ຄະນະພັກຮາກຖານຫ້ອງວ່າການແຂວງສາລະວັນ ເຜີຍແຜ່ – ເຊື່ອມຊຶມມະຕິຂອງພັກໃຫ້ແກ່ຄະນະພັກ, ສະມາຊິກພັກ ແລະ ພະນັກງານ -ລັດຖະກອນທົ່ວຄະນະພັກຮາກຖານ.

ໂດຍປະຕິບັດຕາມແຈ້ງການແນະນຳ ຂອງຄະນະໂຄສະນາອົບຮົມແຂວງ ສະບັບເລກທີ 34/ຄອຂ, ລົງວັນທີ 31/07/2018. ໃນຕອນບ່າຍ ຂອງວັນທີ 14 ສິງຫາ 2018 ທີ່​ຜ່ານ​ມາ. ທີ່ຫ້ອງປະຊຸມຊັ້ນ 3 ຂອງຫ້ອງວ່າການແຂວງສາລະວັນ ໄດ້ເປີດກອງປະຊຸມ ເຜີຍແຜ່ – ເຊື່ອມຊືມມະຕິກອງ​ປະຊຸມ​ຂອງ​ພັກຂຶ້ນ. ໂດຍ​ໃຫ້​ກຽດ​ບັນ​ລະ​ຍາຍ ຂອງ ທ່ານ ພັທ ເຄນຄຳ ວໍລະຈິດ ຮອງເລຂາຄະນະພັກຮາກຖານຫ້ອງວ່າການແຂວງ, ຫົວໜ້າຫ້ອງການຄະນະກຳມະການ ປກຊ – ປກສ ແຂວງ, ມີຄະນະ​ພັກ​ຮາກ​ຖານ, ​ຄະນະໜ່ວຍພັກທີ່​ຂຶ້ນ​ກັບ, ພະນັກງານ – ລັັດຖະກອນຂອງຫ້ອງວ່າການແຂວງ ​ແລະ ພະ ນັກງານ – ລັດຖະກອນ​ຂອງ​ຫ້ອງ​ໃນ​ສັງກັດ​ເຂົ້າຮ່ວມ ຈຳ ນວນ 56 ທ່ານ ແລະ ຍິງ 22 ທ່ານ.
ການ​ເຜີຍ​​ແຜ່​ – ​ເຊື່ອມ​ຊຶມ​ມະຕິຂອງ​ພັກ​ໃນ​ຄັ້ງນີ້ ​ແມ່ນ​ໄດ້​ນຳ​ເອົາ​ເອກະສານ​ຈຳນວນ 2 ສະບັບ​ມາ​ເຜີຍ​ແຜ່ – ​ເຊື່ອມ​ຊຶມ​ຄື:

  1. ມະ​ຕິກ​ອງປະຊຸມ​ຄົບ​ຄະນະ​ບໍລິຫານ​ງານ​ພັກ​ແຂວງ​​ເປີດ​ກວ້າງ​ຄັ້ງທີ 8 ສະ​ໄໝ​ທີ VIII (ກາງ​ສະ​ໄໝ), ຄັ້ງວັນ​ທີ 7 – 11 ກໍລະກົດ 2018.
  2. ມະຕິ​ກອງ​ປະຊຸມ​ກາງ​ສະ​ໄໝ​ທີ VI ຂອງ​ຄະນະ​ພັກ​ຮາກ​ຖານ​ຫ້ອງ​ວ່າການ​ແຂວງ​ສາລະ​ວັນ, ຄັ້ງວັນ​ທີ 7 – 8 ພຶດສະພາ 2018.

        ທັງ​ນີ້, ກໍ​ເພື່ອ​ເຮັດ​ໃຫ້​ພະນັກງານ – ສະມາຊິກ​ໄດ້​ຮັບ​ຮູ້ – ​ເຂົ້າ​ໃຈ​ຕໍ່​ແນວທາງ ນະ​ໂຍບາຍພັກ ກໍ​ຄືທິດ​ທາງ​ແຜນການ​ໃນ​ຕໍ່ໜ້າ​ຂອງ​ພັກ ​​ໃນ​ການ​ນຳ​ມາ​ຜັນ​ຂະຫຍາຍ​ໃຫ້​ເປັນ​ແຜນ​ງານ – ​ໂຄງການ​ອັນ​ລະອຽດ ​ແລະ ຈັດຕັ້ງປະຕິບັດ​ຖືກຕ້ອງ​ຕາມ​ແນວທາງ – ນະ​ໂຍບາຍ​ຂອງ​ພັກ​ທີ່​ກຳນົດ​ໄວ້.