ນ້ຳຕົກຕາດເທວະດາ (ຕາດຕະຫຼຸຍ)

ນ້ຳຕົກຕາດເທວະດາ ເກີດມາຈາກຫ້ວຍນ້ຳໃສ, ບ້ານຫາງພູນ້ອຍ, ເມືອງສາລະວັນ, ຫ່າງຈາກທາງເລກທີ່ 20 ປະມານ 19 ກິໂລແມັດ ແລະ ຫ່າງຈາກເທດສະບານເມືອງ 35 ກິໂລແມັດ. ນໍ້າຕົກຕາດເທວະດາ ມີຊື່ເດີມວ່າ: ນໍ້າຕົກຕາດຕະຫຼຸຍ ຕາມເຖົ້າແກ່ພາຍໃນບ້ານ ໄດ້ເລົ່າສູ່ກັນຟັງວ່າ: ໃນບໍລິເວນດ້ານລຸ່ມ ຂອງນ້ຳຕົກຕາດ ໄດ້ມີພະພຸດທະຮູບສະຖິດ ຢູ່ໃນຖ້ຳກ້ອງນ້ຳຕົກ ແຕ່ລະປີພໍຮອດເດືອນຫ້າ ປະຊາຊົນພາຍໃນບ້ານ ຈັດຕັ້ງບຸນ ແລະ ພາກັນມາຫົດສົງພະ, ໃນບໍລິເວນຕໍ່ໜ້ານ້ຳຕົກຕາດ ຍັງມີຫີນຕັ້ງມີຮູບລັກສະນະ ຄ້າຍກັບພົມສີ່ໜ້າ (ໃນສາດສະໜາຮິນດູ) ໃນອະດີດມີສອງອັນ ແລະ ໃນປະຈຸບັນ ເຫຼືອພຽງອັນດຽວ ຍ້ອນຖືກລະເບີດຍົນສະໄໝສົງຄາມ. ຕໍ່ມາໃນປີ 2008 ນັກທຸລະກິດເຂົ້າມາ ສຳປະທານເຂດດັ່ງກ່າວ ແລະ ເຫັນວ່ານ້ຳຕົກຕາດ ມີຄວາມສວຍງາມ ແລະ ອຸດົມສົມບູນໄປດ້ວຍ ຊັບພະຍາກອນທຳມະຊາດ ແລະ ມີຫີນພົມສີ່ໜ້າ ຈຶ່ງໄດ້ປ່ຽນຊື່ຕາດຕະຫຼຸຍ ມາເປັນຕາດເທວະດາ ເທົ້າທຸກວັນນີ້.

ແຫລ່ງ: ອົງການພັດທະນາການທ່ອງທ່ຽວ