ທ່ານ ບົວທອງ ຄຸນຍອດປັນຍາ, ຮອງເລຂາພັກແຂວງ, ຮອງເຈົ້າແຂວງໆ ສາລະວັນ ຕ້ອນຮັບ ປະທານ ບໍລິສັດ ຊີມັງ ຈຸງຢາອີຊິ ແລະ ຮອງຫົວໜ້າ ພະແນກຍຸຕິທຳແຂວງ ສາລະວັນ

ເວລາ 15: 00 ໂມງ ຂອງວັນທີ 28 ທັນວາ 2015 ທີ່ຜ່ານມານີ້ ຢູ່ທີ່ຫ້ອງ 207 ຫ້ອງຮັບແຂກຂອງຫ້ອງວ່າການປົກຄອງແຂວງ ທ່ານ ບົວທອງ ຄຸນຍອດປັນຍາ, ຮອງເລຂາພັກແຂວງ, ຮອງເຈົ້າແຂວງໆ ສາລະວັນ ຜູ້ຊີ້ນຳຂົງເຂດວຽກງານການປົກຄອງ ກໍໄດ້ໃຫ້ກຽດຕ້ອນຮັບ ທ່ານ ປະທານ ບໍລິສັດ ຊີມັງ ຈຸງຢາອີຊິ ພ້ອມດ້ວຍຄະນະ ເຂົ້າາອວຍພອນຢ່າງອົບອຸ່ນ, ຕໍ່ຈາກນັ້ນ ພະແນກຍຸຕິທຳແຂວງ ສາລະວັນເຊິ່ງນຳໂດຍ ທ່ານ ສົມພອນ ແກ້ວມະນີ ຮອງຫົວໜ້າ ພະແນກຍຸຕິທຳ ແຂວງ ສາລະວັນ ພ້ອມດ້ວຍພະນັກງານ – ລັດຖະກອນໄດ້ເຂົ້າອວຍພອນ ແລະ ໄດ້ລາຍງານສະພາບການຈັດຕັ້ງປະຕິບັດຂອງພະແນກໃຫ້ຂັ້ນເທິງ ເພື່ອຮັບຊາບ.

ຕອນທ້າຍ ທ່ານ ບົວທອງ ຄຸນຍອດປັນຍາ ຮອງເລຂາພັກແຂວງ, ຮອງເຈົ້າແຂວງໆ ສາລະວັນ ຜູ້ຊີ້ນຳຂົງເຂດວຽກງານການປົກຄອງກໍໄດ້ສະແດງຄວາມຊົມເຊີຍ ແລະ ຂອບອົກຂອບໃຈຕໍ່ບັນດາທ່ານ ພ້ອມຄະນະທີ່ໄດ້ມາອວຍພອນ ເນື່ອງໃນໂອກາດສົ່ງທ້າຍປີເກົ່າ, ຕ້ອນຮັບປີໃໝ່ ທີ່ຈະມາເຖິງໃນມໍ່ໆນີ້ ແລະ ມີຄຳເຫັນບາງບັນຫາທັງ ບໍລິສັດ ຊີມັງ ຈຸງຢາອີຊິ ແລະ ພະແນກຍຸຕິທຳແຂວງ ເພື່ອນຳໄປຈັດຕັ້ງປະຕິບັດໃນຕໍ່ໜ້າ.