ທ່ານ ໄຊຍະເດດ ວົງສາລະວັນ ຫົວໜ້າ ພະແນກແຜນການ ແລະ ການລົງທຶນແຂວງ ພ້ອມດ້ວຍຄະນະ ແລະ ພະນັກງານ – ລັດຖະກອນ ເຂົ້າອວຍພອນ ທ່ານ ສີສຸວັນ ວົງຈອມສີ ເລຂາຄະນະບໍລິຫານງານພັກແຂວງ, ເຈົ້າແຂວງໆ ສາລະວັນ

ຕອນບ່າຍຂອງວັນທີ 23 ທັນວາ 2015 ເວລາ 2 : 30 ໂມງ ທີ່ຜ່ານມານີ້, ຢູ່ຫ້ອງ 207 ຂອງຫ້ອງວ່າການປົກຄອງແຂວງ ສາລະວັນ ທ່ານ ໄຊຍະເດດ ວົງສາລະວັນ ກຳມະການພັກແຂວງ, ຫົວໜ້າ ພະແນກແຜນການ ແລະການລົງທຶນແຂວງສາລະວັນ ພ້ອມດ້ວຍຄະນະ ແລະ ພະນັກງານ – ລັດຖະກອນ ພາຍໃນພະແນກ ຈຳນວນໜຶ່ງໄດ້ ນໍາກະຕ່າດອກໄມ້ມາອວຍພອນທ່ານ ສີສຸວັນວົງຈອມສີ ເລຂາຄະນະບໍລິຫານງານພັກແຂວງ, ເຈົ້າແຂວງໆ ສາລະວັນ ເນື່ອງໃນໂອກາດວັນສະຖາປະນາ ສປປ ລາວ ຄົບຮອບ 40 ປີ ແລະ ວັນຄ້າຍວັນເກີດຂອງ ປະທານ ໄກສອນ ພົມວິຫານ ຄົບຮອບ 95 ປີ, ຫຼັງຈາກນັ້ນ ທ່ານ ສີສຸວັນ ວົງຈອມສີ ເລຂາຄະນະບໍລິຫານງານພັກແຂວງ, ເຈົ້າແຂວງໆ ສາລະວັນ ກໍໄດ້ໂອ້ລົມຊັກຖາມເຊິງກັນ ແລະ ກັນ ເຖິງຫຼາຍບັນຫາດ້ວຍຄວາມອົບອຸ່ນ.

ຕອນທ້າຍ ທ່ານ ສີສຸວັນ ວົງຈອມສີ ເລຂາຄະນະບໍລິຫານງານພັກແຂວງ, ເຈົ້າແຂວງໆ ສາລະວັນ ກໍໄດ້ສະ ແດງຄວາມຂອບອົກຂອບໃຈມາຍັງ ທ່ານ ໄຊຍະເດດ ວົງສາລະວັນ ກຳມະການພັກແຂວງ, ຫົວໜ້າ ພະແນກແຜນການ ແລະ ການລົງທຶນແຂວງ ສາລະວັນ ພ້ອມດ້ວຍຄະນະ ແລະ ພະນັກງານ – ລັດຖະກອນທີ່ມາອ່ວຍພອນເທື່ອນີ້ ແລະ ໄດ້ໂອ້ລົມມີຄຳເຫັນ ເພື່ອນຳໄປຈັດຕັ້ງປະຕິບັດໜ້າທີ່ວຽກງານໃນຕໍ່ໜ້າ.