ທ່ານ ສີສຸວັນ ວົງຈອມສີ ເລຂາຄະນະບໍລິຫານງານພັກແຂວງ, ເຈົ້າແຂວງໆ ສາລະວັນ ຕ້ອນຮັບບັນດາບໍລິສັດ ທີ່ມາອວຍພອນເນື່ອງໃນໂອກາດສົ່ງທ້າຍປີເກົ່າ ຕ້ອນຮັບປີໃໝ່.

ຕອນເຊົ້າຂອງວັນທີ 30 ທັນວາ 2015 ເວລາ 11 : 20 ໂມງ ທີ່ຜ່ານມານີ້, ຢູ່ຫ້ອງ 207 ຂອງຫ້ອງວ່າການປົກຄອງແຂວງ ສາລະວັນ ທ່ານ ສີສຸວັນ ວົງຈອມສີ ເລຂາຄະນະບໍລິຫານງານພັກແຂວງ, ເຈົ້າແຂວງໆ ສາລະວັນ ໄດ້ໃຫ້ກຽດຕ້ອນຮັບບັນດາ ບໍລິສັດ ທີ່ມາອ່ວຍພອນເນື່ອງໃນໂອກາດສົ່ງທ້າຍປີເກົ່າ ຕ້ອນຮັບປີໃໝ່ ຢ່າງອົບອຸ່ນ. ເຊີ່ງການມາອ່ວຍພອນໃນຄັ້ງນີ້: ມີກຸ່ມບໍລິສັດ ຄູນຄຳກຼູບ, ບໍລິສັດ ຫ້ວຍເປາະພາວເວີຈຳກັດ, ໂຮງງານປຸງແຕ່ງໄມ້ຫານຊະນະ, ບໍລິສັດ ກໍ່ສ້າງເຂື່ອນໄຟຟ້າເຊເສັດ 3 ແລະ ສະຖາບັນການເງີນຈຸລະພາບ ໃນນັ້ນ ແຕ່ລະບໍລິສັດດັ່ງກ່າວໄດ້ຜັນປ່ຽນກັນເຂົ້າອວມພອນການນຳຂັ້ນແຂວງ, ແຕ່ລະບໍລິສັດ ກໍໄດ້ລາຍງານວຽກງານຂອງຕົນ ທີ່ໄດ້ຈັດຕັ້ງປະຕິບັດໃນໄລຍະຜ່ານມາ ແລະ ຂໍທິດຊີ້ນຳ ເພື່ອນຳໄປຈັດຕັ້ງປະຕິບັດໃນຕໍ່ໜ້າ.
ຈາກນັ້ນ ທ່ານ ສີສຸວັນ ວົງຈອມສີ ເລຂາຄະນະບໍລິຫານງານພັກແຂວງ, ເຈົ້າແຂວງໆ ສາລະວັນ ກໍໄດ້ສະແດງຄວາມຂອບອົກຂອບໃຈ ພ້ອມທັງໃຫ້ຄຳອວຍພອນມາຍັງ ທ່ານປະທານ – ຫົວໜ້າ ຂອງບໍລິສັດ ແລະ ຄະ ນະ ແລະ ໄດ້ໂອ້ລົມໃຫ້ທິດທາງຕ່າງໆ ເພື່ອນຳໄປຈັດຕັ້ງປະຕິບັດໃນຕໍ່ໜ້າ