ພະແນກວິທະຍາສາດ ແລະເຕັກໂນໂລຊີແຂວງ ຕ້ອນຮັບ ການມາເຄື່ອນໄຫວເຮັດວຽກ ຂອງທ່ານ ລັດຖະມົນຕີວ່າການກະຊວງວິທະຍາສາດ ແລະ ເຕັກໂນໂລຊີ

ໃນຕອນເຊົ້າຂອງວັນທີ 02 ມີນາ 2015, ພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ໄດ້ຈັດກອງປະຊຸມຂື້ນ ເພື່ອເປັນການຕ້ອນຮັບການລົງມາ​ເຄື່ອນ​ໄຫວຢ້ຽມຢາມ ແລະ ເຮັດວຽກຂອງຄະນະນຳຂັ້ນສູງ ກະຊວງວິທະຍາສາດ ແລະ ເຕັກໂນໂລຊີ ​ເຊິ່ງນຳໂດຍ ທ່ານ ບັນດິດ ສ.ຈ ດຣ ບໍ່ວຽງຄໍາ ວົງດາລາ ລັດຖະມົນຕີວ່າການ ກະຊວງວິທະຍາ ສາດ ແລະ ເຕັກໂນໂລຊີ. ຈຸດປະສົງຂອງການເດີນທາງມາເຄື່ອນໄຫວ​ເຮັດວຽກຄັ້ງນີ້, ​ແມ່ນເພື່ອຊຸກຍູ້, ຕິດຕາມ ​ແລະ ເກັບກຳສະພາບການຕົວຈິງກ່ຽວກັບ: ການຈັດຕັ້ງປະຕິບັດວຽກງານ ວິທະຍາສາດ ແລະ ເຕັກ ໂນໂລຊີ ຂອງແຂວງສາລະວັນ. ​ໃນ​ນັ້ນ; ທ່ານ ສີສຸດອນ ອັງຄະໄລ ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ໄດ້ລາຍງານຜົນການຈັດຕັ້ງປະຕິບັດວຽກງານ ວິທະຍາສາດ ແລະ ເຕັກໂນໂລຊີຂອງ​ແຂວງ ໃນໄລຍະຜ່ານມາ ແລະ ຜ່ານການລາຍງານ ສາມາດເຫັນໄດ້ວຽກງານທີ່ພົ້ນເດັ່ນ ເປັນຕົ້ນ: ວຽກງານເຕັກໂນໂລຊີ ຂໍ້ມູນຂ່າວສານ, ວຽກງານ ຊັບສິນທາງປັນຍາ ມາດຕະຖານ ແລະ ວັດແທກ.

ເພື່ອເຮັດໃຫ້ກອງປະຊຸມມີເນື້ອໃນຄວາມໝາຍຄວາມສຳຄັນໜັກແໜ້ນຂື້ນຕື່ມ ທ່ານ ລັດຖະມົນຕີ ວ່າການກະ ຊວງວິທະຍາສາດ ແລະ ເຕັກໂນໂລຊີ ກໍ່ໄດ້ໃຫ້ກຽດມີຄໍາເຫັນ ແລະ ໃຫ້ ຄໍາໂອວາດ ຕໍ່ກັບວຽກງານວິທະຍາສາດ ແລະ ເຕັກໂນໂລຊີໃນຕໍ່ໜ້າ, ໂດຍລົງເລິກກ່ຽວກັບການຈັດຕັ້ງປະຕິບັດ 6 ແຜນງານໃຫຍ່ ໃນການພັດທະນາວຽກງານວິທະ ຍາສາດ ແລະ ເຕັກ ໂນໂລຊີ ຂອງກະຊວງວິທະຍາສາດ ແລະເຕັກໂນໂລຊີ ວາງອອກ. ນອກຈາກ​ນັ້ນ,ທ່ານກໍ່​ຍັງ​ມອບ​​​ຄອມ​ພີ​ວ​ເຕີ ຈຳນວນ 2 ຊຸດໃຫ້​ພະ​ແນ​ກວິທະຍາສາດ ​ແລະ​ເຕັກ​ໂນ​ໂລ​ຊີ​ແຂວງຕື່ມ​ອີກ.