ທ່ານ ເລຂາຄະນະບໍລິຫານງານພັກແຂວງ, ເຈົ້າແຂວງໆ ສາລະວັນ ຕ້ອນຮັບບັນດາພະແນກການ ທີ່ມາອວຍພອນ ເນື່ອງໃນໂອກາດສົ່ງທ້າຍປີເກົ່າ, ຕ້ອນຮັບປີໃໝ່

ເວລາ 9 : 30 ໂມງ ຂອງວັນທີ 29 ທັນວາ 2015 ນີ້ ຢູ່ທີ່ຫ້ອງ 207 ຫ້ອງຮັບແຂກຂອງຫ້ອງວ່າການປົກຄອງແຂວງ ທ່ານ ສີສຸວັນ ວົງຈອມສີ ເລຂາຄະນະບໍລິຫານງານພັກແຂວງ, ເຈົ້າແຂວງໆ ສາລະວັນ ໄດ້ໃຫ້ກຽດຕ້ອນຮັບບັນດາ ຫົວໜ້າ-ຮອງຫົວໜ້າ ພະແນກການທີ່ມາອ່ວຍພອນເນື່ອງໃນໂອກາດສົ່ງທ້າຍປີເກົ່າ, ຕ້ອນຮັບປີໃໝ່ທີ່ມາເຖິງໃນມໍ່ໆນີ້: ເຊິ່ງການມາອວຍພອນໃນຄັ້ງນີ້: ມີພະແນກອຸດສາຫະກຳ ແລະ ການຄ້າແຂວງ ນຳໂດຍ ທ່ານ ບຸນຊູ ລັດສະໝີ ຮອງຫົວໜ້າ ພະແນກ ພ້ອມດ້ວຍຄະນະ ແລະ ພະນັກງານ – ລັດຖະກອນ,ພະແນກວິທະຍາສາດ ແລະ ເຕັກໂນໂລຊີ ນຳໂດຍ ທ່ານ ສີສຸດອນ ອັງຄະໄລ ຫົວໜ້າ ພະແນກ ພ້ອມດ້ວຍຄະນະ ແລະ ພະນັກງານ – ລັດຖະກອນ, ພະແນກພະລັງງານ ແລະ ບໍ່ແຮ່ ນຳໂດຍ ທ່ານ ບຸນມາ ແກ້ວອ່ອນສາ ຫົວໜ້າ ພະແນກ ພ້ອມດ້ວຍຄະນະ ແລະ ພະນັກງານ – ລັດຖະກອນ, ພະແນກກະສິກຳ – ປ່າໄມ້ ນຳໂດຍ ທ່ານ ອານຸສັກ ຈຳປາຄຳ ກຳມະການພະແຂວງ,ຫົວໜ້າ ພະແນກ ພ້ອມດ້ວຍຄະນະ ແລະ ພະນັກງານ – ລັດຖະ ກອນ, ພະແນກແຮງງານ ແລະ ສະຫວັດດີການສັງຄົມ ນຳໂດຍ ທ່ານ ບຸນຍົງ ພາສີ ຫົວໜ້າ ພະແນກ ພ້ອມດ້ວຍຄະນະ ແລະ ພະນັກງານ – ລັດຖະກອນ, ໄດ້ພ້ອມກັນເຂົ້າອວຍພອນ ແລະແຕ່ລະພະແນກການກໍໄດ້ລາຍງານສະພາບການຈັດຕັ້ງປະຕິບັດ ໜ້າທີ່ວຽກງານພະແນກຂອງຕົນໃຫ້ທ່ານເຈົ້າແຂວງຮັບຊາບ.

ຕອນທ້າຍ ທ່ານ ສີສຸວັນ ວົງຈອມສີ ເລຂາຄະນະບໍລິຫານງານພັກແຂວງ, ເຈົ້າແຂວງໆ ສາລະວັນ ໄດ້ສະແດງຄວາມ ຂອບອົກຂອບໃຈມາຍັງແຕ່ລະທ່ານ, ແຕ່ລະພະແນກການ ພ້ອມທັງໂອ້ລົມ ແລະ ມີຄຳເຫັນຕ່າງໆຂອງແຕ່ລະວຽກ, ແຕ່ລະ ພະແນກການ ເພື່ອນຳໄປຈັດຕັ້ງປະຕິບັດໃນຕໍ່ໜ້າ.