ທ່ານ ເລຂາພັກແຂວງ, ເຈົ້າແຂວງໆ ສາລະວັນ ຕ້ອນຮັບ ການມາພົບປະ ແລະ ຢ້ຽມຢາມຂອງ ທ່ານ ຮສ, ດຣ ຄຳພາດ ສຸລິນພຸມມີ ລັດຖະມົນຕີຊ່ວຍວ່າການ ກະຊວງກະສິກຳ ແລະ ປ່າໄມ້ ພ້ອມກັບ ບໍລິສັດ ເກີໂຈປ໋າ ( ສປ ຈີນ )

ເວລາ 15: 30 ໂມງ ຂອງວັນທີ 07 ຕຸລາ 2015 ທ່ານ ຮສ, ດຣ ຄຳພາດ ສຸລິນພຸມມີ ລັດຖະມົນຕີຊ່ວຍວ່າການກະ ຊວງກະສິກຳ ແລະ ປ່າໄມ້ ແລະ ທ່ານ ວິລະກອນ ວໍລະສານ ຮອງຫົວໜ້າກົມຊົນລະປະທານ, ບໍລິສັດ ເກີໂຈປ໋າ ( ສປ ຈີນ ) ພ້ອມດ້ວຍຄະນະທິມງານວິຊາການ ໄດ້ເຂົ້າພົບ ທ່ານ ສີສຸວັນ ວົງຈອມສີ ເລຂາພັກແຂວງ, ເຈົ້າແຂວງໆ ສາລະວັນ ທີ່ຫ້ອງຮັບແຂກຂອງຫ້ອງວ່າການປົກຄອງແຂວງ ສາລະວັນ. ການມາພົບປະຂອງ ທ່ານ ຮສ, ດຣ ຄຳພາດ ສຸລິນພຸມມີ ລັດຖະມົນຕີຊ່ວຍວ່າການ ກະຊວງກະສິກຳ ແລະ ປ່າໄມ້ ແລະ ທ່ານ ວິລະກອນ ວໍລະສານ ຮອງຫົວໜ້າກົມຊົນລະປະທານ ພ້ອມກັບ ບໍລິສັດ ເກີໂຈປ໋າ ( ສປ ຈີນ ) ຄັ້ງນີ້, ມີຈຸດປະສົງ ເພື່ອລາຍງານການລົງເຄື່ອນໄຫວເຮັດວຽກໃນແຕ່ລະເມືອງກ່ຽວກັບການພັດທະນາສົ່ງເສີມການຜະລິດ ແລະ ພັດທະນາຊົນ ລະປະທານ, ບໍລິສັດ ເກີໂຈປ໋າ ກໍໄດ້ມອບກະຕ່າດອກໄມ້ ແລະ ສະເໜີຈຸດປະສົງເຈດຈຳນົງຕໍ່ທ່ານເຈົ້າແຂວງ ແລະ ທ່ານລັດຖະມົນຕີຊ່ວຍວ່າການ ກະຊວງກະສິກຳ ແລະ ປ່າໄມ້ ກ່ຽວກັບການສຳຫຼວດເບິ່ງເນື້ອທີ່ຕ່າງໆບ່ອນທີ່ມີຄວາມເໝາະສົມໃນການພັດທະນາທຳການຜະລິດ ແລະ ບ່ອນທີ່ສຳຫຼວດການກໍ່ສ້າງຊົນລະປະທານເຊລະນອງ ເມືອງ ຕະໂອ້ຍ ແຂວງ ສາລະວັນ, ຫຼັງຈາກທີ່ໄດ້ຮັບຟັງການລາຍງານຂອງ ບໍລິສັດ ເກີໂຈປ໋າ ແລ້ວ, ທ່ານ ສີສຸວັນ ວົງຈອມສີ ເລຂາພັກແຂວງ, ເຈົ້າແຂວງໆ ສາລະວັນ ກໍໄດ້ສະແດງຄວາມຂອບໃຈ ທີ່ບໍລິສັດດັ່ງກ່າວ ຈະມາພັດທະນາສົ່ງເສີມການຜະລິດໃຫ້ປະຊາຊົນຊາວແຂວງ ສາລະວັນ, ກ່ຽວກັບການລົງມືກໍ່ສ້າງແມ່ນຍັງບໍ່ທັນໄດ້ເນື່ອງຈາກວ່າ ສະພາແຫ່ງຊາດ ຍັງບໍ່ໄດ້ທັນຮັບຮອງ, ສຳລັບການລົງສຳຫຼວດ ແມ່ນເຫັນດີໃຫ້ບໍລິສັດດຳເນີນການ, ທາງແຂວງ ແລະ ກະຊວງກະສິກຳ ແລະ ປ່າໄມ້ ຈະນຳສະເໜີຕໍ່ລັດຖະບານ ເພື່ອພິຈາ ລະນາຄົ້ນຄ້ວາ ແລະ ຮັບຮອງອະນຸມັດກໍ່ສ້າງ. ພ້ອມດຽວກັນນັ້ນ ທ່ານ ຮສ, ດຣ ຄຳພາດ ສຸລິນພຸມມີ ລັດຖະມົນຕີຊ່ວຍ ວ່າການ ກະຊວງກະສິກຳ ແລະ ປ່າໄມ້ ໄດ້ສະເໜີ ແລະ ມີຄຳເຫັນໃຫ້ ບໍລິສັດ ເກີໂຈປ໋າ ( ສປຈີນ ) ໃຫ້ສຶກສາເບິ່ງພູມສັນ ຖານ, ພື້ນຖານໂຄ່ງລ່າງ ແລະ ງົບປະມານຊອກຫາແຫຼ່ງທຶນ, ໃຫ້ບໍລິສັດເປັນຜູ້ສຳປະທານເລີຍໂດຍການນຳໃຊ້ກົນຈັກທີ່ທັນສະໄໝໃນການທຳການຜະລິດປູກຝັງ, ລ້ຽງສັດ, ຊອກແນວພັນພືດຕ່າງໆທີ່ມີຄວາມເໝາະສົມກັບດິນຟ້າອາກາດ ແລະ ສະ ຖານທີ່, ຕ້ອງມີການຊຸກຍູ້ພັດທະນາສົ່ງເສີມໃຫ້ປະຊາຊົນໄດ້ທຳການຜະລິດຕະຫຼອດ ຫຼື ມີຕະຫຼາດຮັບຊື້ ເພື່ອສົ່ງອອກ.
ພາຍຫຼັງທີ່ ໄດ້ສະເໜີແລກປ່ຽນຄຳຄິດຄຳເຫັນເຊິ່ງກັນ ແລະ ກັນແລ້ວ ທ່ານ ສີສຸວັນ ວົງຈອມສີ, ເລຂາພັກແຂວງ, ເຈົ້າແຂວງ ສາລະວັນ ໄດ້ສະແດງຄວາມຂອບອົກຂອບໃຈມາຍັງກະຊວງກະສິກຳ ແລະ ປ່າໄມ້, ກົມຊົນລະປະທານ, ບໍລິສັດ ໂກໂຈປ໋າ ( ສປຈີນ ) ພ້ອມທັງຄະນະທິມງານ ທີ່ໃຫ້ຄວາມສົນໃຈມາລົງທຶນພັດທະນາທໍາການລິດໃຫ້ປະຊາຊົນຊາວແຂວງ ສາລະວັນມີວຽກເຮັດງານທຳອີກດ້ວຍ, ມາຮອດ 16: 40 ການພົບປະໂອ້ລົມກໍໄດ້ສິ້ນສຸດລົງ