ທ່ານ ທີ່ປືກສາໂຄງການທາງ 15 ພ້ອມດ້ວຍພະນັກງານພາຍໃນໂຄງການທາງ 15 ເຂົ້າອວຍພອນ ທ່ານ ສີສຸວັນ ວົງຈອມສີ ເລຂາຄະນະບໍລິຫານງານພັກແຂວງ, ເຈົ້າແຂວງໆ ສາລະວັນ ແລະ ທ່ານ ວິຊຽນ ນະວິກຸນ ຮອງເຈົ້າແຂວງໆສາລະວັນ.

ຕອນບ່າຍຂອງວັນທີ 25 ທັນວາ 2015 ເວລາ 2 : 30 ໂມງ ທີ່ຜ່ານມານີ້, ທີ່ປຶກສາໂຄງການທາງ 15ຢູ່ຫ້ອງ 207 ຂອງຫ້ອງວ່າການປົກຄອງແຂວງ ແລະ ຫ້ອງເຮັດວຽກຂອງທ່ານຮອງເຈົ້າແຂວງ, ຜູ້ຊີ້ນຳວຽກງານຂົງເຂດເສດຖະກິດ, ທີ່ປຶກສາໂຄງການທາງ 15 ພ້ອມດ້ວຍຄະນະໃນໂຄງການຈຳນວນໜຶ່ງໄດ້ນໍາກະຕ່າດອກໄມ້ມາອວຍພອນ ທ່ານ ສີສຸວັນວົງຈອມສີ ເລຂາຄະນະບໍລິຫານງານພັກແຂວງ, ເຈົ້າແຂວງໆ ສາລະວັນ ແລະ ທ່ານ ວິຊຽນ ນະວິກຸນ ຄະນະປະຈຳພັກແຂວງ, ຮອງເຈົ້າແຂວງໆ ສາລະວັນ, ຜູ້ຊີ້ນຳວຽກງານຂົງເຂດເສດຖະກິດ ເນື່ອງໃນໂອກາດສົ່ງທ້າບປີ ເກົົ່າຕ້ອນຮັບປີໃໝ່. ເຊິ່ງ ທ່ານ ສີສຸວັນ ວົງຈອມສີ ເລຂາຄະນະບໍລິຫານງານພັກແຂວງ, ເຈົ້າແຂວງໆ ສາລະວັນ ກໍໄດ້ໂອ້ລົມ ແລະ ມີຄຳເຫັນບາງບັນຫາ ເພື່ອນຳໄປຈັດຕັ້ງປະຕິບັດໜ້າທີ່ວຽກງານຂອງຕົນ ເພື່ອພັດທະນາເສັ້ນທາງໃຫ້ດີຂຶ້ນກ່ວາເກົ່າ ໂດຍສະເພາະ ທົ່ວເທດສະບານແຂວງ ສາລະວັນ ແລະ ເສັ້ນທາງອື່ນໆ, ພ້ອມທັງສະແດງຄວາມຂອບອົກຂອບໃຈມາຍັງທ່ານ ທີ່ປຶກສາໂຄງການເສັ້ນທາງເລກທີ 15.

ຫຼັງຈາກນັ້ນ ທີ່ປຶກສາໂຄງການທາງ 15 ພ້ອມດ້ວຍຄະນະໃນໂຄງການ ກໍໄດ້ເຂົ້າອວຍພອນຕໍ່ ທ່ານ ວິຊຽນ ນະວິກຸນ, ຄະນະປະຈຳພັກແຂວງ, ຮອງເຈົ້າແຂວງໆ ສາລະວັນ ຜູ້ຊີ້ນຳວຽກງານຂົງເຂດເສດຖະກິດ ກໍໄດ້ໂອ້ລົມຊັກຖາມເຊີ່ງກັນ ແລະ ກັນ ເຖິງຫຼາຍບັນຫາດ້ວຍຄວາມອົບອຸ່ນ ແລະ ຊີ້ນຳເຖິງບັນຫາທີ່ຍັງຂາດຕັກບົກຜ່ອງພ້ອມທັງສະແດງຄວາມຂອບອົກຂອບໃຈຕໍ່ ທ່ານພ້ອມດ້ວຍຄະນະ ແລະ ທັງຊົມ ເຊີຍທີ່ພັດທະນາແຂວງ ສາລະວັນ.