ທ່ານຮອງເຈົ້າແຂວງສາລະວັນຕ້ອນຮັບການມາຢ້ຽມຢາມ ແລະເຮັດວຽກຂອງທ່ານ ພັອ ຫງວຽນຊ້ວນອຽນ ຮອງຫົວໜ້າກົມນະໂຍບາຍ, ກະຊວງປ້ອງກັນປະເທດ ສສ ຫວຽດນາມ

ຕອນ​ເຊົ້າ​ຂອງ​ວັນ​ທີ 15 ມັງກອນ 2015 ທີ່​ຜ່ານ​ມາ​ນີ້ ຢູ່​ທີ່​ຫ້ອງ​ຮັບຮອງ (207) ຫ້ອງ​ວ່າການ​ປົກຄອງ​ແຂວງ​ສາລະ​ວັນ ທ່ານ ສີ​ສຸວັນ ວົງ​ຈອມ​ສີ ກຳມະການ​ປະຈຳ​ພັກ​ແຂວງ, ຮອງ​ເຈົ້າ​ແຂວງ​ໆສາລະ​ວັນ (ຜູ້​ຊີ້​ນຳ​ວັດທະນະທຳ-ສັງຄົມ) ພ້ອມ​ດ້ວຍ​ຫົວໜ້າ-ຮອງ​ຫົວໜ້າ ພະ​ແນ​ກການ​ທີ່​ກ່ຽວຂ້ອງ​ຂອງ​ແຂວງ​ ​ໃຫ້ກຽດຕ້ອນຮັບ​ການ​ມາ​ຢ້ຽມຢາມ ​ແລະ​ເຮັດ​ວຽກ ຂອງ ທ່ານ ພັອ ຫງວຽນຊ້ວນ​ອຽນຮອງ​ຫົວໜ້າກົມ​ນະ​ໂຍບາຍ, ກະຊວງ​ປ້ອງ​ກັນ​ປະ​ເທດ ຂອງ ສສ ຫວຽດນາມ ພ້ອມ​ດ້ວຍຕາງໜ້າກົງ​ສູນ​ໃຫຍ່ ສສ ຫວຽດນາມ ປະຈຳ​ແຂວງ​ຈຳປາ​ສັກ, ຕາງໜ້າ ສະຖານທູດ​ຫວຽດນາມ ປະຈຳ​ລາວ ​ແລະ​ກະຊວງ​ຕ່າງປະ​ເທດ​ທັງ​ສອງ​ຝ່າຍ​ລາວ ​ແລະ​ຫວຽດນາມ.

ການ​ມາ​ຢ້ຽມຢາມ ​ແລະ​ ເຮັດ​ວຽກຂອງ ​ທ່ານ ຫງວຽນຊ້ວນ​ອຽນ ​ໃນ​ຄັ້ງ​ນີ້ ​ແມ່ນ​ເພື່ອ​ປຶກສາ​ຫາລື ​ແລະ ສົມທົບ​ກັບ​ອຳນາດ​ການ​ປົກຄອງ​ແຂວງ​ສາລະ​ວັນ ​ເພື່ອ​ສຶບຕໍ່​ສຳຫຼວດກວດກາ, ​ເກັບ​ກຳ​ຂໍ້​ມູນບັນດາ​ທະຫານ, ອາສາ​ສະໝັກ, ຊ່ຽວ ຊານ ​ແລະ​ ນັກ​ສຶກສາ​ຂອງຫວຽດນາມ ທີ່​ມີ​ຄຸນງາມຄວາມດີ​ໃນ​ພາລະກິດ​ຕໍ່ສູ້​ກູ້​ຊາດ ​ແລະ​ປົດປ່ອຍ​ຊາດ ​ໃນ​ສ​ະໄໝສົງຄາມ ຢູ່ ສປປ ລາວ.