ຄະນະພັກຮາກຖານຫ້ອງວ່າການແຂວງທາບທາມໂຄງປະກອບບຸກຄະລາກອນ ຮັບສະໜັກເລືອກຕັ້ງ ຄະນະພັກຮາກຖານຫ້ອງວ່າການແຂວງ ຮອບເປີດກ້ວາງ.

ກອງປະຊຸມຄະນະພັກຮາກຖານຫ້ອງວ່າການແຂວງ ເປີດກ້ວາງ ເພື່ອປະກອບບຸກຄະລາກອນ ຮັບສະໜັກເລືອກຕັ້ງ ຄະນະພັກຮາກຖານ ໄດ້ໄຂຂື້ນຢ່າງເປັນທາງການ ໃນວັນທີ 1 ມີນາ 2019 ທີ່ຜ່ານມາ ໂດຍການເປັນປະທານຂອງ ສະຫາຍ ສະໄໝ ໂພທິສານ ກຳມະການພັກແຂວງ ຫົວໜ້າຫ້ອງວ່າການແຂວງ ມີບັນດາທ່ານຄະນະພັກຮາກຖານຂອງໜ່ວຍພັກທີ່ຂື້ນກັບ ຫ້ອງວ່າການແຂວງ, ຫົວໜ້າຂະແໜງ, ຮອງຂະແໜງ ຕະຫຼອດຮອດພະນັກງານລັດຖະກອນເຂົ້າຮ່ວມ.

ກອງປະຊຸມຄັ້ງນີ້ໄດ້ຮັບຟັງການຜ່ານຮ່າງລາຍງານການເມືອງທັງສອງພາກ ແລະ ເອກະສານທີ່ກ່ຽວຂ້ອງເຊັ່ນ: ມະຕີເລກທີ 030/ກມສພ ລົງວັນທີ 3 ມັງກອນ 2018 ວ່າດ້ວຍມາດຖານຂອງພະນັກ ງານນໍາພາ – ຄຸ້ມຄອງ ແລະ ຄໍາສັ່ງ ເລກທີ 02/ຄຈພຂ.ສວ ລົງວັນທີ 5/7/2018 ດ້ວຍດ້ວຍ: ການກະ ກຽມດໍາເນີນກອງປະຊຸມໃຫ່ຍອົງຄະນະພັກແຂວງ, ອົງຄະນະພັກເມືອງ ແລະ ຮາກຖານພັກໃນທົ່ວແຂວງ.  ເພື່ອສືບຕໍ່ຈັດຕັ້ງຜັນຂະຫຍາຍແນວທາງນະໂຍບາຍຂອງພັກ ທີ່ໄດ້ກໍານົດໄວ້ໃນມະຕິກອງປະຊຸມໃຫ່ຍຄັ້ງທີ VIII ຂອງແຂວງ ກໍຄືມະຕິກອງປະຊຸມຄະນະພັກຮາກຖານຫ້ອງວ່າການແຂວງ ໃຫ້ກາຍເປັນອັນລະອຽດ ເພື່ອເປັນເຄື່ອງມືໃນການຊີ້ນໍາໆພາຄຸ້ມຄອງລັດ – ຄຸ້ມຄອງເສດຖະກິດ – ສັງຄົມ ຢູ່ໃນແຕ່ລະຂົງເຂດວຽກງານ ບົນພື້ນຖານບໍລິຫານລັດພາຍໄຕ້ກົດໜາຍ. ພ້ອມນັ້ນກອງປະຊຸມຍັງໄດ້ປະກອບຄໍາຄິດເຫັນດ້ວຍຄວາມຮັບຜິດຊອບສູງຕໍ່ຮ່າງລາຍງານການເມືອງຢ່າງກົງໄປກົງມາ ແລະ ມີຄວາມເອກະພາບກັນ. ພ້ອມດຽວກັນນີ້ກອງປະຊຸມຍັງສືບຕໍ່ດໍາເນີນການທາບທາມໂຄງປະກອບບຸກຄະລາກອນຮັບສະໜັກເລືອກຕັ້ງຄະນະພັກຮາກຖານຫ້ອງວ່າາກນແຂວງ ຮອບທີ 1.

ກອງປະຊຸມຄະນະພັກຮາກຖານຫ້ອງວ່າການແຂວງໄດ້ດໍາເນີນເປັນເວລາເຄີ່ງມື້ຈິ່ງໄດ້ອັດລົງ.