ຄະນະນຳຂອງແຂວງສາລະວັນເຂົ້າອວຍພອນ ທ່ານ ຄຳໄຕ ສີພັນດອນ ອາດີດປະທານພັກ, ປະທານປະເທດແຫ່ງ ສປປ ລາວ

ຕອນເຊົ້າຂອງ ວັນທີ 1 ມັງກອນ 2015 ທີ່ຜ່ານມານີ້ ທ່ານ ຄຳບຸ່ນ ດ້ວງປັນຍາ ກຳມະການສູນກາງພັກ, ເລຂາ ພັກແຂວງ, ເຈົ້າແຂວງໆ ສາລະວັນ ພ້ອມດ້ວຍຄະນະໄດ້ເຂົ້າອວຍພອນ ທ່ານ ຄໍາໄຕ ສີພັນດອນ ອາດີດປະ ທານພັກ, ປະທານປະເທດແຫ່ງ ສປປລາວ. ເນື່ອງໃນໂອກາດສົ່ງທ້າຍປີເກົ່າຕ້ອນຮັບປີໃໝ່ ຄສ 2015 ຢູ່ທີ່ເຮືອນພັກຂອງ ທ່ານ ຄໍາໄຕ ສີພັນດອນ ທີ່ເມືອງ ປາກຊ່ອງ ແຂວງຈຳປາສັກ ແລະ ທັງສອງທ່ານກໍ່ຍັງໄດ້ໂອ້ລົມຊັກຖາມເຊິ່ງກັນແລະກັນ ເຖິງຫຼາຍບັນຫາດ້ວຍ ຄວາມອົບອຸ່ນ​ແລະສະໜິດສະໝົມ.ຕອນທ້າຍ ທ່ານ ຄຳໄຕ ສີພັນດອນ, ອາດີດປະທານພັກ, ປະທານປະເທດແຫ່ງ ສປປລາວ ກໍ່ໄດ້ສະແດງຄວາມ ຂອບອົກຂອບໃຈຕໍ່ ທ່ານ ຄຳບຸ່ນ ດ້ວງປັນຍາ ກຳມະການສູນກາງພັກ, ເລຂາພັກແຂວງເຈົ້າແຂວງໆສາລະວັນ ພ້ອມດ້ວຍຄະນະ ທີ່ໄດ້ມາອວຍພອນໃນເທື່ອນີ້ ຈົ່ງມີແຕ່ຄວາມສຸກກາຍສະບາຍໃຈ, ປາສະຈາກໂລກໄພໄຂ້ເຈັບ ແລະ ປະສົບຜົນສຳເລັດໃນໜ້າທີ່ວຽກງານ.