ປາຖະກະຖາ ລະນຶກວັນຄ້າຍວັນເກີດຂອງທ່ານ ສຸພານຸວົງ ຄົບຮອບ 109 ປີ (13/7/1909 – 13/7/2018) ແລະ ເຊັນສົນທິສັນຍາມິດຕະພາບ ແລະ ການຮ່ວມມື ລາວ-ຫວຽດນາມ ຄົບຮອບ 41 ປີ (18/7/1911 – 18/7/2018 ).

ຕອນ​ເຊົ້າ ຂອງວັນທີ 24 ກໍລະກົດ 2018 ທີ່​ຜ່ານ​ມາ, ຄະນະໂຄສະນາອົບຮົມແຂວງສາລະວັນ ໄດ້ຈັດພິທີປະຖະກະຖາ ລະນຶກວັນຄ້າຍວັນເກີດ ຂອງທ່ານ ປະທານ ສຸພານຸວົງ ຄົບຮອບ 109 ປີ(13/7/1909 – 13/7/2018)  ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມື ລາວ – ຫວຽດນາມ

ຄົບຮອບ 41 ປີ(18/7/1911 – 18/7/2018 ) ຂຶ້ນຢູ່ທີ່ສະໂມສອນ​ໃຫ່ຍຂອງແຂວງ,  ໃຫ້ກຽດເປັນປະທານ ​ແລະ ບັນຍາຍໂດຍ ທ່ານ ປທ ສີເຮັງ ຫອມສົມບັດ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ, ມີຄະນະ​ນຳ​ພະ​ແນ​ກການ – ອົງການທຽບເທົ່າ, ພະນັກງານ​ – ສະມາຊິກພັກ, ທະຫານ, ຕໍາຫຼວດເຂົ້າຮ່ວມທັງໝົດ 235 ຄົນ, ຍິງ 50 ຄົນ.

        ໃນພິທີ ທ່ານ ປທ ສີເຮັ່ງ ຫອມສົມບັດ  ກໍໄດ້ເລົ່າຄືນ ມູນເຊື້ອ ວິລະກຳອັນລໍ້າເລີດ ແລະ ຍີ່ງໃຫຍ່ ທ່ານປະທານ ສຸພານຸວົງ ຜູ້ນໍາທີ່ແສນເຄົາລົບຮັກ ເຊີ່ງຍາມໃດກໍມີຄວາມມຸ້ງມາດປາດຖະໜາສຸມທຸກຄວາມອາດສາມາດຂອງຕົນ ເຂົ້າໃນການຊີ້ນຳ – ນໍາພາ ພາລະກິດຕໍ່ສູ້ປົດປ່ອຍຊາດ, ປົດປ່ອຍປະຊາຊົນອອກຈາກແອກປົກຄອງ ແລະ ການກົດຂີ່ຂູດຮີດຂອງພວກລ່າເມືອງຂື້ນທັງແບບເກົ່າ, ແບບໄໝ່ ແລະ ພວກສັກດີນາຂາຍຊາດ  ເພື່ອນໍາພາປະຊາຊົນບັນດາເຜົ່າທັງຊາດກ້າວຂື້ນສູ່ສັງຄົມນິຍົມ ກໍຄືຄວາມຫວັງສຸດທ້າຍໃນການສ້າງປະເທດໃຫ້ຈະເລີນຮຸ່ງເຮືອງ, ປະຊາຊົນຮັ່ງມີຜາສຸກ, ສັງຄົມມີຄວາມສີວິໄລ, ຍຸຕິທຳ.  ພ້ອມທັງເລົ່າຄືນການເຊັນສັນຍາມິດຕະພາບ ແລະ ການຮ່ວມມື ລາວ – ຫວຽດນາມ, ທີ່ທັງ 2 ປະເທດໄດ້ໃຫ້ສັນຍາວ່າ ຈະຮ່ວມມືກັນໃນທຸກດ້ານ ເພື່ອຮ່ວມກັນພັດທະນາ ແລະ ສ້າງສາປະເທດໃຫ້ຈະເລີນຮຸ່ງເຮືອງໄປພ້ອມກັນ. ທັງ​ນີ້, ກໍ​ເພື່ອເສີມ​ຂະຫຍາຍ​ມູນ​ເຊື້ອ​ອັນ​ດີງາມ ​ແຫ່ງ​ສາຍ​ພົວພັນ ມິດຕະພາບ, ຄວາມ​ສາມັກຄີ​ແບບ​ພິ​ເສດ ​ແລະ ​ການ​ຮ່ວມ​ມື​ຮອບດ້ານ ທີ່​ມີ​ມາ​ແຕ່​ດົນ​ນານ​ ​ໂດຍ​ການ​ສືບ​ທອດ​ມູນ​ເຊື້ອ​ຂອງ​ປະທານ ​ໂຮ່ຈີ​ມິນ ​ແລະ ປະທານ​ໄກສອນ ພົມວິຫານ, ປະທານ​ສຸພາ​ນຸວົງ ຜູ່​ນຳ​ທີ່​ແສນ​ເຄົາລົບ​ຮັກ​ຂອງ​ພວກ​ເຮົາ​ສອງ​ຊາດ​ ໃຫ້​ຈະ​ເລີ​ນງອກ​ງາມ ​ແລະ ໝັ້ນຄົງ​ທະ​ນົງ​ແກ່ນ​ຕະຫຼອດ​ໄປ .