” ທ່ານ ຄຳໄຕ ສີພັນດອນ ມອບງົວແນວພັນໃຫ້ກົມໃຫ່ຍພະລາທິການ ກອງທັບ.”

ຫວ່າງມໍ່ໆນີ້ຢູ່ທີ່ຟາມລ້ຽງສັດ ບ້ານທີ 1 ເມືອງບາຈຽງ ແຂວງ ຈຳປາສັກ ໄດ້ຈັດພິທີມອບ-ຮັບ ງົວແນວພັນໃຫ້ກົມໃຫ່ຍພະ ລາທິການກອງທັບ ເຊິ່ງກ່າວ ມອບ ໂດຍທ່ານ ຄຳໄຕ ສີພັນ ດອນ ອະດີດປະທານພັກ-ປະ ທານປະເທດ ແຫ່ງ ສປປ ລາວ ກ່າວຮັບໂດຍທ່ານ ພົນຈັດຕະ ວາ ຄຳເພັດ ສີຊານົນ ຮອງຫົວ ໜ້າກົມໃຫຍ່ພະລາທິການກອງ ທັບ ແລະ ມີ ພັນເອກ ບຸນທອງ ຄຳພາໄຊ ຫົວໜ້າຫ້ອງພະລາ ທິການກອງພົນທີ 5 ພ້ອມດ້ວຍ ພາກສ່ວນວິຊາການເຂົ້າຮ່ວມ ເປັນສັກຂີພະຍານ.ງົວທີ່ມອບໃນຄັ້ງນີ້ແມ່ນງົວ ແມ່ພັນຈຳນວນ 26 ໂຕ ຄິດໄລ່ ມູນຄ່າ 100 ລ້ານກວ່າກີບໂອກາດມອບງົວໃນຄັ້ງນີ້ ທ່ານ ຄຳໄຕ ສີພັນດອນ ກໍໄດ້ໃຫ້ຄຳ ແນະນຳບາງບັນຫາ
ກ່ຽວກັບ ການສ້າງເສດຖະກິດແກ້ໄຂຊີວິດການເປັນຢູ່ຂອງພະນັກງານ-ນັກຮົບໃນກອງທັບ ໂດຍຖືສຳຄັນ ວຽກງານການກໍ່ສ້າງພື້ນຖານ ໂຄງລ່າງຂອງກົມກອງໃຫ້ມີ ຄວາມເຂັ້ມແຂງໜັກແໜ້ນໃນ ທຸກດ້ານໃນນີ້ຕ້ອງເອົາໃຈໃສ່ ວຽກງານການປູກຝັງ-ລ້ຽງສັດ ເປັນສຳຄັນຊຸກຍູ້ໃຫ້ພະນັກງານ-ນັກຮົບເພີ່ມພູນຜະລິດຜົນຕາມ 4 ປູກ 4 ລ້ຽງ ໄປພ້ອມໆກັບການ ຫັນລົງກໍ່ສ້າງຮາກຖານການ ເມືອງພັດທະນາຊົນນະບົດຮອບ ດ້ານຕາມ 4 ເນື້ອໃນ 4 ຄາດ ໜາຍ ຕິດພັນກັບວຽກງານ 3 ສ້າງ ໄປຄຽງຄູ່ກັບການປັບປຸງ ກໍ່ສ້າງກົມກອງໃຫ້ກາຍເປັນ ກອງທັບປະຕິວັດມີແບບແຜນທັນສະໄໜກ້າວຂື້ນຢ່າງບໍ່ຢຸດຢັ້ງ.
ງົວທີ່ມອບໃຫ້ກົມໃຫ່ຍພະລາ ທິການ ກອງທັບໃນຄັ້ງນີ້ ທ່ານ ພົນຈັດຕະວາ ຄຳເພັດ ສີຊານົນ ກໍໄດ້ສະແດງຄວາມຂອບອົກ ຂອບໃຈ ເປັນຢ່າງສູງທີ່ທ່ານໄດ້ ໃຫ້ຄວາມສຳຄັນຕໍ່ວຽກງານພະລາທິການຂອງກອງທັບພ້ອມທັງໃຫ້ຄຳໝັ້ນສັນຍາວ່າ: ຈະປົກປັກຮັກສາບົວລະບັດ ລ້ຽງດູໃຫ້ຖືກຕ້ອງຕາມຫຼັກວິຊາ ການ ເພື່ອຜົນປະໂຫຍດຂອງກອງທັບໃນຕໍ່ໜ້າ ແລະ ຍາວນານ.
ໂດຍ: ແສງອາທິດ ສີດາໄລ

Support Prime Minister Thongloun Sisoulith