ທີ່ຕັ້ງ ແລະ ຈຸພິເສດ ຂອງແຂວງສາລະວັນ

I. ທ່າແຮງບົ່ມຊ້ອນຂອງແຂວງສາລະວັນ:

ແຂວງ​ສາລະ​ວັນຕັ້ງ​ຢູ່​ພາກ​ໃຕ້​ຂອງສປປລາວ, ນອນ​ໃນ​ເຂດ​ສາມຫຼ່ຽມພັດທະນາ CLV ມີ​ຊາຍ​ແດນ​ຕິດ​ຈອດ​ກັບບັນດາປະ​ເທດ ​ແລະ​ ​ແຂວງ​ໃກ້​ຄຽງດັ່ງ​ນີ້:

– – ທິດ​ເໜືອຕິດ​ກັບ​ແຂວງ​ສະຫວັນ​ນະ​ເຂດ ​ຍາວ 275 km.

– – ທິດ​ໃຕ້​ຕິດ​ກັບ​ແຂວງ​ຈຳປາ​ສັກ​ ລວງຍາວ 175 km.

– – ທິດຕາ​ເວັນ​ອອກ​ຕິດ​ກັບ​ແຂວງ​ກວາງ​ຈິ້ ​ແລະ ​ເທືອ​ທຽນ​ເຫວ້ (ສສຫວຽດນາມ) ລວງ​ຍາວ 116 km ​ແລະ ​ແຂວງ​ເຊ​ກອງຍາວ 200 km.

– – ທິດຕາ​ເວັນ​ຕົກ​ຕິດ​ກັບ​ແຂວງອຸບົນຣາຊະ​ທານີ (​ຣາດຊະນາ​ຈັກ​ໄທ) ຍາວ 90 km.

ເນື້ອ​ທີ່​ຂອງ​​ແຂວງ​ສາລະ​ວັນ 10.691 ກິ​ໂລ​ຕາ​ແມັດ; ປະກອບມີ 8 ເມືອງ ຄື: ສາລະ​ວັນ, ​ເລົ່າ​ງາມ, ວາປີ, ຄົງ​ເຊ​ໂດນລະຄອນ​ເພັງ, ຕຸ້ມ​ລານ, ຕະ​ໂອ້​ຍ ​ແລະ ສະໝ້ວຍ. ປະຊາກອນທັງໝົດ 396.741 ຄົນ, ຍິງ 102.006 ຄົນ; ມີ 582 ບ້ານ, 54 ກຸ່ມບ້ານ, 72.112 ຄອບຄົວ, ຄວາມໜາແໜ້ນຂອງປະຊາກອນ 36ຄົນ/ກິໂລຕາແມັດ; ມີ 10 ຊົນເຜົ່າ,​ ເຜົ່າລາວກວມ 55%; ປະລິມານ​ນ້ຳ​ຝົນ 1.500-2.500 mm; ພູມສັນຖານແບ່ງອອກເປັນ 3 ເຂດຄື: ທົ່ງພຽງ, ພູພຽງແລະ ພູດອຍ.

v ​ເຂດ​ທົ່ງພຽງ: ມີ​ເນື້ອ​ທີ່ 497.925 ha, ກວມ44% ຂອງ​ເນື້ອທີ່​ທັງໝົດ. ສູງ​ຈາກ​ລະດັບໜ້ານ້ຳ​ທະ​ເລ 140- 300 m; ອຸນຫະພູມ​ສູງ​ສຸດ 40°c, ສະ​ເລ່ຍປານ​ກາງ 27°c ​ແລະຕ່ຳ​ສຸດ 11°c; ກວມ​ເອົາ 5 ເມືອງຄື: ​ເມືອງ​ສາລະ​ວັນ, ວາປີ, ຄົງ​ເຊ​​ໂດນ, ລະຄອນ​ເພັງ ​ແລະຕຸ້ມ​ລານ ​ເປັນ​ພຶ້ນທີ່​ເໝາະສົມ​ແກ່​ການ​ປູກ​ເຂົ້າ,​ ພຶ​ດອຸດ​ສະຫະ​ກຳ, ພຶດຜັກ​ອາຍຸ​ສັ້ນ, ລ້ຽງສັດ​ນ້ອຍ,​ ອຸດ​ສາຫະ​ກຳ​ປຸງ​ແຕ່ງ​ຜະລິດ​ຕະພັນ​ກະສິກຳ,​​ ໂຄງການ​ລົງທຶນ​ດ້ານການ​ບໍລິການ​ທາງ​ຜ່ານ ​ແລະ ການທ່ອງທ່ຽວ.

v ​ເຂດ​ພູ​ພຽງ: ມີ​ເນື້ອ​ທີ່ 207.700 ha, ກວມ 19% ຂອງ​ເນື້ອ​ທີ່​ທັງໝົດ. ສູງ​ຈາກ​ລະດັບໜ້ານ້ຳ​ທະ​ເລ 300 – 1.200 m; ອຸນຫະພູມ​ສູງ​ສຸດ 35°c, ສະ​ເລ່ຍປານ​ກາງ 26°c ​ແລະຕ່ຳ​ສຸດ 8°c. ກວມ​ເອົາ​ເມືອງ​ເລົ່າ​ງາມ, ສ່ວນໜຶ່ງຂອງ​ເມືອງ​ຄົງ​ເຊ​ໂດນ, ສາລະ​ວັນ ​ແລະ​ວາປີ; ​ເປັນ​ພຶ້ນທີ່​ເໝາະສົມ​ແກ່​ການ​ປູກ​ພຶ​ດອຸດ​ສະຫະ​ກຳ,​ ກາ​ເຟ, ພຶດ​ເປັນ​ຢາ, ໝາກ​ແໜ່ງ, ພິກ​ໄທ, ຕົ້ນ​ໄມ້​ກິນໝາກ, ພຶດຕະກຸນ​ຖົ່ວ, ພຶດທາດ​ແປ້ງ, ພຶດຜັກ​ເຂດໜາວ, ລ້ຽງສັດ​ໃຫຍ່, ປຸງ​ແຕ່ງ​ຜະລິດຕະພັນ​ກະສິກຳ – ອຸດ​ສະຫະ​ກຳ ​ແລະການທ່ອງທ່ຽວ.

v ​ເຂດ​ພູດ​ອຍ: ມີ​ເນື້ອ​ທີ່ 363.475 ha, ກວມ 37% ຂອງ​ເນື້ອ​ທີ່​ທັງໝົດ. ສູງ​ຈາກ​ລະດັບໜ້ານ້ຳ​ທະ​ເລ 700-1.200 m; ອຸນຫະພູມ​ສູງ​ສຸດ 34°c, ສະ​ເລ່ຍປານ​ກາງ 25°c ​ແລະຕ່ຳ​ສຸດ 8°c ກວມ​ເອົາ 2 ​ເມືອງຄື​: ​ເມືອງ​ຕະ​ໂອ້​ຍ ​ແລະສະໝ້ວຍ, ​ເປັນ​ພຶ້ນທີ່​ເໝາະສົມ​​ແກ່​ການ​ປູກ​ພຶດ, ​ໄມ້​ເສດຖະກິດ​ແບບ​ປະສົມ​ປະສານ, ລ້ຽງສັດ, ປູກ​ພຶດທາດ​ແປ້ງ ​ແລະ​ ອື່ນໆ.

ນອກຈາກ​ນັ້ນ; ​ແຂວງ​ສາລະ​ວັນຍັງ​ມີ​ຊັບພະຍາກອນ​​ທຳ​ມະ​ຊາດ​ອີກ​ຈຳນວນຫຼວງຫຼາຍ ​ເປັນ​ຕົ້ນ: ຊັບພະຍາກອນນ້ຳຊັບພະຍາກອນ​ທີ່​ດິນ, ຊັບພະຍາກອນ​ປ່າ​ໄມ້, ຊັບພະຍາກອນ​ແຮ່​ທາດ ​ແລະອື່ນໆ… ​ເຊັ່ນ:

v ຊັບພະຍາກອນ​ທາງ​ນ້ຳ: ມີ​ແມ່​ນ້ຳ​ທີ່​ສຳຄັນ 30 ກວ່າ​ສາຍ, ​ເໝາະ​ແກ່​ການ​ເຮັດ​ຊົນລະປະທານ ​ແລະມີ​ນ້ຳ​ຕົກຫຼາຍ​ແຫ່ງທີ່​ສາມາດ​ສ້າງ​ເຂື່ອນ​ໄຟຟ້າ​ນ້ຳຕົກ​ຂະໜາດນ້ອຍ ​ແລະຂະໜາດກາງ​ໄດ້​ ເຊັ່ນ: ​ເຊ​ເສັດ 1, ​ເຊ​ເສັດ 2, ​ເຊ​ໂດນ 3, ​ເຊ​ເສັດ3, ​ເຊ​ລະ​ນອງ, ​ເຊ​ໂປ​ນ 3 ​ແລະອື່ນໆ…

v ຊັບພະຍາກອນ​ທີ່​ດິນ: ​ເນື້ອ​ທີ່​ດິນ​ຂອງ​ແຂວງ​ສາລະ​ວັນ​ສ່ວນ​ໃຫຍ່​ ​ແມ່ນ​ເປັນ​ທົ່ງພຽງກວ້າງ​ໃຫຍ່ລຽບຕາມ​ແມ່​ນ້ຳ​ເຊ​ໂດນແລະ ​ແມ່​ນ້ຳຂອງ ​ເໝາະ​ແກ່​ການ​ປູກ​ເຂົ້າ ​ແລະລ້ຽງສັດ​ນ້ອຍມີ 107.734 ha, ​ເມືອງ​ຕະ​ໂອ້​ຍ​ໄດ້​ຮັບ​ການຈັດ​ສັນ​ທີ່​ດິນ​ກະສິກຳ.

v ຊັບພະຍາກອນ​ປ່າ​ໄມ້:

– ​ເນື້ອ​ທີ່​ປ່າ​ໄມ້ 707.400 ha ກວມ 66%; ປ່າຕຶບໜາ 45%, ປ່າ​ເລົ່າ 55%.

– ​ເນື້ອ​ທີ່​ປ່າ​ສະຫງວນ​ແຫ່ງ​ຊາດ 240.163 ha, ມີ​ປ່າ​ສະຫງວນ​ແຫ່ງ​ຊາດ 3 ​ແຫ່ງ, ປ່າ​ຜະລິດ 2 ນິຄົມ 83.626 ha ​ແລະປ່າ​ປ້ອງ​ກັນ 13.600 ha.

v ຊັບພະຍາກອນ​ແຮ່​ທາດ: ມີ​ແຮ່​ທາດ​ທີ່​ສຳຄັນຫຼາຍຊະນິດ ​ເຊັ່ນ: ດິນໜຽວ,​ ບໍ່​ຖ່ານ​ຫີນ, ພູ​ຫີນ​ປູນ, ບໍ່​ເຫຼັກ, ​ແກ້ວ​ຫີນ​ດຳ, ບໍ່​ທອງ​ແດງ, ທາດ​ອາຍ​ແກັດທຳ​ມະ​ຊາດ ​ແລະອື່ນໆ…

II. ດ້ານ​ການ​ສຶກສາ ​ແລະ ສາທາລະນະ​ສຸກ:

– – ທົ່ວ​ແຂວງ​ມີ​ໂຮງຮຽນສາມັນ​ສຶກສາທັງໝົດ 742 ​ແຫ່ງ

– – ມີ​ນັກຮຽນທັງໝົດ89.819 ຄົນ, ຍິງ 43.300 ຄົນ; ປະຖົມ57.279 ຄົນ, ຍິງ 27.703 ຄົນ; ມັດທະຍົມ​ຕົ້ນ 19.184 ຄົນ, ຍິງ 8.898 ຄົນ ​ແລະ ມັດທະຍົມ​ປາຍ 6.217ຄົນ, ຍິງ 2.896 ຄົນ.

– – ມີ​ໂຮງຮຽນວິທະຍາ​ໄລ​ຄູ 1 ​ແຫ່ງ ​ແລະ ​ໂຮງຮຽນວິຊາ​ຊີບແບບປະສົມ 1 ​ແຫ່ງ, ວິທະຍາໄລ ເອກະຊົນ 1 ແຫ່ງ

– – ມີ​ໂຮງໝໍ​ແຂວງ 1 ​ແຫ່ງ (​ເມືອງ7 ​ແຫ່ງ), ສຸກສາລາ61 ​ແຫ່ງ, ມີ​ຕູ້​ຢາ​ປະຈຳ​ບ້ານ 456 ບ້ານ, ນຳໃຊ້ນ້ຳສະອາດ ກວມ 88,07%

– ຊົມ​ໃຊ້​ວິດຖ່າຍກວມ 30% ຂອງ​ບ້ານ​ທັງໝົດ, ອັດຕາກາຍຈາຍຂອງເດັກທີ່ມີອາຍູຕ່ຳກວ່າ 5 ປີ ມີ 34/1,000 ຄົນ.

III.ດ່ານ​ເຂົ້າ​ – ອອກ, ການ​ຂົນ​ສົ່ງ, ​ໂທລະ​ຄົມມະນາຄົມ ​ແລະ ທະນາຄານ:

1.ດ່ານ​ເຂົ້າ – ອອກ​ເມືອງ:

(1) ດ່ານສາກົນລະ​ໄລ: ຊາຍ​ແດນລາວ-ຫວຽດນາມ ​ໃຊ້​ທາງ 15A ​ເຊື່ອມ​ທາງ​ເລກ 20 ​ແລະທາງ 13 ​ໃຕ້ – ປາກ​​ເຊອອກ​ສູ່​ປະ​ເທດ​ໄທ (ດ່ານ​ວັງ​ເຕົ່າ – ຊ່ອງ​ເມັກ).

– UBON (THAILAND) – Chongmek 83 Km, Chongmek – Vangtao Checkpoint – Pakse 45 Km, Pakse– Saravan 113 Km.

– Saravan – Vietnam border 147 Km, ສາລະ​ວັນ – ນາ​ປົ່ງ (ທາງ 15 A – 13 ​ໃຕ້ 73 Km ແລະ​ອື່ນໆ)

(2) ດ່ານ​ປາກ​ຕະພານ – ປາກ​ແຊງ (​ເມືອງ ​ເຂັມ​ມະ​ລາດ) ຊາຍ​ແດນ​ລາວ – ​ໄທ​, ການ​ຂົນ​ສົ່ງ​ໂດຍສານ:

2.ລະບົບ​ໂທລະ​ຄົມມະນາຄົມ: Lao TELECOM, UNITEL, ETL ທີ່ສາມາດ​ເຊື່ອມ​ຕໍ່​ທັງ​ພາຍ​ໃນ ​ແລະຕ່າງປະ​ເທດ.

3.ດ້ານ​ທະນາຄານ:

– – ທະນາຄານ ​ພັດທະນາ​ລາວ Lao Development Bank

– – ທະນາຄານ​ ການ​ຄ້າ​ຕ່າງປະ​ເທດ BCEL Bank

– – ທະນາຄານ ​ສົ່ງ​ເສີມ​ກະສິກຳ Argriculture Promotion Bank

– – ທະນາຄານ​ ພົງ​ສະຫວັນ Phongsavanh Bank

– – ທະນາຄານ ​ເອຊີ​ລີ​ດາ ACLEDA Bank

– – ທະນາຄານນະ​ໂຍບາຍ Policy Bank