, (ຜູ້ຊີ້ນຳວຽກງານ ເສດຖະກິດ), ມີຜູ້ເຂົ້າຮ່ວມມາຈາກ ຫ້ອງວ່າການປົກຄອງແຂວງ, ຄະນະຈັດຕັ້ງແຂວງ, ພະແນກການ, ອົງການທຽບເທົ່າ ອ້ອມຂ້າງແຂວງ ແລະ ເມືອງ ​ເຂົ້າ​ຮ່ວມ ​ໃນ​ຈຳນວນ 22 ທ່ານ, ຍິງ 01 ທ່ານ.
ໃນພິທີ ໄດ້ຮັບຟັງ ທ່ານ ສຸກສະໝອນ ສີສຸວົງ ວ່າການຜູ້ປະສານງານ ທລຍ ຜ່ານບົດສະຫຼຸບການຈັດຕັ້ງປະຕິບັດວຽກ ງານ ທລຍ ໄລຍະ 1 ປີຜ່ານມາ 2013 – 2014 ແລະ ທິດທາງແຜນການຈັດຕັ້ງປະຕິ ບັດໜ້າທີ່ວຽກງານ 2014 – 2015 ແລະ ໄດ້ຮັບຟັງ ຂໍ້ຕົກລົງ ເຈົ້າແຂວງໆ ສາລະວັນ ວ່າດ້ວຍ: ການແຕ່ງຕັ້ງຜູ້ປະສານງານ ກອງທຶນຫຼຸດຜ່ອນຄວາມທຸກຍາກ ແຂວງ ສາລະວັນ ຈາກຄະນະຈັດຕັ້ງແຂວງ.
ຕອນ​ທ້າຍ ທ່ານ ສີເຮັງ ຫອມສົມບັດ, ກຳມະການປະຈຳພັກແຂວງ, ຜູ້ຊີ້ນຳວຽກ ທລຍ ແຂວງ ສາ​ລະ​ວັນ ກໍໄດ້ ໃຫ້ຄຳເຫັນ ແລະ ຍ້ອງຍໍຊົມເຊີຍ ຫົວໜ້າຜູ້ປະສານງານກອງທຶນຫຼຸດຜ່ອນຄວາມທຸກຍາກ ຜູ້ເກົ່າ, ພ້ອມດ້ວຍພະນັກງານ ໃນການຈັດຕັ້ງປະຕິບັດໜ້າທີ່ວຽກງານໃນໄລຍະຜ່ານມາ. ພ້ອມນັ້ນ; ກໍຍັງໃຫ້ຄຳໂອວາດຕໍ່ຜູ້ທີ່ໄດ້ຮັບຕຳແໜ່ງໃໝ່ (ຫົວ ໜ້າ ຜູ້ປະສານງານໂຄງການ ທລຍ ຜູ້ໃໝ່). ໃຫ້ເອົາໃຈໃສ່ຈັດຕັ້