ພະແນກວິທະຍາສາດ ແລະ ເຕັກໂນໂລຊີ ແຂວງ ສາລະວັນ ເປີດຊຸດຝືກອົບຮົມ ຫົວຂໍ້ “ການນຳໃຊ້ ແລະ ຄຸ້ມຄອງເວັບໄຊ ດ້ວຍ word press ຂອງພະແນກການ ແລະ ເມືອງ”.

ໃນ​ລະຫວ່າງ​ວັນ​ທີ 5-6 ກັນຍາ 2018 ທີ່​ຜ່ານ​ມານີ້, ທີ່ຫ້ອງປະຊູມ ພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ, ໄດ້ໄຂຊຸດຝຶກອົບຮົມຫົວ​ຂໍ້ “ ການນຳໃຊ້ ແລະ ຄຸ້ມຄອງເວັບໄຊ ດ້ວຍ word press ຂອງ​ພະ​ແນ​ກການ ​ແລະ ​ເມືອງ” ໂດຍການເປັນປະທານຂອງ ທ່ານ  ແຫວນເພັດ ລັດດາວົງ ກໍາມະການພັກແຂວງ, ຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງ ສາລະວັນ, ມີບັນດານັກສຳມະນາກອນຈາກ 5 ຕົວເມືອງ ແລະ ພະແນກການອ້ອມຂ້າງແຂວງ ​ເຂົ້າຮ່ວມ ລວມທັງໝົດ 30 ທ່ານ.
ຈຸດປະສົງ​ຂອງການຝຶກອົບຮົມໃນຄັ້ງນີ້, ແມ່ນເພື່ອສ້າງຄວາມຮູ້ – ຄວາມເຂົ້າໃຈ ກ່ຽວກັບການຄຸ້ມຄອງ ເວັບໄຊ ດ້ວຍ word press ໃຫ້​ແກ່ພະນັກງານລັດຖະກອນທີ່​ເຮັດ​ວຽກ​ງານ​ໄອ​ທີ (IT) ທາງດ້ານເຕັກນິກ ການນຳໃຊ້ເຕັກໂນໂລຊີຂໍ້ມູນ – ຂ່າວສານ  ພ້ອມ​ກັນນັ້ນ, ກໍ​ເພື່ອ​ຮັບຟັງການສະເໜີຄວາມຄິດ​ເຫັນ, ​ແລກປ່ຽນ​ຄວາມຮູ້ຂອງ​ບັນ​ດາ​ນັກ​ສຳນາກອນ​ດ້ວຍ​ກັນ, ​ເພື່ອ​ສ້​າງຄວາມ​ເປັນ​ເອກະ​ພາບ​ກັນ​ໃນ​ຂອບ​ເຂດ​ທົ່ວ​ແຂວງ(ພະ​ແນ​ກການ ​ແລະ ​ເມືອງ) ​ແລະ ​ເຮັດ​ໃຫ້​ວຽກ​ງານ​ຂໍ້​ມູນ – ຂ່າວ ສານ​ຂອງ​ແຂວງ ​ໄດ້​ຮັບ​ການ​ພັດທະນາ​ໃຫ້​ດີ​ຂຶ້ນ, ​ເຮັດ​ໃຫ້ການໂຄສະນາເຜີຍແຜ່ວຽກ​ງານ ​ແລະ ການ ເຄື່ອນໄຫວຕ່າງໆ ຂອງ​ການ​ນຳຂອງ​ແຂວງ, ການ​ພັດທະນາ​​ເສດຖະກິດ – ສັງຄົມພາຍໃນແຂວງ, ການດຶງ​ດູດ​ການ​ລົງທຶນ ສາມາດຜ່ານລະ ບົບ (ເວັບໄຊ) ຫຼື ສື່ອອນໄລ ກ້າວ​ໄປ​ສູ່​ກາ​ນຫັນ​ເປັນ​ທັນ​ສະ​ໄໝ​ເທື່ອ​ລະ​ກ້າວ.