ທ່ານ ພູທົງ ຄຳມະນີວົງ ຄະນະປະຈຳພັກແຂວງ, ຮອງເຈົ້າແຂວງໆ ໃຫ້ກຽດຕ້ອນຮັບ ທ່ານ ສົມດີ ສີລີລັດ ຫົວໜ້າກົມຈັດຕັ້ງພະນັກງານ ກະຊວງພາຍໃນ

ເວລາ 11 : 00 ໂມງ ຂອງວັນທີ 12 ຕຸລາ 2015 ທ່ານ ສົມດີ ສີລີລັດ ຫົວໜ້າກົມຈັດຕັ້ງພະນັກງານ ກະຊວງພາຍໃນ ພ້ອມຄະນະທິມງານ ໄດ້ເຂົ້າພົບການນຳຂອງແຂວງ ໂດຍໃຫ້ກຽດຕ້ອນຮັບ ທ່ານ ພູທົງ ຄຳມະນີວົງ ຄະນະປະຈຳພັກແຂວງ, ຮອງເຈົ້າແຂວງ, ຜູ້ຊີ້ນຳວຽກງານຂົງເຂດວັດທະນະທຳ – ສັງຄົມ, ທີ່ຫ້ອງຮັບແຂກຂອງຫ້ອງວ່າການປົກຄອງແຂວງ ສາລະວັນ. ຈຸດປະສົງຂອງ ທ່ານ ສົມດີ ສີລີລັດ ຫົວໜ້າກົມຈັດຕັ້ງພະນັກງານ ກະຊວງພາຍໃນ ພ້ອມຄະນະທິມງານໃນການເຂົ້າມາພົບປະກັບການນຳໃນຄັ້ງນີ້ ເພື່ອລາຍງານການເຄື່ອນໄຫວເຮັດວຽກຮ່ວມກັບແຂວງ ແລະ ຍັງໄດ້ລາຍງານທີ່ຈະລົງໄປເຄື່ອນໄຫວຢູ່ບັນດາເມືອງສາມສ້າງ ເພື່ອເບິ່ງວຽກການຄຸ້ມຄອງພະນັກງານ – ລັດຖະກອນ ແລະ ພົນລະເມືອງ ນອກຈາກນັ້ນ ຍັງໄດ້ຈັດກອງປະຊຸມໃນການຈັດຕັ້ງປະຕິບັດ ກ່ຽວກັບການສຳມະນາບ້ານທີ່ມີຄວາມທຸກຍາກ ແລະ ເຂດຫ່າງໄກສອກຫຼີກ.

ພາຍຫຼັງທີ່ ທ່ານ ສົມດີ ສີລີລັດ ຫົວໜ້າກົມຈັດຕັ້ງພະນັກງານ ກະຊວງພາຍໃນ ໄດ້ກວ່າຈຸດປະສົງແລ້ວ ທ່ານ ຍັງສະ ເໜີ ແລະແລກປ່ຽນຄຳຄິດເຫັນຕໍ່ກັບແຂວງ ໂດຍສະເພາະ ແມ່ນພະນັກງານ -​ ລັດຖະກອນຕ້ອງມີຄວາມສາມາດ ແລະ ຄຸນນະພາບ, ການແບ່ງປັນຕົວເລກລັດຖະກອນໃຫ້ແຂວງຕະຫຼອດຮອດເມືອງສາມສ້າງ ແລະ ບັນດາເອກະສານຕຳແໜ່ງງານ, ພາລະບົດບາດເພື່ອປັບປຸງ ແລະ ແກ້ໄຂຕາມທິດທາງສາມສ້າງ. ພ້ອມນັ້ນ ທ່ານ ພູທົງ ຄຳມະນີວົງ ຄະນະປະຈຳພັກແຂວງ, ຮອງເຈົ້າແຂວງ, ຜູ້ຊີ້ນຳວຽກງານຂົງເຂດວັດທະນະທຳ – ສັງຄົມ ກໍມີຄໍາເຫັນ ແລະ ສະເໜີຕໍ່ກະຊວງກ່ຽວກັບເລື່ອງ ເຂດເຊື່ອມຕໍ່ລຽບຕາມຂອບເຂດຊາຍແດນເມືອງ ແລະ ແຂວງ, ບັນຫາການກວດກາເອກະສານວຸດທິທັງໝົດຂອງພະນັກງານ -​ ລັດຖະກອນ ເປັນຕົ້ນໃບປະກາຊະນີຍະບັດທີ່ໄດ້ປະກອບເອກະສານເຂົ້າເປັນລັດຖະກອນ. ຕອນທ້າຍ ທ່ານ ພູທົງ ຄຳມະນີວົງ ຄະນະປະຈຳພັກແຂວງ, ຮອງເຈົ້າແຂວງ, ຜູ້ຊີ້ນຳວຽກງານຂົງເຂດວັດທະນະທຳ – ສັງຄົມ ໄດ້ສະແດງຄວາມຊົມເຊີຍ ແລະ ຍິນດີຕ້ອນຮັບທ່ານ ຫົວໜ້າກົມທີ່ກ່ຽວຂ້ອງພ້ອມຄະນະທິມງານ ແລະ ກະຊວງພາຍໃນ ທີ່ໄດ້ລົງມາເຮັດວຽກຢູ່ແຂວງ ສາລະວັນ ເພື່ອສັງລວມຂໍ້ມູນການສະເໜີຕ່າງນຳໄປຄົ້ນຄວ້າພິຈາລະນາ ແລະ ຈັດຕັ້ງປະຕິບັດໃຫ້ສຳເລັດ, ມາຮອດເວລາ 11: 50 ໂມງການພົບປະ ແລະ ຢ້ຽມຢາມໄດ້ສຸດ.