ຄະນະນຳຂອງແຂວງ ສາລະວັນ ຕ້ອນຮັບການມາເຄື່ອນໄຫວຢ້ຽມຢາມ ແລະ ເຮັດວຽກຂອງ ຮອງນາຍົກລັດຖະມົນຕີ ແຫ່ງ ສປປ ລາວ

ເວລາ 11 : 00 ໂມງ ຂອງວັນທີ 16 ມີຖຸນາ 2015 ນີ້ ຄະນະນຳຂອງແຂວງສາລະວັນ ນຳໂດຍ ທ່ານ ບົວທອງ ຄຸນຍອດປັນຍາ ຮອງເລຂາພັກແຂວງ, ຫົວໜ້າຄະນະຈັດຕັ້ງແຂວງ ພ້ອມດ້ວຍກຳມະການປະຈຳພັກແຂວງ, ກຳມະການພັກແຂວງ, ຫົວໜ້າພະແນກ ການ, ທະຫານ, ຕໍາຫຼວດ ແລະ ນ້ອງ​ນ້ອຍ​ນັກ​ຮຽນ ໄດ້ໃຫ້ກຽດອອກຕ້ອນຮັບ ການມາເຄື່ອນໄຫວຢ້ຽມຢາມ ແລະ ເຮັດວຽກຂອງ ທ່ານ ອາຊາງ ລາວລີ ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະ ຊາຊົນລາວ ພ້ອມດ້ວຍຄະນະ ຢູ່ທີ່ສະໜາມບິນແຂວງສາລະວັນ. ການອອກຕ້ອນຮັບໃນຄັ້ງນີ້, ເຕັມໄປດ້ວຍບັນຍາກາດແຫ່ງຄວາມ ສະໜິດສະໜົມ ແລະ ອົບອຸ່ນ.