ທ່ານ ສີສຸວັນ ວົງຈອມສີ ເລຂາພັກແຂວງ, ເຈົ້າແຂວງໆ ສາລະວັນຕ້ອນຮັບ ທ່ານ ປິເຕີ້ ຫົວໜ້າ ອຳນນວຍການ ບໍລິສັດ ສະໂຕຮາເອັນໂຊລາວ

ຕອນເຊົ້າຂອງວັນທີ 13 ຕຸລາ 2015 ເວລາ 9:30 ໂມງ ທ່ານ ປີເຕີ້ ຫົວໜ້າອຳນວຍການ ບໍລິສັດ ສະໂຕຮາເອັນໂຊລາວ ພ້ອມດ້ວຍ ທ່ານ ນາງ ມະນີຊົງ ລືສີສະໝຸດ, ກໍາມະການພັກແຂວງ, ຫົວໜ້າ ອໍານວຍການໂຮງຮຽນການເມືອງ – ການປົກຄອງ ແຂວງ ສາລະວັນ ແລະ ຄະນະທິມງານວິຊາການຂອງທ່ານ ໄດ້ເຂົ້າພົບ ທ່ານ ສີສຸວັນ ວົງຈອມສີ ເລຂາພັກແຂວງ, ເຈົ້າແຂວງໆ ສາລະວັນ ທີ່ຫ້ອງຮັບແຂກຂອງຫ້ອງວ່າການປົກຄອງແຂວງສາລະວັນ. ການມາພົບປະທ່ານເລຂາພັກແຂວງ, ເຈົ້າແຂວງໆ ສາລະວັນ ໃນຄັ້ງນີ້ ມີຈຸດປະສົງເພື່ອລາຍງານຄວາມຫຍຸ້ງຍາກ ແລະ ຂໍ້ສະດວກໃນການຈັດຕັ້ງປະຕິບັດໂຄງການປູກໄມ້ວິກ, ມັນຕົ້ນ ທີ່ ເມືອງຕະໂອ້ຍ ແຂວງ ສາລະວັນ ແລະ ຍັງໄດ້ປືກສາຫາລືລະຫວ່າງບໍລິສັດກັບແຂວງກ່ຽວກັບເນື້ອທີ່ດິນທີ່ ບໍລິສັດ ສະໂຕຮາເອັນໂຊລາວ ຈະສຳປະທານຢູ່ເຂດເມືອງຕະໂອ້ຍ.
ພາຍຫຼັງທີ່ ທ່ານ ຫົວໜ້າອຳນວຍການ ບໍລິສັດ ສະໂຕຮາເອັນໂຊລາວ ໄດ້ລາຍງານສະພາບການແລ້ວ ທ່ານ ສີສຸ ວັນ ວົງຈອມສີ ເລຂາພັກແຂວງ, ເຈົ້າແຂວງໆ ສາລະວັນ ກໍໄດ້ແລກປ່ຽນຄໍາຄິດຄໍາເຫັນກ່ຽວກັບເນື່ອທີ່ດິນເຂດ ເມືອງ ຕະໂອ້ຍໃຫ້ຊາບຂໍ້ມູນຕ່າງໆ ແລະ ໄດ້ສະເໜີ ມາຍັງທ່ານ ຫົວໜ້າອຳນວຍການ ບໍລິສັດ ສະໂຕຮາເອັນໂຊລາວ ໃຫ້ມີສ່ວນຮ່ວມກັບພໍ່ແມ່ປະຊາຊົນໃຫ້ມີວຽກເຮັດງານທຳ ເພື່ອເສີມລາຍຮັບເຂົ້າໃນຊີວິດຄອບຄົວ ພ້ອມນັ້ນ ທ່ານ ສີສຸວັນ ວົງຈອມສີ ເລຂາພັກແຂວງ, ເຈົ້າແຂວງໆສາລະວັນ ໄດ້ສະແດງຄວາມຍ້ອງຍໍຊົມເຊີຍມາຍັງ ທ່ານ ຫົວໜ້າອຳນວຍການ ບໍລິສັດ ສະໂຕຮາເອັນໂຊລາວ ທີ່ໄດ້ມີຄວາມສົນໃຈທີ່ຢາກມາລົງທຶນ ໂດຍສະເພາະ ຈະມາປູກຕົ້ນໄມ້ວິກ ແລະ ມັນຕົ້ນ, ຕອນທ້າຍ ທ່ານ ປີເຕີ້ ຫົວໜ້າອຳນວຍການ ບໍລິສັດສະໂຕຮາເອັນໂຊລາວ ພ້ອມດ້ວຍຄະນະທິມງານ ກໍໄດ້ອ່ວຍພອນມາຍັງທ່ານ ສີສຸວັນ ວົງຈອມສີ ເລຂາພັກແຂວງ, ເຈົ້າແຂວງໆ ສາລະວັນ ພ້ອມທັງມອບກະຕ່າຂອງຂັວນ.